വിധവയായ വീട്ടമ്മക്ക് പ്ലാസ്റ്റിക് മറച്ച കൂരയിൽ നിന്നും മനോഹരമായ ഒരു വീടെന്ന സ്വപ്നം സഫലമാക്കിയിരിക്കുന്നു കല്ലോടി ഉദയാ വായനശാലാ പ്രവർത്തകർ.ഗുണഭോക്തൃവിഹിതമായ 3 ലക്ഷം ഉൾപ്പെടെ എട്ട് ലക്ഷത്തോളം രൂപ ചെലവഴിച്ചാണ് നിർമ്മാണം നടത്തിയത്. ഒട്ടേറെ സുമനസ്സുകൾ നൽകിയ സംഭാവനകൾക്കൊപ്പം വായനശാലാ പ്രവർത്തകരും തങ്ങളാലാവുന്ന വിഹിതം നൽകി.ഒപ്പം കായികാധ്വാനവും.
2024 ജനവരിയിൽ വായനശാല രക്ഷാധികാരി കൂടിയായ റവ.ഫാ.സജി കോട്ടായിൽ തറക്കല്ലിട്ട നിർമ്മാണം ഒൻപത് മാസങ്ങൾ കൊണ്ട് പൂർത്തിയാക്കി. ഈ മാസം 19 ശനിയാഴ്ച വിശിഷ്ട വ്യക്തികളുടേയും ഗ്രന്ഥശാലാ പ്രവർത്തകരുടേയും സാന്നിധ്യത്തിൽ വീടിന്റെ താക്കോൽ ദാനവും ഗൃഹപ്രവേശനവും നടക്കുകയാണ്.
വായനശാലാ പ്രസിഡണ്ട് ജോർജ് പടക്കൂട്ടിൽ, നിർമ്മാണക്കമ്മറ്റി ചെയർമാൻ എൻ.വി.ജോർജ് മാസ്റ്റർ, ടോമി മാത്യു, എം.കെ ജോർജ് തുടങ്ങിയവരാണ് നിർമ്മാണത്തിന് നേതൃത്വം നൽകിയത്.
കാർ നിയന്ത്രണം വിട്ട് റോഡരികിലേക്ക് ഇടിച്ചിറങ്ങി; ആർക്കും പരിക്കില്ല
മാനന്തവാടി: കൊയിലേരി പാലത്തിന് സമീപം കാർ നിയന്ത്രണം വിട്ട് റോഡരികിലേക്ക് ഇടിച്ചിറങ്ങി. സമീപത്തെ ബസ് കാത്തിരിപ്പ് കേന്ദ്രം ഇടിച്ച് തകർത്ത ശേഷമാണ് റോഡരികിലെ കാട്ടിലേക്ക് കാർ മറി ഞ്ഞത്. ഇന്ന് രാവിലെ 9 മണിയോടെയായിരുന്നു
