പുലിയുടെ ആക്രമണത്തിൽ മൂന്നു വയസുകാരി കൊല്ലപ്പെട്ടു: നാട്ടുകാർ ബത്തേരി ഗൂഡല്ലൂർ റോഡ് ഉപരോധിക്കുന്നു.

ഗൂഡല്ലൂർ: നീലഗിരിയിൽ പുലിയുടെ ആക്രമണത്തിൽ 3 വയസ്സുകാരിയ്ക്ക് ദാരുണാന്ത്യം. പന്തല്ലൂർ തൊണ്ടിയാളം സ്വദേശി നാൻസിയാണ് കൊല്ലപ്പെട്ടത്. ഗൂഡല്ലൂർ തൊണ്ടിയാളത്തിലാണ് സംഭവം.സംഭവത്തിൽ പ്രതിഷേധിച്ച് നാട്ടുകാർ ബത്തേരി പന്തല്ലുർ ഗൂഡല്ലൂർ റോഡ് ഉപരോധിക്കുന്നു

തോട്ടത്തിലൂടെ അമ്മയോടൊപ്പം പോകുമ്പോഴായിരുന്നു കുട്ടിയെ പുലി ആക്രമിച്ചത്. പുലിയുടെ ആക്രമണത്തിൽ പരിക്കേറ്റ കുട്ടിയെ നാട്ടുകാരും ഫോറസ്റ്റ് ഉദ്യോഗസ്ഥരും കൂടി ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കുട്ടിയുടെ മൃതദേഹം ആശുപത്രിയിൽ സൂക്ഷിച്ചിരിക്കുകയാണ്.