മെഴ്സിഡീസ് ബെൻസിന്റെ അത്യാഡംബര എസ്യുവി ജിഎല്‍എസ് 600 സ്വന്തമാക്കി യുവതാരം ഷെയ്ൻ നിഗം. ബ്രിഡ്ജ് വേ മോട്ടോഴ്സില്‍ നിന്നാണ് ഏകദേശം 3.80 കോടി രൂപ ഓണ്‍റോഡ് വില വരുന്ന വാഹനം ഷെയ്ൻ വാങ്ങിയത്. കുടുംബത്തോടൊപ്പമെത്തി വാഹനത്തിന്റെ താക്കോല്‍ ഏറ്റുവങ്ങുന്നതിന്റെ വീഡിയോ ബ്രിഡ്ജ് വേ സമൂഹമാധ്യമങ്ങളില്‍ പങ്കുവച്ചിട്ടുണ്ട്.
ഇന്ത്യൻ സെലിബ്രിറ്റികളുടെ പ്രിയപ്പെട്ട വാഹനമായാണ് മെയ്ബ ജിഎല്‍എസ് 600 അറിയപ്പെടുന്നത്. ലുലു ഗ്രൂപ്പ് ഉടമ യൂസഫലിയും മമ്മൂട്ടിയും നേരത്തെ മെയ്ബ ജിഎല്‍എസ് 600 എസ്യുവി സ്വന്തമാക്കിയിട്ടുണ്ട്. മെഴ്സിഡീസ് എസ്.യു.വി. നിരയിലെ അത്യാഡംബര മോഡലാണ് മെയ്ബ ജി.എല്‍.എസ്.600. മെയ്ബയുടെ സിഗ്നേച്ചർ അലങ്കാരത്തോടെ ഒരുങ്ങിയിട്ടുള്ള എക്സ്റ്റീരിയറും അത്യാഡംബര സംവിധാനങ്ങള്‍ ഉള്‍ക്കൊള്ളിച്ചുള്ള ഇന്റീരിയറുമാണ് മെയ്ബയുടെ ഹൈലൈറ്റ്.
4-5 സീറ്റിങ്ങ് ഓപ്ഷനുകളില്‍ മെയ്ബ ലഭ്യമാണ്. സ്ലൈഡ് ചെയ്യാനും ടില്‍റ്റ് ചെയ്യാനും സാധിക്കുന്ന പനോരമിക് സണ്‍റൂഫ്, ആള്‍ട്ര കംഫോർട്ടബിള്‍ ബ്ലോസ്റ്റേഡ് വെന്റിലേറ്റഡ്, മസാജിങ് സീറ്റുകള്‍, പീൻ സീറ്റ് യാത്രക്കാർക്കാർ ഡിസ്പ്ലേ സ്ക്രീനുകള്‍ തുടങ്ങി നീളുന്നതാണ് ഇതിലെ ആഡംബരം. 4.0 ലിറ്റർ വി 8 ബൈ-ടർബോ എൻജിനാണ് മെഴ്സിഡസ് മെയ്ബാ ജി.എല്‍.എസ്.600-ല്‍ പ്രവർത്തിക്കുന്നത്. ഇത് 549 ബി.എച്ച്‌.പി. പവറും 730 എൻ.എം. ടോർക്കുമാണ് ഉത്പാദിപ്പിക്കുന്നത്. 9-ജി ട്രോണിക് ഓട്ടോമാറ്റിക് ഗിയർബോക്സാണ് ഇതിലെ ട്രാൻസ്മിഷൻ. എൻജിനൊപ്പം നല്‍കിയിട്ടുള്ള 48 വോള്‍ട്ട് EQ ബൂസ്റ്റ് സിസ്റ്റം ആവശ്യമുള്ള സമയങ്ങളില്‍ 250 എൻ.എം. അധിക ടോർക്കും 21 ബി.എച്ച്‌.പി. പവറും നല്‍കും. 4.9 സെക്കന്റില്‍ പൂജ്യത്തില്‍ നിന്ന് 100 കിലോമീറ്റർ വേഗത കൈവരിക്കാനുള്ള ശേഷിയും ഈ വാഹനത്തിനുണ്ട്.
