വയനാട് ജില്ലാ പ്രൊബേഷൻ ഓഫീസ് സംഘടിപ്പിക്കുന്ന പ്രൊബേഷൻ വാരാഘോഷം- നേർദിശ – 2020ൻ്റെ ഭാഗമായി ഹയർ സെക്കൻ്ററി സ്കൂൾ എൻ.എസ്.എസ് വിദ്യാർഥികൾക്ക് വേണ്ടി “കുറ്റകൃത്യങ്ങൾ കുറയ്ക്കുന്നതിൽ വിദ്യാർത്ഥി സമൂഹത്തിൻ്റെ പങ്ക് ” എന്ന വിഷയത്തിൽ വെബിനാർ സംഘടിപ്പിച്ചു . ഹയർസെക്കൻഡറി എൻഎസ്എസ് യൂണിറ്റുമായി ചേർന്ന് സംഘടിപ്പിച്ച പരിപാടിയിൽ ജില്ലാ പ്രൊബേഷൻ ഓഫീസർ അഷ്റഫ് കാവിൽ അധ്യക്ഷത വഹിച്ചു. ഹയർസെക്കൻഡറി എൻഎസ്എസ് സ്റ്റേറ്റ് പ്രോഗ്രാം കോർഡിനേറ്റർ ഡോ.ജേക്കബ് ജോൺ ഉദ്ഘാടനം ചെയ്തു. ചൈൽഡ് ലൈൻ ഡയറക്ടർ സി.കെ ദിനേശൻ ക്ലാസെടുത്തു. ഉത്തരമേഖല എൻ എസ് എസ് കൺവീനർ മനോജ് കുമാർ.കെ, എൻ.എസ്.എസ് ജില്ലാ കൺവീനർ ശ്യാൽ കെ .എസ് ,പ്രൊബേഷൻ അസിസ്റ്റന്റ് മുഹമ്മദ് അജ്മൽ.പി എന്നിവർ സംസാരിച്ചു. വിവിധ സ്കൂളുകളിൽ നിന്നായി 100 വിദ്യാർത്ഥികൾ പങ്കെടുത്തു.
ലാറ്ററല്‍ എന്‍ട്രി ഡിപ്ലോമ പ്രവേശനം
മീനങ്ങാടി ഗവ പോളിടെക്നിക് കോളേജില്‍ വര്‍ക്കിങ് പ്രൊഫഷണല്‍സിന് രണ്ടാം വര്‍ഷ ക്ലാസുകളിലേയ്ക്ക് ലാറ്ററല്‍ എന്‍ട്രി ഡിപ്ലോമ പ്രവേശനത്തിന് അപേക്ഷ ക്ഷണിച്ചു. കൂടുതല്‍ വിവരങ്ങള്‍ക്ക് www.polyadmission.org/wp സന്ദര്‍ശിക്കാം. ഫോണ്‍- 9446162634, 9633002394
