സെമിനാർ വൈത്തിരി
വനമഹോത്സവത്തോടനുബന്ധിച്ച്‌ സെമിനാർ സംഘടിപ്പിച്ചു. വൈത്തിരി പഞ്ചായത്ത്‌, വനംവകുപ്പ്‌ വൈത്തിരി സെക്‌ഷൻ, ചെമ്പ്രാപീക്ക്‌ വനസംരക്ഷണ സമിതി എന്നിവയുടെ സംയുക്താഭിമുഖ്യത്തിലായിരുന്നു പരിപാടി. ‘മനുഷ്യ വന്യജീവി സഹവർത്തിത്വം വെല്ലുവിളികളും പരിഹാരങ്ങളും’ എന്ന വിഷയത്തിൽ നടന്ന സെമിനാർ പഞ്ചായത്ത്‌ പ്രസിഡന്റ്‌ എം വി വിജേഷ്‌ ഉദ്‌ഘാടനം ചെയ്‌തു. കെ എ അനിൽകുമാർ അധ്യക്ഷനായി. കൺസർവേഷൻ ബയോളജിസ്‌റ്റ്‌ വിഷ്‌ണു ക്ലാസെടുത്തു. പഞ്ചായത്ത്‌ വൈസ്‌ പ്രസിഡന്റ്‌ ഉഷാ ജ്യോതിദാസ്‌, സ്‌റ്റാൻഡിങ്‌ കമ്മിറ്റി ചെയർമാൻമാരായ എൻ ഒ ദേവസ്യ, കെ കെ തോമസ്‌, ജിനിഷ, ഡെപ്യൂട്ടി റെയ്‌ഞ്ച്‌ ഓഫീസർ കെ കെ സുന്ദരൻ എന്നിവർ സംസാരിച്ചു. മേപ്പാടി റെയ്‌ഞ്ച്‌ ഓഫീസർ ഡി ഹരിലാൽ സ്വാഗതവും ഡെപ്യൂട്ടി റെയ്‌ഞ്ച്‌ ഓഫീസർ അരവിന്ദാക്ഷൻ കണ്ടേത്തുപാറ നന്ദിയും പറഞ്ഞു.
മാസ് കമ്മ്യൂണിക്കേഷൻ അധ്യാപക നിയമനം
കൽപ്പറ്റ എൻ.എം.എസ്.എം ഗവ. കോളേജിൽ മാസ് കമ്മ്യൂണിക്കേഷൻ വിഭാഗത്തിൽ അധ്യാപക നിയമനം നടത്തുന്നു. കോളേജ് വിദ്യാഭ്യാസ വകുപ്പ് കോഴിക്കോട് ഉപഡയറക്ടറേറ്റിൽ രജിസ്റ്റർ ചെയ്തിട്ടുള്ള മാസ് കമ്മ്യൂണിക്കേഷൻ/ജേണലിസം വിഷയത്തിൽ ബിരുദാനന്തര ബിരുദവും നെറ്റ്, പിഎച്ച് ഡി
