ബിലീവേഴ്സ് ഈസ്റ്റേണ് ചർച്ചിന് പുതിയ അദ്ധ്യക്ഷൻ. ഡോ. സാമുവല് മോർ തിയോഫിലസ് എപ്പിസ്കോപ്പ പുതിയ അദ്ധ്യക്ഷനായി തെരഞ്ഞെടുക്കപ്പെട്ടു. ജൂണ് 22-ന് സ്ഥാനാരോഹണം നടക്കും.സഭയിലെ മുതിർന്ന മെത്രാപ്പോലീത്തയാണ്. ചെന്നൈ ഭദ്രാസനാധിപനായിരുന്നു. പത്തനംതിട്ട റാന്നി സ്വദേശിയാണ് ഡോ.സാമുവേല് മോർ തിയോഫിലോസ്.
സഭാ സിനഡ് സെക്രട്ടറിയായി ജോഷ്വാ മാർ ബർണബാസ് എപ്പിസ്ക്കോപ്പ തെരഞ്ഞെടുക്കപ്പെട്ടു. ബിലീവേഴ്സ് ഈസ്റ്റേണ് ചർച്ചിന്റെ മുൻ അദ്ധ്യക്ഷൻ ഡോ. മാർ അത്തനേഷ്യസ് യോഹാൻ മെത്രാപ്പോലീത്തയുടെ (റവ.ഡോ.കെ.പി യോഹന്നാൻ) വിയോഗത്തെ തുടർന്നാണ് പുതിയ അദ്ധ്യക്ഷനെ തെരഞ്ഞെടുത്തത്.
അമേരിക്കയിലെ ഡാളസ് സിറ്റിയില് പ്രഭാത സവാരിക്കിടെ അദ്ദേഹത്തിന് വാഹനപകടത്തില് ഗുരുതരമായി പരിക്കേറ്റിരുന്നു. ശസ്ത്രക്രിയയ്ക്ക് ശേഷം തീവ്രപരിചരണ വിഭാഗത്തില് നിരീക്ഷണത്തില് കഴിയുന്നതിനിടെ ഹൃദയാഘാതം മൂലമാണ് മെത്രാപ്പോലീത്ത മരണത്തിന് കീഴടങ്ങിയത്. ഇതിന് പിന്നാലെയാണ് പുതിയ അദ്ധ്യക്ഷനെ തെരഞ്ഞെടുത്തത്.
