മുത്തങ്ങ:വയനാട് എക്‌സൈസ് ഇന്റലിജന്‍സിന് ലഭിച്ച രഹസ്യവിവര പ്രകാരം മുത്തങ്ങ എക്‌സൈസ് ചെക്ക് പോസ്റ്റില്‍ വെച്ച് നടത്തിയ പരിശോധനയില്‍ മിനിലോറിയില്‍ പച്ചക്കറികള്‍ക്കിടയില്‍ ഒളിപ്പിച്ച് കടത്തിക്കൊണ്ടു വന്ന 18500 പാക്കറ്റ് ഹാന്‍സ് വയനാട് എക്‌സൈസ് ഇന്റലിജന്‍സും മുത്തങ്ങ എക്‌സൈസ് പാര്‍ട്ടിയും ചേര്‍ന്ന് പിടികൂടി.കര്‍ണ്ണാടകയില്‍ നിന്നും ബത്തേരിയിലേക്ക് വില്‍പ്പനക്കായി 14 ചാക്കുകളിലായി കൊണ്ടുവന്നതാണിത്.വിപണിയില്‍ ഉദ്ദേശം കാല്‍ക്കോടിയോളം രൂപ വിലവരുന്ന ഉല്‍പ്പന്നങ്ങളാണ് പിടികൂടിയത്.ഹാന്‍സ് കടത്തിയ ഗുണ്ടല്‍പേട്ട സ്വദേശികളായ മല്ലു,കൃഷ്ണ എന്നിവരെ അറസ്റ്റ് ചെയ്തു. ഇന്റലിജന്‍സ് ഇന്‍സ്‌പെക്ടര്‍ സുനില്‍ എം.കെ,ചെക്ക് പോസ്റ്റിലെ ഇന്‍സ്‌പെക്ടര്‍ ഹരീഷ് കുമാര്‍,പ്രിവന്റീവ് ഓഫീസര്‍മാരായ കെ.രമേഷ്,പി.എസ് വിനീഷ്,കെ.പി ലത്തീഫ്,കെ.വി വിജയകുമാര്‍,സിവില്‍ എക്‌സൈസ് ഓഫീസര്‍മാരായ ജോമോന്‍,രാജേഷ് തോമസ്,എക്‌സൈസ് ഡ്രൈവര്‍ എം.എം ജോയി എന്നിവര്‍ എക്‌സൈസ് സംഘത്തിലുണ്ടായിരുന്നു. പ്രതികളേയും,തൊണ്ടിമുതലുകളും,വാഹനവും പോലീസിന് കൈമാറും.കഴിഞ്ഞ മാസവും എക്‌സൈസ് സംഘം ഇവിടെ നിന്നും 680 കിലോ ഹാന്‍സ് പിടികൂടിയിരുന്നു.
സ്‌പോട്ട് അഡ്മിഷന്‍
കേരള മീഡിയ അക്കാദമിയുടെ കൊച്ചി കേന്ദ്രത്തില്‍ ജേണലിസം ആന്‍ഡ് കമ്മ്യൂണിക്കേഷന്‍, ടെലിവിഷന്‍ ആന്‍ഡ് ജേണലിസം, പി.ആര്‍ ആന്‍ഡ് അഡ്വവര്‍ടൈസിങ് പി.ജി ഡിപ്ലോമ കോഴ്‌സുകളില്‍ ഒഴിവുള്ള സീറ്റുകളിലേക്ക് ഇന്ന് (ജൂലൈ 1) രാവിലെ 10 ന്
