പ്രായാധിക്യത്താലും മാരകരോഗങ്ങളാലും കിടപ്പിലായി ദീർഘകാല ചികിത്സ വേണ്ടവർ, മാനസിക വെല്ലുവിളികൾ നേരിടുന്നവർ എന്നിങ്ങനെ വിവിധ കാരണങ്ങളാൽ പാലിയേറ്റീവ് കെയർ ആവശ്യമുള്ള രോഗികൾക്കായി പ്രഭ എന്ന സാന്ത്വന പദ്ധതിയുമായി വടുവൻചാൽ ഹയർ സെക്കന്ററി എൻ എസ് എസ് വിദ്യാർത്ഥികൾ. ഇക്കഴിഞ്ഞ ഓണക്കാലത്ത് സ്കൂൾ കാമ്പസ്സിൽ നട്ട ചെണ്ടുമല്ലി പൂക്കൾ വിറ്റു കിട്ടിയതും സ്ക്രാപ്പ് ചലഞ്ച് നടത്തിയും കിട്ടിയ ചെറിയ തുകകൾ സ്വരുക്കൂട്ടി രണ്ട് വാക്കറും ഒരു വാട്ടർ ബെഡും അമ്പലവയൽ പാലിയേറ്റീവ് യൂണിറ്റിന് കൈമാറി. എഫ്.എച്ച്.സി മെഡിക്കൽ ഓഫീസർ ഡോ. സനൽ കുമാർ പഞ്ചായത്ത് പരിധിയിലെ രണ്ടാമത്തെ പാലിയേറ്റീവ് കെയർ യൂണിറ്റിന്റെ ഉദ്ഘാടന ചടങ്ങിൽ വെച്ച് ഇത് ഏറ്റുവാങ്ങി. സ്കൂൾ പ്രിൻസിപ്പാൾ മനോജ് കെ വി, അധ്യാപകരായ സക്കീർ ഹുസൈൻ , ഷാന്റു ജോർജ്, പ്രോഗ്രാം ഓഫീസർ സുഭാഷ് വി. പി എന്നിവർ നേതൃത്വം നൽകി.
നല്ലൂര്‍നാട് കാന്‍സര്‍ കെയര്‍ സെന്ററില്‍ അഡ്വാന്‍സ്ഡ് ഓങ്കോളജി റീഹാബിലിറ്റേഷന്‍, മാമോഗ്രഫി സംവിധാനം
ജില്ലയില്‍ കാന്‍സര്‍ ചികിത്സാ രംഗത്ത് മുന്നേറ്റം സൃഷ്ടിക്കാന്‍ നല്ലൂര്‍നാട് കാന്‍സര്‍ സെന്ററില്‍ മാമോഗ്രഫി സംവിധാനം ഒരുങ്ങുന്നു. സ്തനാര്‍ബുദം, സ്തന സംബന്ധമായ രോഗങ്ങള്‍ എന്നിവ കണ്ടെത്താനുള്ള എക്‌സ്-റേ പരിശോധനയാണ് നല്ലൂര്‍നാട് സെന്ററില്‍ ആരംഭിക്കുന്നത്. എക്‌സ്റേ ചിത്രങ്ങളിലൂടെ
