വനിതാ ശിശു വികസന വകുപ്പ്,
ജില്ലാ ശിശു സംരക്ഷണ യൂണിറ്റ്, ഓ ആർ സി പദ്ധതി വയനാട് എന്നിവയുടെ സംയുക്താഭിമുഖ്യത്തിൽ പൂമല സെന്റ് റോസ്സല്ലോസ് സ്പീച്ച് ആൻഡ് ഹിയറിംഗ് സ്കൂളിൽ കുട്ടികളോടൊപ്പം ജില്ലാ കളക്ടർ സംവാദ പരിപാടി സംഘടിപ്പിച്ചു. വിദ്യാർഥികളുമായി ജില്ലാ കളക്ടർ എ. ഗീത ദ്വിഭാഷിയുടെ സഹായത്തോടെ സംവദിച്ചു. തുടർന്ന് ശിവ പ്രസാദ് എന്ന വിദ്യാർഥി വരച്ച കലക്ടറുടെ ചിത്രം കൈമാറി.
സംസ്ഥാന സ്പെഷ്യൽ സ്കൂൾ കലാ മേളയിൽ ഒന്നാം സ്ഥാനം നേടിയ പരിപാടികളും കലക്ടറുടെ സാന്നിധ്യത്തിൽ അവതരിപ്പിച്ചു. സ്കൂൾ ഹെഡ്മാസ്റ്റർ എൻ ജെ ഡോളി അധ്യക്ഷയായി.
ഓ ആർ സി സൈക്കോജിസ്റ്റ് ഹരിത പോൾ, ഡെപ്യൂട്ടി കളക്ടർ കെ ദേവകി, പി. ടി. എ പ്രസിഡന്റ്‌ ഇ. കെ ശശിധരൻ, സാന്ദ്ര സിറിയക് തുടങ്ങിയവർ സംസാരിച്ചു
മാസ് കമ്മ്യൂണിക്കേഷൻ അധ്യാപക നിയമനം
കൽപ്പറ്റ എൻ.എം.എസ്.എം ഗവ. കോളേജിൽ മാസ് കമ്മ്യൂണിക്കേഷൻ വിഭാഗത്തിൽ അധ്യാപക നിയമനം നടത്തുന്നു. കോളേജ് വിദ്യാഭ്യാസ വകുപ്പ് കോഴിക്കോട് ഉപഡയറക്ടറേറ്റിൽ രജിസ്റ്റർ ചെയ്തിട്ടുള്ള മാസ് കമ്മ്യൂണിക്കേഷൻ/ജേണലിസം വിഷയത്തിൽ ബിരുദാനന്തര ബിരുദവും നെറ്റ്, പിഎച്ച് ഡി
