കേരള സംസ്ഥാന പിന്നോക്ക വിഭാഗം വികസന കോര്‍പ്പറേഷന്‍ മാനന്തവാടി ഓഫീസ് പിന്നോക്ക, മതന്യൂനപക്ഷ വിഭാഗക്കാര്‍ക്കായി സ്വയംതൊഴില്‍വായ്പ, പെണ്‍കുട്ടികള്‍ക്ക് വിവാഹ ധനസഹായ വായ്പ, വിദ്യാഭ്യാസ വായ്പ തുടങ്ങിയ വിവിധ വായ്പ പദ്ധതികളിലേക്ക് അപേക്ഷ ക്ഷണിച്ചു. അപേക്ഷകര്‍ 3 ലക്ഷം രൂപയില്‍ താഴെ വരുമാനമുള്ളവരും 18 നും 55 നും മദ്ധ്യേ പ്രായമുള്ളവരും മാനന്തവാടി താലൂക്കില്‍ സ്ഥിരതാമസമാക്കിയവരും ആയിരിക്കണം. ഫോണ്‍: 04935 293015, 293055
ക്രഷ് ഹെല്‍പ്പര്‍ നിയമനം
മാനന്തവാടി ശിശുവികസന വകുപ്പിന് കീഴിലെ കോണ്‍വെന്റ്കുന്ന് അങ്കണവാടിയില്‍ പ്രവര്‍ത്തനമാരംഭിക്കുന്ന ക്രഷിലേക്ക് ഹെല്‍പ്പര്‍ തസ്തികകളിലേക്ക് അപേക്ഷ ക്ഷണിച്ചു. മാനന്തവാടി നഗരസഭ പരിധിയില്‍ സ്ഥിരതാമസക്കാരായ 18-35 നും ഇടയില്‍ പ്രായമുള്ള പത്താം ക്ലാസ് യോഗ്യതയുള്ള വനിതകള്‍ക്ക് അപേക്ഷിക്കാം.
