മലപ്പുറം: ലഹരിക്കായി കുട്ടികള് മരുന്ന് ദുരുപയോഗം ചെയ്യുന്നത് തടയാന് പുതിയനീക്കം. തിരുവനന്തപുരം, കൊല്ലം, എറണാകുളം, ഇടുക്കി, മലപ്പുറം, കോഴിക്കോട് ജില്ലകളില് മെഡിക്കല് ഷോപ്പുകളിലും ഫാര്മസികളിലും അകത്തും പുറത്തും സി സി ടി വി ക്യാമറകള് സ്ഥാപിക്കും. ഒരു മാസത്തിനകം ക്യാമറകള് വെക്കണമെന്ന് മലപ്പുറം കളക്ടര് ഉത്തരവിറക്കി. മറ്റു ജില്ലകളിലും സമാന രീതി പിന്തുടരും.
ഡോക്ടറുടെ കുറിപ്പടിയോടെ മാത്രം വില്ക്കേണ്ട ഷെഡ്യൂള് എക്സ്, എച്ച്, എച്ച് 1 എന്നീ വിഭാഗത്തില്പ്പെട്ട മരുന്നുകള് വില്ക്കുന്ന എല്ലാ മെഡിക്കല് ഷോപ്പുകളിലും ഫര്മാസികളിലും ക്യാമറകള് വെക്കാനാണ് നിര്ദേശം. ക്യാമറകള് സ്ഥാപിച്ചത് ജില്ലാ ഡ്രഗ്സ് കോണ്ട്രോള് അതോറിറ്റി പരിശോധിക്കണം. ക്യാമറ ദൃശ്യം ജില്ലാ ഡ്രഗ്സ് കോണ്ട്രോള് അതോറിറ്റി, ചൈല്ഡ് വെല്ഫയര് പൊലീസ് ഓഫീസര് എന്നിവര്ക്ക് എപ്പോള് വേണമെങ്കിലും പരിശോധിക്കാം.
മയക്കുമരുന്ന് ഉപയോഗത്തെക്കുറിച്ച് ദേശീയതലത്തില് സാമൂഹിക നീതിവകുപ്പ് നടത്തിയ പഠനത്തില് രാജ്യത്ത് 272 ജില്ലകളില് പ്രത്യേക ശ്രദ്ധ വേണ്ടതായി കണ്ടെത്തിയിരുന്നു. കുട്ടികളിലെ മയക്കുമരുന്ന് ഉപയോഗം തടയാന് നാഷണല് കമ്മീഷന് ഫോര് പ്രൊട്ടക്ഷന് ഓഫ് ചൈല്ഡ് റൈറ്റ്സ് , നര്ക്കോട്ടിക് കണ്ട്രോള് ബ്യുറോ, എന്നിവര് ചേര്ന്നാണ് പദ്ധതികള് നടപ്പാക്കുന്നത്.
‘ഇറാൻ്റെ ക്ഷമ ഇതുവരെ ലോകം കണ്ടു; ഹോർമൂസ് ഉപരോധം അംഗീകരിക്കാനാകില്ല’; മുന്നറിയിപ്പുമായി ഇറാൻ
ഹോർമൂസ് കടലിടുക്കിൽ അമേരിക്കൻ നാവികസേന തുടരുന്ന ഉപരോധത്തെ രൂക്ഷമായി വിമർശിച്ച് ഇറാൻ പ്രസിഡൻ്റ് മസൂദ് പെസഷ്കിയാൻ. ഇറാൻ്റെ ക്ഷമ ഇതുവരെ ലോകം കണ്ടെന്നും ഹോർമൂസിൽ ഉപരോധം തുടരുന്നത് അംഗീകരിക്കാനാകില്ലെന്നും മസൂദ് പെസഷ്കിയാൻ പറഞ്ഞു. ഇറാനെതിരെ
