കൊല്ലം :സംസ്ഥാനത്തും ജില്ലയിലും ഏറ്റവും മികച്ച രീതിയിൽ ഹയർ സെക്കൻ്ററി തലത്തിൽ എൻ എസ് എസ് പ്രവർത്തനങ്ങൾ ഏറ്റെടുത്ത് നടത്തിയതിന് വയനാട് ജില്ലയ്ക്ക് ആദരം. സംസ്ഥാനത്തെ ഏറ്റവും മികച്ച എൻ എസ് എസ് വൊളണ്ടിയർ അവാർഡ് വടുവൻചാൽ സ്കൂൾ വൊളണ്ടിയർ മുഹമ്മദ് ഫിനാസ് സംസ്ഥാന പൊതു വിദ്യാഭ്യാസ – തൊഴിൽ വകുപ്പ് മന്ത്രി വി ശിവൻ കുട്ടിയിൽ നിന്നും ഏറ്റുവാങ്ങി. ജില്ലയിലെ മികച്ച എൻ എസ് എസ് യൂണിറ്റിനുള്ള അവാർഡ് പുൽപ്പള്ളി വിജയ ഹയർ സെക്കൻ്ററി സ്കൂളിനു ലഭിച്ചു. അതേ സ്കൂളിലെ വൊളണ്ടിയർ അനിൽഡ കെ ഷജിൽ ഉത്തര മേഖലയിലെ മികച്ച എൻ എസ് എസ് വൊളണ്ടിയർ അവാർഡും, പ്രോഗ്രാം ഓഫീസറായ ബിജോയ് വേണുഗോപാൽ ജില്ലയിലെ മികച്ച എൻ എസ് എസ് പ്രോഗ്രാം ഓഫീസർ അവാർഡും കൊല്ലം ടി കെ എം എജിനീയറിംഗ് കോളേജിൽ വെച്ച് നടന്ന ചടങ്ങിൽ ഏറ്റുവാങ്ങി. സംസ്ഥാന ക്ഷീര വികസന – മൃഗ സംരക്ഷണ വകുപ്പ് മന്തി ജെ ചിഞ്ചുറാണി മുഖ്യാതിഥിയായിരുന്ന ചടങ്ങിൽ ഇരവിപുരം എം എൽ എ എം നൗഷാദ്, പൊതു വിദ്യാഭ്യാസ ഡയറക്ടർ എസ് ഷാനവാസ്, ഹയർ സെക്കൻഡറി അക്കാദമിക ജോയിൻറ് ഡയറക്ടർ എസ് ഷാജിത, സംസ്ഥാന എൻ എസ് എസ് ഓഫീസർ ആർ എൻ ആൻസർ, കൊല്ലം ജില്ലാ പഞ്ചായത്ത് പ്രസിഡൻ്റ് പി കെ ഗോപൻ തുടങ്ങിയവർ പങ്കെടുത്തു.
ഇനി വാട്‌സ്ആപ്പ് സ്റ്റാറ്റസ് അപ്‌ഡേറ്റ് വേറെ ലെവല്‍; ഇൻസ്റ്റഗ്രാമിന് സമാനമായി ‘ക്ലോസ് ഫ്രണ്ട്സ്’ ഫീച്ചര്‍ വരുന്നു.
മെറ്റയുടെ ഉടമസ്ഥതയിലുള്ള മെസേജിംഗ് ആപ്ലിക്കേഷനായ വാട്‌സ്ആപ്പ് നിരന്തരം പുതിയ സവിശേഷതകൾ പരീക്ഷിച്ചുകൊണ്ടിരിക്കുകയാണ്, ഇപ്പോൾ കമ്പനി അതിന്‍റെ സ്റ്റാറ്റസ് അപ്‌ഡേറ്റുകൾ കൂടുതൽ വ്യക്തിഗതമാക്കാൻ പോകുന്നു. സ്റ്റാറ്റസ് ഇന്‍റര്‍ഫേസില്‍ ‘ക്ലോസ് ഫ്രണ്ട്സ്’ ഫീച്ചർ അവതരിപ്പിക്കാൻ തയ്യാറെടുക്കുകയാണ് വാട്‌സ്ആപ്പ്.
