സ്പ്ലാഷ് മഴ മഹോത്സവം പതിനൊന്നാം എഡിഷന് വയനാടൊരുങ്ങുന്നു.

കൽപ്പറ്റ: അടുത്തമാസം പതിനൊന്നു മുതൽ വയനാട്ടിൽ നടക്കുന്ന സ്പ്ലാഷ് മഴ മഹോത്സവത്തിന് ഉള്ള ഒരുക്കങ്ങൾ ആരംഭിച്ചു .
ടൂറിസം
സംരംഭകരും ടൂർ ഓപ്പറേറ്റർമാരും പങ്കെടുക്കുന്ന ബി ടു ബി മീറ്റ് കൂടാതെ ഇത്തവണ വ്യത്യസ്തമായ പരിപാടികൾ കൂടി ഉൾക്കൊള്ളിച്ചിട്ടുണ്ട്.
ടൂറിസം സംരഭകരുടെയും (സെല്ലേഴ്സ് ) ടൂർ ഓപ്പറേറ്റർമാരുടെയും ( ബയേഴ്സ് ) രജിസ്ട്രേഷൻ നടന്നു വരികയാണ്.
പരിപാടിയുടെ വിജയത്തിനായി വിവിധ സംഘടനകളുടെ യോഗം കൽപ്പറ്റയിൽ നടന്നു.
ടൂറിസം മേഖലയിലെ സംരംഭകരുടെ കൂട്ടായ്മയായ വയനാട് ടൂറിസം ഓർഗനൈസേഷൻ ഡബ്ലിയു ടി ഓയുടെ നേതൃത്വത്തിലാണ് കഴിഞ്ഞ രണ്ടു പതിറ്റാണ്ടായി സ്പളാഷ് മഴ മഹോത്സവം നടത്തി വരുന്നത്.

വയനാട് ഡി റ്റി.പി സി ,.ടൂറിസം വകുപ്പ്, വിവിധ ടൂറിസം സംഘടനകൾ തുടങ്ങിയവയെല്ലാം പരിപാടിയിൽ പങ്കാളികളാകുന്നുണ്ട്. ഇത്തവണ വിപുലമായ പരിപാടികളോടെ ജൂലായ് 11, 12 ,13 തീയതികളിൽ ആണ് ബി ടൂ ബി മീറ്റ് നടക്കുന്നത് . സ്പ്ലാഷ് പതിനൊന്നാം എഡിഷന്റെ ഭാഗമായി ഇത്തവണ സ്പോർട്സ് കൗൺസിലുമായി ചേർന്ന് വിവിധ മത്സരങ്ങളും സംഘടിപ്പിക്കും. പരിപാടിയുടെ വിജയത്തിനായി വയനാട് ഡെസ്റ്റിനേഷൻ മേക്കേഴ്സ്,വയനാട് ടൂറിസം അസോസിയേഷൻ, വയനാട് ഇക്കോ ടൂറിസം അസോസിയേഷൻ, കേരള ഹാറ്റ്സ്, ഓൾ കേരള ടൂറിസം അസോസിയേഷൻ (ആക്ട),വയനാട് ടൂറിസം അസോസിയേഷൻ (ഡബ്ല്യു.ടി.എ) , വയനാട് ടൂറിസം ഓർഗനൈസേഷൻ( ഡബ്ല്യൂ ടി.ഒ.), ഗൈഡ്സ് അസോസിയേഷൻ വയനാട്, നോർത്തു വയനാട് ടൂറിസം ഓർഗനൈസേഷൻ ,ഓൺലൈൻ മീഡിയ റിപ്പോർട്ടേഴ്സ് അസോസിയേഷൻ (ഒമാക്)തുടങ്ങിയ സംഘടനകളുടെ യോഗം കൽപ്പറ്റ ഗ്രീൻ ഗേറ്റ്സ് ഓഡിറ്റോറിയത്തിൽ ചേർന്നു. വയനാട് ടൂറിസം ഓർഗനൈസേഷൻ പ്രസിഡണ്ട് എം .ജെ . സുനിൽകുമാറിന്റെ അധ്യക്ഷതയിലായിരുന്നു യോഗം.