ഓരോ കുട്ടിയും ഒരു തൊഴിൽ നൈപുണ്യമെങ്കിലും നേടിയിരിക്കണം എന്ന ആഗ്രഹത്തോടെ വടുവൻചാൽ ഹയർ സെക്കണ്ടറി സ്കൂൾ എൻ എസ് എസ് യൂണിറ്റ് ഈ വർഷം എൽഇഡി ബൾബ് നിർമ്മാണം ഏറ്റെടുത്ത് നടത്തുകയാണ്. അതിനായുള്ള തൊഴിൽ പരിശീലനത്തിന് കോഴിക്കോട് ജില്ലയിലെ പെരിങ്ങളം സ്കൂൾ എൻഎസ്എസ് യൂണിറ്റ് നേതൃത്വം നൽകി. ആ സ്കൂളിലെ പ്രോഗ്രാം ഓഫീസർ സുജിത്ത് സി എസ്,മുൻ പ്രോഗ്രാം ഓഫീസർ രതീഷ് ആർ നായർ, വൊളണ്ടിയർ ലീഡർമാരായ നിയ പി പി, മുഹമ്മദ് നസിൽ എ, വൊളണ്ടിയർമാരായ അക്ഷയ് കെ ടി, അദ്വൈത് എൻ,തീർത്ഥ പി എന്നിവരടങ്ങിയ ടീമാണ് ഈ പരിശീലനം നയിച്ചത്. ഈ വർഷം വടുവൻചാൽ സ്കൂൾ എൻ എസ് എസ് യൂണിറ്റ് ഏറ്റെടുത്ത് നടത്തുന്ന വൈവിധ്യമാർന്ന പരിപാടികൾക്ക് ഫണ്ട് സ്വരൂപിക്കാനും, വയനാട് ജില്ലയിലെ താല്പര്യമുള്ള എല്ലാ സ്കൂളുകൾക്കും,കുടുംബശ്രീ യൂണിറ്റുകൾക്കും എൽഇഡി ബൾബ് നിർമ്മാണ പരിശീലനം നൽകാനും ഇപ്പോൾ തങ്ങൾക്കാവുമെന്ന് പരിശീലനത്തിൽ പങ്കെടുത്ത വടുവൻചാൽ സ്കൂൾ എൻ എസ് എസ് വൊളണ്ടിയേഴ്സ് അഭിപ്രായപ്പെട്ടു. മാത്രമല്ല ഏറെ വൈകാതെ സ്കൂളിൻ്റെ സ്വന്തം പേരിൽ തന്നെ എൽഇഡി ബൾബുകൾ വിപണിയിൽ എത്തിക്കാനാണ് വൊളണ്ടിയേഴ്സിൻ്റെ പദ്ധതി. പ്രിൻസിപ്പാൾ മനോജ് കെ.വി, പ്രോഗ്രാം ഓഫീസർ സുഭാഷ് വി.പി,ഒന്നാം വർഷ വൊളണ്ടിയർ ആനന്ദൻ വി.ജി, വിസ്മയ വി.ടി എന്നിവർ സംസാരിച്ചു.
ജനപ്രതിനിധികൾക്ക് സ്വീകരണമൊരുക്കി ശ്രേയസ് ചീരാൽ യൂണിറ്റ്
ചീരാൽ യൂണിറ്റ് സംഘടിപ്പിച്ച ത്രിതല പഞ്ചായത്ത് ജനപ്രതിനിധികൾക്കുള്ള സ്വീകരണവും,ക്രിസ്തുമസ് പുതുവത്സര ആഘോഷവും ശ്രേയസ് എക്സിക്യൂട്ടീവ് ഡയറക്ടർ ഫാ.ഡേവിഡ് ആലിങ്കൽ ഉദ്ഘാടനം ചെയ്തു.യൂണിറ്റ് ഡയറക്ടർ ഫാ.തോമസ് ക്രിസ്തുമന്ദിരം അധ്യക്ഷത വഹിച്ചു.ബത്തേരി മേഖല പ്രോഗ്രാം ഓഫീസർ പോൾ
