സ്വകാര്യ ലോഡ്‌ജിൽ തീപിടുത്തം

മാനന്തവാടി എ- വൺ ലോഡ്ജിന് തീ പിടുത്തം മുണ്ടായത്ഇന്ന് പുലർച്ചെ ഒന്നേകാലോടെയായിരുന്നു സംഭവം. ലോഡ്ജി ന്റെ റിസപ്ഷനിലുണ്ടായ ഷോർട്ട് സർക്യൂട്ട് മൂലമാണ് അപകടമെന്നാണ് പ്രാഥമിക സൂചന. തുടർന്ന് തീയാളി പടർന്ന് റിസപ്ഷനിലെ ഉപകരണങ്ങൾ കത്തി നശിച്ചു. വിവരമറിഞ്ഞയുടൻ മാനന്തവാടി അഗ്‌നി രക്ഷാ നിലയം സ്റ്റേഷൻ ഓഫീസർ പി.കെ ഭരതന്റെ നേതൃത്വത്തിൽ രണ്ട് യൂണിറ്റ് വാഹനം സ്ഥലത്തെത്തിയാണ് രക്ഷാപ്രവർത്തനം നടത്തിയത്. മുറികളിൽ കുടു ങ്ങിയ ഏഴ് പേരെ അഗ്നി രക്ഷാസേന സാഹസികമായി പുറത്തെത്തിച്ചു. മുകൾ നിലയിലെ മുറികളിലുണ്ടായിരുന്ന സ്ത്രീകളടക്കമുള്ളവരെ ലാഡർ ഉപയോഗിച്ചാണ് രക്ഷപ്പെടുത്തിയത് അപകടത്തിൽ ആർക്കും പരിക്കില്ല.