രാജ്യാന്തര ഒളിമ്പിക്‌സ് ദിനാചരണത്തിന്റെ ഭാഗമായി വയനാട് ജില്ലാ അത്‌ലറ്റിക് അസോസിയേഷന്‍ ജില്ലാ ഒളിമ്പിക്‌സ് അസോസിയേഷന്‍ സ്‌പോര്‍ട്‌സ് കൗണ്‍സില്‍ എന്നിവരുടെ സഹകരണത്തോടെ ഓട്ടമത്സരം നടത്തി. എം.കെ.ജിനചന്ദ്ര ജില്ലാ സ്റ്റേഡിയത്തില്‍ നടന്ന 3000 മീറ്റര്‍ ഓട്ടമത്സരത്തില്‍ 20 വയസ്സില്‍ താഴെയുള്ള ആണ്‍കുട്ടികളുടെ വിഭാഗത്തില്‍ എം.രമേഷ്, എഡ്വിന്‍ മാത്യു, കെ.നന്ദകിഷോര്‍ എന്നിവര്‍ ഒന്നും രണ്ടും മൂന്നും സ്ഥാനങ്ങള്‍ നേടി. പെണ്‍കുട്ടികളുടെ വിഭാഗത്തില്‍ ഫാത്തിമത്ത് റിഹാല, അഞ്ജു ലിനാമേരി, അഞ്ജന മേരി എന്നിവര്‍ വിജയികളായി. പുരുഷ വിഭാഗത്തില്‍ അഭിലാഷ് ശ്രീജിത്ത്, പി.എസ്.അഭിനന്ദ്, കിരണ്‍ പ്രകാശ് എന്നിവര്‍ ഒന്നും രണ്ടും മൂന്നും സ്ഥാനങ്ങള്‍ നേടി. വനിതാ വിഭാഗത്തില്‍ ആല്‍ഥിയ ആര്‍ സലിന്‍ ഒന്നാം സ്ഥാനവും കെ.വനജകുമാരി രണ്ടാം സ്ഥാനവും നേടി. ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് എം.മധു ഉദ്ഘാടനം ചെയ്തു. സീനിയര്‍ വൈസ് പ്രസിഡന്റ് സി.പി.സജി ചങ്ങനാമഠത്തില്‍ അദ്ധ്യക്ഷത വഹിച്ചു. ജില്ലാ ഒളിമ്പിക് അസോസിയേഷന്‍ സെക്രട്ടറി സലീം കടവന്‍ വിജയികളെ ആദരിച്ചു. അത്‌ലറ്റിക് അസോസിയേഷന്‍ പ്രസിഡന്റ് കെ.പി.വിജയി, സെക്രട്ടറി ലൂക്കാ ഫ്രാന്‍സിസ്, സജീഷ് മാത്യു, എ.ഡി.ജോണ്‍, സുബൈര്‍ ഇളംകുളം, വി.വി.യോയാക്കി, ബിജു പീറ്റര്‍, പി.ലൂയിസ്, മെഹര്‍ബാന്‍ മുഹമ്മദ്, എന്‍.കെ.ബിന്ദു എന്നിവര്‍ സംസാരിച്ചു.
വൈദ്യുതി മുടങ്ങും
പനമരം കെ.എസ്.ഇ.ബി പരിധിയിലുള്ള വാഴമ്പാടി, മാങ്കാണി ട്രാൻസ്‌ഫോർമർ ഭാഗങ്ങളിൽ നാളെ (24/11/2025) രാവിലെ 9 മുതൽ വൈകുന്നേരം 5.30 വരെ വൈദ്യുതി മുടങ്ങുമെന്ന് അസിസ്റ്റൻറ് എഞ്ചിനീയർ അറിയിച്ചു. Facebook Twitter WhatsApp
