കാട്ടിലെ വേഗതയേറിയ മൃഗങ്ങളിലൊന്നാണല്ലോ പുലി. അതിവേഗത്തിലോടുന്ന മാനുകളും മുയലുകളും ഉള്‍പ്പെടെയുള്ള മൃഗങ്ങളെ വേട്ടയാടിപ്പിടിക്കാൻ പുലിക്ക് വേഗത അത്യാവശ്യമാണ്. അതേസമയം, പതുങ്ങിയിരുന്ന് ഇരയെ വരുതിയിലാക്കി കീഴ്പ്പെടുത്താനും വിദഗ്ധരാണ് പുലികള്‍.
കണ്ണടച്ചു തുറക്കുന്ന സമയത്തിനുള്ളില്‍ ഒരു നായയെ പുലി കീഴ്പ്പെടുത്തുന്ന ദൃശ്യങ്ങള്‍ സമൂഹമാധ്യമങ്ങളില്‍ വൈറലാണ്. രാജസ്ഥാനിലെ ജല്‍നയില്‍ നിന്നുള്ളതാണ് ദൃശ്യങ്ങള്‍.കാട്ടുവഴിയിലൂടെ ഒരു നായ് ഓടിവരുന്നതാണ് 28 സെക്കൻഡ് മാത്രം ദൈർഘ്യമുള്ള വിഡിയോയില്‍ ആദ്യം കാണുന്നത്. വഴിയരികില്‍ പതുങ്ങിയിരിക്കുന്ന പുലി നായയുടെ പിന്നാലെ പതുങ്ങിയെത്തുകയും നിമിഷാർധങ്ങള്‍ക്കുള്ളില്‍ നായുടെ മേല്‍ ചാടിവീണ് കീഴ്പ്പെടുത്തുകയുമാണ്.
