പയ്യമ്പള്ളി : ഹയർസെക്കൻഡറി നാഷണൽ സർവ്വീസ് സ്കീം നടപ്പിലാക്കുന്ന ഹരിതഭൂമി പദ്ധതിയുടെ സംസ്ഥാനതല ഉദ്ഘാടനം നടന്നു. രണ്ട് ഏക്കർ വയലിൽ നെൽകൃഷി തുടങ്ങിയാണ് പദ്ധതിയുടെ ഉദ്ഘാടനം സംഘടിപ്പിച്ചത്. മാനന്തവാടി ക്ലസ്റ്ററിലെ 9 യൂണിറ്റുകളുടെയും പയ്യമ്പള്ളി സ്കൂളിന്റെയും നേതൃത്വത്തിലാണ് പരിപാടി സംഘടിപ്പിച്ചത് . വിദ്യാർത്ഥികളിൽ കാർഷിക പരിജ്ഞാനം വളർത്തുന്നതിനൊപ്പം ഭക്ഷ്യസുരക്ഷയും പരിസ്ഥിതി സംരക്ഷണവും ഉറപ്പാക്കുന്ന സുസ്ഥിരമായ പരിപാടിയാണ് ഹരിതഭൂമി. പദ്ധതിയുടെ ഭാഗമായി സംസ്ഥാനതലത്തിൽ ഓരോ യൂണിറ്റിലും വിവിധയിനം കൃഷികൾ ഒരുക്കും. പച്ചക്കറി കൃഷി, വാഴ കൃഷി , മീൻ കൃഷി , നെൽകൃഷി , കൂൺ കൃഷി, തേനീച്ച വളർത്തൽ എന്നിവ ഈ പദ്ധതിയുടെ ഭാഗമായി സംഘടിപ്പിക്കുന്നു . വിദ്യാർഥികൾ കൃഷിയോടുള്ള താല്പര്യം വളർത്തുക , പരിസ്ഥിതി സംരക്ഷിക്കുക, കീടനാശിനികളുടെ ഉപയോഗം കുറയ്ക്കുക എന്നിവ ഈ പദ്ധതിയുടെ പ്രധാന ലക്ഷ്യങ്ങളാണ് . കൃഷി വകുപ്പ്,കാർഷിക സംഘടനകൾ എന്നിവരുടെ സഹകരണത്തോടെയാണ് പദ്ധതി നടപ്പിലാക്കുന്നത് . പദ്ധതിയുടെ സംസ്ഥാനതല ഉദ്ഘാടനം പയ്യമ്പള്ളി ഇളയിടം പാടശേഖരത്തിൽ മാനന്തവാടി നഗരസഭ ചെയർപേഴ്സൺ സി കെ രത്നവല്ലി നിർവഹിച്ചു. ഡിവിഷൻ മെമ്പർ ആലീസ് സിസിൽ , എൻഎസ്എസ് ദക്ഷിണ മേഖലാ കൺവീനർ രാഹുൽ ആർ,എൻഎസ്എസ് ജില്ലാ കൺവീനർ ശ്യാൽ കെ എസ്,ക്ലസ്റ്റർ കൺവീനർമാരായ രവീന്ദ്രൻ കെ,സുദർശനൻ കെ ഡി, വിശ്വേഷ് വി ജി,സാജിദ് പി കെ ,പയ്യമ്പള്ളി സ്കൂൾ പ്രിൻസിപ്പൽ എം എ മാത്യു ,പ്രോഗ്രാം ഓഫീസർ ശ്രീജിത്ത് എസ് ആർ എന്നിവർ നേതൃത്വം നൽകി.
താഴികക്കുടം പ്രതിഷ്ഠിച്ചു.
തൃക്കൈപ്പറ്റ: തൃക്കൈപ്പറ്റ മഹാ ശിവക്ഷേത്രത്തിൽ നവീകരണ കലശത്തിന്റെ ഭാഗമായി താഴികക്കുടം പ്രതിഷ്ഠിച്ചു. ക്ഷേത്രം തന്ത്രി ബ്രഹ്മ ശ്രീ കാക്കട്ടില്ലം പുരുഷോത്തമൻ നമ്പൂതിരി,വൈക്കം മഹാദേവ ക്ഷേത്രം മേൽശാന്തി തരണി നാരായണൻ നമ്പൂതിരി,നവീകരണ കമ്മിറ്റി പ്രസിഡന്റ് എ.ബി
