അഴിമതിക്കാരനായ മുഖ്യമന്ത്രിയും മന്ത്രിമാരും രാജിവെക്കണമെന്ന് ആവശ്യപ്പെട്ട് കൊണ്ട് യുഡിഎഫ് സംസ്ഥാന വ്യാപകമായി നടത്തുന്ന സ്പീക്കപ്പ് കേരള സമര പരിപാടിയുടെ അഞ്ചാംഘട്ട സമരം കേരളപിറവി ദിനത്തിൽ ജില്ലയിലെ 512 വാർഡുകളിൽ നടക്കുന്നതിൻ്റെ ജില്ലാതല ഉദ്ഘാടനം യുഡിഎഫ് ജില്ലാ കൺവീനർ എൻ.ഡി അപ്പച്ചൻ നിർവഹിച്ചു. കോവിഡ് മൂലം പൊതുജനം നിത്യവൃത്തിക്ക് പോലും പ്രതിസന്ധിലായിരിക്കുന്ന ഈ സമയത്ത് മുഖ്യമന്ത്രിയും സന്തത സഹചാരികളും സ്വർണ്ണം കള്ളകടത്ത് നടത്തുകയും പാർട്ടി സെക്രട്ടറിയുടെ മകൻ മയക്കുമരുന്ന് കടത്തുകയും കേരളത്തെ രാജ്യദ്രോഹപ്രവർത്തനങ്ങൾക്ക് ഉപയോഗിക്കുകയാണെന്നും അദ്ദേഹം പറഞ്ഞു. യോഗത്തിൽ യുഡിഎഫ് നിയോജക മണ്ഡലം ചെയർമാൻ റസാഖ് കൽപ്പറ്റ അധ്യക്ഷത വഹിച്ചു. പി.പി ആലി ,അഡ്വ.ടി.ജെ ഐസക്ക് ,സി.മൊയ്തീൻ കുട്ടി ,എ.പി ഹമീദ് ,ഗിരീഷ് കൽപ്പറ്റ ,സാലി റാട്ടക്കൊല്ലി ,അലവി വടക്കേതിൽ ,ശശികുമാർ എന്നിവർ സംസാരിച്ചു.

ഉച്ചയൂണിന് ശേഷം മധുരം കഴിക്കാൻ തോന്നാറുണ്ടോ?; കുടലിന്റെ ആരോഗ്യക്കുറവ് കാരണമാകാം
ആരോഗ്യകരമായ ശരീരത്തിനും ദഹനത്തിനുമെല്ലാം ആരോഗ്യകരമായ കുടൽ ഏറെ പ്രധാനമാണ്. ആന്തരിക അവയവങ്ങളുടെ പ്രവർത്തനം സുഖകരമായി നടത്തുന്നതിൽ കുടലാരോഗ്യത്തിന് പ്രധാന റോളുണ്ട്. കുടലിന്റെ ആരോഗ്യത്തിന് നമ്മളുടെ ഇമ്മ്യൂണിറ്റിയെയും, എന്തിന് നമ്മുടെ മൂഡിനെയും വരെ സ്വാധീനിക്കാൻ സാധിക്കും.