ലോക് സഭാ തെരെഞ്ഞെടുപ്പ് 2024 പരിസ്ഥിതി സൗഹൃത തിരഞ്ഞെടുപ്പ് ആയി നടത്തുന്നതിന്റെ ഭാഗമായി
പനമരം ഗ്രാമ പഞ്ചായത്തിലെ വിവിധ പ്രദേശങ്ങളിൽ തെരഞ്ഞെടുപ്പ് സംബന്തിച്ച പ്രവർത്തനങ്ങൾ നടത്തുമ്പോൾ നിരോധിത പ്ലാസ്റ്റിക് വസ്തുക്കളടങ്ങുന്ന ബാനറുകൾ, ബോർഡുകൾ, ഹോർഡിങ്ങുകൾ, ഒറ്റ തവണ ഉപയോഗിക്കുന്ന ഡിസ്പോസിബിൾ ഇലകൾ, പാത്രങ്ങൾ, ഗ്ലാസുകൾ, സ്പൂണുകൾ തുടങ്ങിയ വസ്തുക്കളും, പ്ലാസ്റ്റിക് തോരണങ്ങൾ, തെർമോകോൾ, പ്ലാസ്റ്റിക് ഹാരങ്ങൾ, പ്ലാസ്റ്റിക് അലങ്കാര വസ്തുക്കൾ, പ്ലാസ്റ്റിക് ക്യാരി ബാഗുകൾ, 500 ml താഴെയുള്ള കുപ്പി വെള്ളം മുതലായവ ഒഴിവാക്കുന്നതിന് ശ്രദ്ധിക്കേണ്ടതാണ്.
കോട്ടൺ തുണി, പേപ്പർ, മുള, പനമ്പായ, തടി, ലോഹ നിർമ്മിത ബോർഡുകളും, വാട്ടർ ക്യാനുകൾ, സ്റ്റീൽ കുപ്പികൾ, സെറാമിക് സ്റ്റീൽ പാത്രങ്ങൾ, തുണി പേപ്പർ തോരണങ്ങൾ, തുണിയിൽ എഴുതിയ ആർച്ചുകൾ, വാഴയിലയിൽ പൊതിഞ്ഞു വരുന്ന ആഹാര പദാർത്ഥങ്ങൾ, പൂക്കൾക്കൊണ്ടുള്ള ഹാരങ്ങൾ, കോട്ടൺ നൂൽ, തോർത്ത്, പുസ്തകം മുതലായവ ഉപയോഗിക്കുകയും മാലിന്യങ്ങൾ തരം തിരിച്ച് ഇടുവാൻ ആവശ്യത്തിന് ബിന്നുകൾ സ്ഥാപിക്കുകയും ചെയ്യണം
മേൽ നിർദ്ദേശങ്ങൾ പാലിക്കുന്നുണ്ട് എന്ന് ഉറപ്പുവരുത്തുന്നതിനായി ഇലക്ഷൻ കമ്മീഷൻ ജില്ലാ തലത്തിലും ഗ്രാമ പഞ്ചായത്ത് തലങ്ങളിലും പരിശോധനക്ക് ഉദ്യോഗസ്ഥരെ നിയമിച്ചിട്ടുണ്ട്. ഗ്രീൻ പ്രോട്ടോകോൾ ലംഘിച്ചു കൊണ്ടുള്ള പ്രവർത്തനങ്ങൾക്ക് പതിനായിരം (10000) രൂപ വരെ പിഴ ചുമത്തി നിയമ നടപടികൾ സ്വീകരിക്കുന്നതാണെന്നും സെക്രട്ടറി അറിയിച്ചു.
