ന്യൂയോര്‍ക്ക്: നിരന്തരമായി പുതിയ ഫീച്ചറുകള്‍ അവതരിപ്പിക്കുന്ന മെസേജ് പ്ലാറ്റ് ഫോമാണ് വാട്ട്സ്ആപ്പ്. ഇപ്പോള്‍ ഇതാ വാട്ട്സ്ആപ്പ് തങ്ങളുടെ അംഗങ്ങള്‍ക്കായി പുതിയ ഫീച്ചറുമായി രംഗത്ത് എത്തിയിരിക്കുന്നു.
വാട്ട്സ്ആപ്പ് പുറത്തിറക്കാന്‍ പോകുന്ന ഫീച്ചറുകള്‍ സംബന്ധിച്ചുള്ള വിവരങ്ങള്‍ പുറത്തുവിടുന്ന വാട്ട്സ്ആപ്പ് ബീറ്റ ഇന്‍ഫോ നേരത്തെ തന്നെ ഈ ഫീച്ചര്‍ സംബന്ധിച്ച് വാര്‍ത്തകള്‍ പുറത്തുവിട്ടിരുന്നു. ആന്‍ഡ്രോയ്ഡ് ഐഒഎസ് ഉപയോക്താക്കള്‍ക്ക് ഒരു പോലെ ഈ ഫീച്ചര്‍ ലഭ്യമാണ്.
ഇപ്പോള്‍ തന്നെ ഗ്രൂപ്പുകള്‍ മ്യൂട്ട് ചെയ്യാനുള്ള ഫീച്ചര്‍ വാട്ട്സ്ആപ്പില്‍ ലഭ്യമാണ്. എന്നാല്‍ ഇതില്‍ ചെറിയൊരു മാറ്റമാണ് ഇപ്പോള്‍ ലഭ്യമായിരിക്കുന്നത്. നിലവില്‍ ഒരു ഗ്രൂപ്പ് നിശബ്ദമാക്കി വയ്ക്കാന്‍ സാധിക്കുന്നത് നിശ്ചിത കാലത്തേക്കാണ്. 8 മണിക്കൂര്‍, ഒരു വാരം അല്ലെങ്കില്‍ ഒരു വര്‍ഷം ഇങ്ങനെ. ഇതില്‍ ഒരു വര്‍ഷം മാറി എന്നന്നെക്കും ഈ ഗ്രൂപ്പ് നിശബ്ദമാക്കി വയ്ക്കാം എന്നതാണ് പുതിയ ഫീച്ചര്‍.
എന്നാല്‍ നേരത്തെ ഗ്രൂപ്പില്‍ മാത്രം ലഭ്യമാകും എന്ന് പറഞ്ഞിരുന്ന ഈ ഫീച്ചര്‍ വ്യക്തികളുടെ ഫീച്ചറിലും ലഭ്യമാണ്. ഇത് ഉപയോഗിക്കാനായി ഒരു വാട്ട്സ്ആപ്പ് ഉപയോക്താവ് ഒരു യൂസറുടെ ഇന്‍ഫോയിലോ, ഗ്രൂപ്പ് ഇന്‍ഫോയിലോ പോയി ‘മ്യൂട്ട് നോട്ടിഫിക്കേഷന്‍’ ക്ലിക്ക് ചെയ്താല്‍ മതി.
