തിരുവനന്തപുരം:
രാജ്യത്ത് വർധിച്ചു വരുന്ന സൈബർ കുറ്റകൃത്യങ്ങള്‍ തടയുന്നതിന്റെ ഭാഗമായി കേന്ദ്ര സർക്കാർ സുപ്രധാന നടപടികളുമായി മുന്നോട്ട് പോകുന്നു. വ്യാജ സിം കാർഡുകള്‍ ഉപയോഗിക്കുന്നവരെയും മറ്റൊരാളുടെ പേരില്‍ സിം എടുക്കുന്നവരെയും ബ്ലാക്ക്‌ലിസ്റ്റില്‍ ഉള്‍പ്പെടുത്തുമെന്ന് സിഎൻബിസി റിപ്പോർട്ട് ചെയ്തു. ടെലികമ്മ്യൂണിക്കേഷൻ വകുപ്പ് ഇത് സംബന്ധിച്ച്‌ നടപടികള്‍ സ്വീകരിക്കുകയാണെന്നാണ് വിവരം. വിശ്വസനീയ കേന്ദ്രങ്ങളില്‍ നിന്ന് ലഭിക്കുന്ന വിവരമനുസരിച്ച്‌, വ്യാജ സന്ദേശങ്ങള്‍ അയക്കുന്നവരെയും സൈബർ സുരക്ഷയ്ക്ക് ഭീഷണിയാകുന്ന മറ്റ് പ്രവർത്തനങ്ങളില്‍ ഏർപ്പെടുന്നവരെയും ബ്ലാക്ക്‌ലിസ്റ്റില്‍ ഉള്‍പ്പെടുത്തും. ഇത്തരക്കാരുടെ സിം കാർഡുകള്‍ ബ്ലോക്ക് ചെയ്യുകയും ആറ് മാസം മുതല്‍ മൂന്ന് വർഷം വരെ പുതിയ സിം കണക്ഷനുകള്‍ എടുക്കുന്നതില്‍ നിന്ന് വിലക്കുകയും ചെയ്യും. മറ്റൊരാളുടെ പേരില്‍ സിം കാർഡ് എടുക്കുന്നത് നിയമവിരുദ്ധമാണ്. അതുപോലെ, ഏതെങ്കിലും തരത്തിലുള്ള വ്യാജ സന്ദേശങ്ങള്‍ അയക്കുന്നതും കുറ്റകരമാണ്. ഇത്തരം പ്രവർത്തികളെ സൈബർ സുരക്ഷയ്ക്ക് ഭീഷണിയായി കണക്കാക്കും. 2025 മുതല്‍ പുതിയ നിയമം പ്രാബല്യത്തില്‍ വരും. സൈബർ സുരക്ഷാ നിയമങ്ങളില്‍ സർക്കാർ ഈ വ്യവസ്ഥ ഉള്‍പ്പെടുത്തിയിട്ടുണ്ട്. ‘റെപ്പോസിറ്ററി ഓഫ് പേഴ്സണ്‍’ എന്ന ഒരു സംവിധാനം ഇതിനായി ഉണ്ടാക്കും. ബ്ലാക്ക്‌ലിസ്റ്റില്‍ ഉള്‍പ്പെടുത്തുന്നതിന് മുൻപ് സർക്കാർ വ്യക്തിക്ക് നോട്ടീസ് അയയ്ക്കും. നോട്ടീസ് ലഭിച്ച്‌ ഏഴ് ദിവസത്തിനുള്ളില്‍ മറുപടി നല്‍കണം. എന്നാല്‍, പൊതു താല്പര്യം കണക്കിലെടുത്ത് നോട്ടീസ് കൂടാതെയും നടപടിയെടുക്കാൻ സാധ്യതയുണ്ട്. ഇത്തരത്തില്‍ ആറ് മാസം മുതല്‍ മൂന്ന് വർഷം വരെ വ്യക്തികളെ ബ്ലാക്ക്‌ലിസ്റ്റില്‍ ഉള്‍പ്പെടുത്താൻ സർക്കാരിന് സാധിക്കും. പുതിയ ടെലികോം ആക്ടില്‍ സൈബർ സുരക്ഷാ നിയമങ്ങള്‍ ഈ വർഷം നവംബറില്‍ പ്രസിദ്ധീകരിച്ചിരുന്നു. ഈ നിയമം ഉപയോഗിച്ച്‌ സർക്കാർ ഉടൻ തന്നെ നടപടിയെടുക്കാൻ ഒരുങ്ങുകയാണ്. ചുരുക്കത്തില്‍, വ്യാജ സിം കാർഡുകള്‍ ഉപയോഗിക്കുന്നവരെയും സൈബർ കുറ്റകൃത്യങ്ങളില്‍ ഏർപ്പെടുന്നവരെയും കണ്ടെത്താനും തടയാനും ലക്ഷ്യമിട്ടുള്ള ഒരു സുപ്രധാന നീക്കമാണിത്. ഈ നിയമം നടപ്പിലാക്കുന്നതോടെ സൈബർ കുറ്റകൃത്യങ്ങള്‍ക്ക് ഒരു പരിധി വരെ തടയിടാൻ സാധിക്കുമെന്നാണ് വിലയിരുത്തല്‍.
കേരളത്തിൽ ട്രോളിങ് നിരോധനം വരുന്നു…
കേരളത്തിൽ ട്രോളിങ് നിരോധനം വരുന്നു. സംസ്ഥാനത്ത് നാളെ ജൂൺ 9) മുതൽ ട്രോളിംഗ് നിരോധനം ഏർപ്പെടുത്തുകയാണ്.
