ലോക്സഭാ തെരഞ്ഞെടുപ്പിൻ്റെ ഭാഗമായി തോൽപ്പെട്ടി ചെക്ക്പോസ്റ്റിൽ ഡ്യൂട്ടിയിലുള്ള ജീവനക്കാരുടെ ശുചിത്വ പ്രവർത്തനങ്ങൾ ശ്രദ്ധേയമാവുകയാണ്. ഒരു മാസത്തോളമായി തോൽപ്പെട്ടി ചെക്ക് പോസ്റ്റിൽ തെരഞ്ഞെടുപ്പ് വിഭാഗം -പോലീസ് – എക്സൈസ് വകുപ്പുകളുടെ സംയുക്ത സഹകരണത്തോടെ പ്രവർത്തിക്കുന്ന സ്റ്റാറ്റിക് സർവൈലൻസ് ടീം അംഗങ്ങളാണ് വിശ്രമവേളയിൽ ചെക്ക്പോസ്റ്റ് പരിസര പ്രദേശങ്ങളിലെ അജൈവ മാലിന്യങ്ങൾ ശേഖരിച്ചത്. ശേഖരിച്ച അജൈവ മാലിന്യങ്ങൾ വേർതിരിച്ച് തിരുനെല്ലി ഹരിത കർമ്മ സേനയ്ക്ക് എസ്.എസ്.ടി ചാർജ് ഓഫീസർ എം.പി രാജേന്ദ്രൻ കൈമാറി. അസി. എക്സൈസ് ഇൻസ്പെക്ടർ ഹരിദാസൻ, ധന്വന്ത്, അജയ് കെ. എ, സീനിയർ സി.പി.ഒ ജിൽജിത്ത്, കെ.എമിഥുൻ , എസ്.എസ്.ടി അംഗങ്ങളായ കെ .എസ് ഫൈസൽ, വിനോദ്, ഷെരീഫ് എന്നിവർ ശുചിത്വ പ്രവർത്തനങ്ങളിൽ പങ്കാളികളായി.
ക്രഷ് ഹെല്‍പ്പര്‍ നിയമനം
മാനന്തവാടി ശിശുവികസന വകുപ്പിന് കീഴിലെ കോണ്‍വെന്റ്കുന്ന് അങ്കണവാടിയില്‍ പ്രവര്‍ത്തനമാരംഭിക്കുന്ന ക്രഷിലേക്ക് ഹെല്‍പ്പര്‍ തസ്തികകളിലേക്ക് അപേക്ഷ ക്ഷണിച്ചു. മാനന്തവാടി നഗരസഭ പരിധിയില്‍ സ്ഥിരതാമസക്കാരായ 18-35 നും ഇടയില്‍ പ്രായമുള്ള പത്താം ക്ലാസ് യോഗ്യതയുള്ള വനിതകള്‍ക്ക് അപേക്ഷിക്കാം.
