ശ്രുതി ഇനി സന്ദീപിന് സ്വന്തം
മുണ്ടക്കൈ ഉരുൾപൊട്ടൽ ദുരന്തത്തിൽ കുടുംബത്തെ നഷ്‌ടമായ ശ്രുതി വിവാഹിതയായി. ഇന്ന് രാവിലെ ഗുരുവായൂർ ക്ഷേത്രത്തിൽ വച്ചായിരുന്നു വിവാഹം. വയനാട് കളക്‌ടറേറ്റിലെ ജീവനക്കാരനും മാനന്തവാടി സ്വദേശിയുമായ സന്ദീപാണ് വരൻ. മുൻ മന്ത്രി കെ രാജനാണ് ശ്രുതിയുടെ രക്ഷിതാവിന്റെ സ്ഥാനത്ത് നിന്ന് വിവാഹച്ചടങ്ങിൽ പങ്കെടുത്തത്. 2026 ജൂലായിൽ ശ്രുതിയുടെയും സന്ദീപിന്റെയും വിവാഹനിശ്ചയം നടന്നിരുന്നു.എല്ലാം അറിഞ്ഞ് കൈപിടിച്ചയാളാണ് സന്ദീപ്. സന്തോഷത്തോടെ ജീവിക്കാൻ കഴിയണമെന്നാണ് പ്രാർത്ഥനയെന്ന് ശ്രുതി വിവാഹശേഷം പറഞ്ഞു. സന്തോഷത്തോടെ ജീവിതത്തിലേക്ക് കടക്കുന്നുവെന്നും എല്ലാവർക്കും നന്ദിയുണ്ടെന്നും സന്ദീപും പറഞ്ഞു. വയനാട് ദുരന്തത്തിൽ സ്വന്തം കുടുംബത്തിലെ ഒമ്പത് അംഗങ്ങളെയാണ് ശ്രുതിക്ക് നഷ്‌ടപ്പെട്ടത്. പിന്നാലെ പ്രതിശ്രുത വരനും വാഹനാപകടത്തിൽ മരിച്ചിരുന്നു. വാഹനാപകടത്തിൽ ശ്രുതിക്കും ഗുരുതര പരിക്കേറ്റിരുന്നു. പിന്നീട് ശ്രുതിക്ക് സർക്കാർ ജോലി നൽകിയിരുന്നു.
വീണ്ടും ഷിഗെല്ല ആശങ്ക; മലപ്പുറത്തും കോഴിക്കോടും 5 പേർക്ക് രോഗബാധ സ്ഥിരീകരിച്ചു
മലപ്പുറം: സംസ്ഥാനത്ത് വീണ്ടും ഷിഗെല്ല. മലപ്പുറത്തും കോഴിക്കോടുമായി അഞ്ച് പേർക്ക് ഷിഗെല്ല രോഗബാധ സ്ഥിരീകരിച്ചു. രണ്ട് ജില്ലകളിലുമായി രോഗബാധിതരുടെ എണ്ണം വർധിക്കുന്ന സാഹചര്യത്തിൽ ആരോഗ്യവകുപ്പ് ജാഗ്രതാ നിർദേശം നൽകിയിട്ടുണ്ട്മലപ്പുറം അമരമ്പലത്തെ കടയിൽനിന്ന് ലഘുഭക്ഷണം കഴിച്ച നാല് വയസുകാരിക്കും പാലുണ്ടയിലെ കടയിൽനിന്ന് മന്തി കഴിച്ച രണ്ട് പേർക്കുമാണ് ഷിഗെല്ല സ്ഥിരീകരിച്ചത്. രോഗലക്ഷണങ്ങളോടെ ആശുപത്രിയിൽ കഴിയുന്ന ഏതാനും പേരുടെ പരിശോധനാഫലം കൂടി ലഭിക്കാനുണ്ട്. പ്രദേശത്ത് 23 ഓളം പേർക്ക് വയറിളക്കം, ഛർദി, വയറുവേദന തുടങ്ങിയ ലക്ഷണങ്ങളുണ്ട്. രോഗബാധിതരുടെ വീടുകളിൽ ആരോഗ്യവകുപ്പിന്റെ നേതൃത്വത്തിൽ ക്ലോറിനേഷൻ നടത്തി.
'നോ കീസ് ഫോര്‍ കിഡ്സ് ' കാമ്പയിനുമായി മോട്ടോര്‍ വാഹന വകുപ്പ്
പ്രായപൂർ ത്തിയാകാത്ത കുട്ടികൾ വാഹനമോടിച്ചുണ്ടാകുന്ന അപകടങ്ങൾ തുടർക്കഥയായതോടെ "നോ കീസ് ഫോർ കിഡ്സ് " കാമ്പയിനുമായി മോട്ടോർ വാഹന വകുപ്പ്. സംസ്ഥാനത്തുടനീളം ബോധവത്കരണ കാമ്പയിൻ നടത്താനാണു തീരുമാനം.കാമ്പയിന്റെ ഭാഗമായി ജില്ലാ കലോത്സവ വേദികളിൽ ഉൾപ്പെടെ ഇതുമായി ബന്ധപ്പെട്ട ക്ലാസുകളും ക്വിസ് മത്സരങ്ങളും സംഘടിപ്പിക്കും. കുട്ടികൾക്കു വാഹനത്തിന്റെ താക്കോലല്ല സുരക്ഷിതമായ നാളേക്കുള്ള അറിവാണു കൈമാറേണ്ടതെന്നും ഒരു നിമിഷത്തെ അശ്രദ്ധ ഒരു ജീവിതകാലത്തെ നഷ്ടമാകരുതെന്നും ഉദ്യോഗസ്ഥർ ഓർമിപ്പിക്കുന്നു. കുട്ടികൾക്കു വാഹനങ്ങളുടെ താക്കോൽ കൊടുക്കുന്നത് വലിയ അപകടത്തിലേക്കു നയിക്കുമെന്നും മാതാപിതാക്കൾ കേസിൽ പ്രതികളാകുന്ന സാഹചര്യമുണ്ടാകുമെന്നും ഉദ്യോഗസ്ഥർ ചൂണ്ടിക്കാട്ടുന്നു.സമീപകാലത്തായി ഇത്തരം സംഭവങ്ങൾ ഏറിവരികയാണെന്നും പ്രായപൂർത്തിയാകാത്ത മക്കൾ വാഹനം ഉപയോഗിക്കുന്നതിന്റെ പൂർണ ഉത്തരവാദിത്തം വാഹന ഉടമയ്ക്കാണെന്നും അധികൃതർ ചൂണ്ടിക്കാട്ടി.
അഭിമുഖം മാറ്റി
കൽപ്പറ്റ മുനിസിപ്പാലിറ്റിക്ക് കീഴിൽ പ്രവർത്തിക്കുന്ന എം സി എഫ്/ ആർ ആർ എഫ് എന്നിവയുടെ സുഗമമായ നടത്തിപ്പിന് ദിവസവേതന അടിസ്ഥാനത്തിൽ കെയർ ടേക്കർ തസ്തികയിലേക്ക് നവംബർ 12-ന് രാവിലെ 11ന് നഗരസഭ ഓഫീസിൽ നടത്താൻ തീരുമാനിച്ചിരുന്ന അഭിമുഖം മാറ്റിവച്ചു.
ടൂറിസം മേഖലയിലെ സുഗമമായ പ്രവർത്തനങ്ങൾക്ക് പ്രത്യേക സമിതി ജില്ലാ വികസന സമിതി യോഗം ചേർന്നു
ജില്ലയിലെ ടൂറിസം മേഖലയുടെ സുഗമവും ശാസ്ത്രീയവുമായ പ്രവർത്തനങ്ങൾ പരിശോധിക്കാൻ എ.ഡി.എമിന്റെ അധ്യക്ഷതയിൽ പ്രത്യേക സമിതി രൂപീകരിക്കാൻ ജില്ലാ വികസന സമിതി യോഗത്തിൽ തീരുമാനമായി. ടൗൺ പ്ലാനർ കൺവീനറും തദ്ദേശ സ്വയംഭരണ വകുപ്പ് ജോയിന്റ് ഡയറക്ടർ, ടൂറിസം ഡെപ്യൂട്ടി ഡയക്ടർ, ഡി.ടി.പി.സി സെക്രട്ടറി, ടൂറിസം മേഖലയുമായി ബന്ധപ്പെട്ട് പ്രവർത്തിക്കുന്നവർ സമിതിയിൽ അംഗങ്ങളായിരിക്കുമെന്ന് ജില്ലാ കളക്ടർ വി. ചെൽസാസിനി അറിയിച്ചു. സുൽത്താൻബത്തേരി - പെരിക്കല്ലൂർ, മുള്ളൻകൊല്ലി - മരക്കടവ്, റോഡുകളുടെ നിർമ്മാണം പൂർത്തിയാകാത്തതിൽ പൊതുജനങ്ങൾ നേരിടുന്ന പ്രതിസന്ധിയ്ക്ക് ശാശ്വത പരിഹാരം ഉണ്ടാവണമെന്ന് എം.പിയുടെ പ്രതിനിധി കെ.എൽ പൗലോസ് യോഗത്തിൽ ആവശ്യപ്പെട്ടു. കൈനാട്ടി ട്രാഫിക് സിഗ്നലുകളുടെ അപാകതകൾ പരിഹരിച്ച് പൂർണ്ണതോതിൽ പ്രവർത്തന സജ്ജമാക്കണമെന്ന് കൃഷി വകുപ്പ് മന്ത്രിയുടെ പ്രതിനിധി വി.എ മജീദ് യോഗത്തിൽ ആവശ്യപ്പെട്ടു. പുഴയുടെയും തോടുകളുടെയും ഓരങ്ങളിൽ നിർമിച്ച വീടുകളുടെ സുരക്ഷയ്ക്കായി സംരക്ഷണ ഭിത്തികൾ നിർമ്മിക്കണമെന്നും എം.എൽ.എ ഫണ്ട് ഉപയോഗിച്ച് വന മേഖലയിൽ നിർമിക്കുന്ന ഫെൻസിങ് പ്രവൃത്തികൾ സമയ ബന്ധിതമായി നടപ്പിലാക്കണമെന്നും അദ്ദേഹം പറഞ്ഞു. പട്ടികവർഗ വികസന വകുപ്പ് ജില്ലാ തലത്തിൽ ടി.ആർ.ഡി.എം മിഷൻ പ്രകാരം സ്ഥലം വാങ്ങി പൂർത്തീകരിച്ച് വീടും അടിസ്ഥാന സൗകര്യങ്ങളും നൽകിയിട്ടും പല വീടുകളിലും ആളുകൾ താമസിക്കാത്ത സാഹചര്യം ചർച്ച ചെയ്യുന്നതിന് ജനപ്രതിനിധികളെ പങ്കെടുപ്പിച്ച് യോഗം ചേരാൻ ജില്ലാ വികസന സമിതി യോഗത്തിൽ തീരുമാനിച്ചു. ജില്ലാ കളക്ടർ വി. ചെൽസാസിനിയുടെ അധ്യക്ഷതയിൽ ആസൂത്രണ ഭവനിലെ എ.പി.ജെ ഹാളിൽ ചേർന്ന യോഗത്തിൽ എ.ഡി.എം കെ. അജീഷ്, ജില്ലാ പ്ലാനിങ് ഓഫീസർ എം. കമാലുദ്ദീൻ, ജില്ലാതല ഉദ്യോഗസ്ഥർ, ജനപ്രതിനിധികൾ തുടങ്ങിയവർ പങ്കെടുത്തു.
പച്ചത്തേയില വില നിശ്ചയിച്ചു
ഒക്ടോബര്‍ മാസത്തെ പച്ചത്തേയിലയുടെ വില 16.46 രൂപയായി നിശ്ചയിച്ചതായി ടീ ബോര്‍ഡ് അസിസ്റ്റന്റ് ഡയറക്ടര്‍ അറിയിച്ചു. പച്ച തേയിലയുടെ വില തീര്‍പ്പാക്കുമ്പോള്‍ ഫാക്ടറികള്‍ ശരാശരി വില പാലിച്ച് വിതരണക്കാര്‍ക്ക് നല്‍കണം.
ടെന്‍ഡര്‍ ക്ഷണിച്ചു
മുട്ടിൽ വയനാട് ഓർഫനേജ് വൊക്കേഷണൽ ഹയർ സെക്കൻഡറി സ്കൂളിൽ നവംബർ 23 മുതൽ 26 വരെ നടക്കുന്ന വയനാട് റവന്യൂ ജില്ല സ്കൂൾ കലോത്സവത്തിൻ്റെ നടത്തിപ്പിനായി സ്റ്റേജ്, പന്തൽ, ലൈറ്റ്, സൗണ്ട് എന്നിവ ക്രമീകരിക്കുന്നതിന് ടെൻഡർ ക്ഷണിച്ചു. നവംബർ 16 ന് വൈകിട്ട് മൂന്നിനകം ടെന്‍ഡര്‍ സമര്‍പ്പിക്കണം. ഫോണ്‍- 9446769456, 04936231048
സൗജന്യ പരിശീലനം
കൽപ്പറ്റ പുത്തൂർവയലിലുള്ള എസ് ബി ഐ ആർസെറ്റിയിൽ നവംബറില്‍ ആരംഭിക്കുന്ന സൗജന്യ തയ്യൽ പരിശീലനത്തിന് 18നും 50 നുമിടയിൽ പ്രായമുള്ള തൊഴിൽരഹിതരില്‍ നിന്നും അപേക്ഷ ക്ഷണിച്ചു. ഫോണ്‍-8590762300,8078711040
ട്രാക്ക് മുറിച്ച് കടക്കുന്നത് ക്രിമിനൽ കുറ്റം; അപകടം സംഭവിച്ചാൽ നഷ്ടപരിഹാരം നൽകേണ്ടതില്ലെന്ന് ട്രൈബ്യൂണൽ
ട്രാക്ക് മുറിച്ച് കടക്കുന്നതിനിടെ ട്രെയിന്‍ തട്ടിയുണ്ടാകുന്ന അപകടത്തില്‍ നഷ്ടപരിഹാരം നല്‍കാനാകില്ലെന്ന് എറണാകുളം റെയില്‍വെ ക്ലെയിംസ് ട്രൈബ്യൂണല്‍. റെയില്‍വെ ട്രാക്ക് മുറിച്ച് കടക്കുന്നത് ക്രിമിനല്‍ കുറ്റമാണ്. അതുകൊണ്ടുതന്നെ ട്രാക്ക് മുറിച്ച് കടക്കുമ്പോഴുണ്ടാകുന്ന അപകടങ്ങളില്‍ നഷ്ടപരിഹാരം നല്‍കാന്‍ കഴിയില്ലെന്നും റെയില്‍വെ ക്ലെയിംസ് ട്രൈബ്യൂണല്‍ പറഞ്ഞു. മാവേലിക്കര റെയില്‍വെ സ്റ്റേഷനില്‍ ട്രാക്ക് മുറിച്ച് കടക്കുന്നതിനിടെ ട്രെയിന്‍ തട്ടി പരിക്കേറ്റ ചങ്ങനാശ്ശേരി സ്വദേശി തോമസ് ജോണിന്റെ അപേക്ഷ തള്ളിയാണ് ട്രൈബ്യൂണല്‍ ഉത്തരവിട്ടത്.കൊല്ലം-എറണാകുളം മെമുവില്‍ യാത്ര ചെയ്യുന്നതിനിടെ ട്രെയിനില്‍ നിന്ന് വീണ് പരിക്ക് പറ്റിയെന്നും നഷ്ടപരിഹാരം വേണമെന്നും പറഞ്ഞായിരുന്നു തോമസ് ട്രൈബ്യൂണലിനെ സമീപിച്ചത്. അപകടത്തെ തുടര്‍ന്ന് കോട്ടയം മെഡിക്കല്‍ കോളേജ് ആശുപത്രിയില്‍ ദീര്‍ഘനാള്‍ ചികിത്സ തേടിയെന്നും പത്ത് ലക്ഷം രൂപ നഷ്ടപരിഹാരം നല്‍കണമെന്നുമായിരുന്നു തോമസിന്റെ ആവശ്യം. എന്നാല്‍ തെളിവുകള്‍ സഹിതം തോമസിന്റെ വാദം റെയില്‍വെ തള്ളി.
നാലാം ഘട്ട ക്യാന്‍സറിനെയും വരുതിയിലാക്കാം: ഈ ആധുനിക ചികിത്സയിലൂടെ
സ്റ്റേജ് 4 ക്യാന്‍സര്‍ എന്ന വാക്കുകള്‍ കേള്‍ക്കുമ്പോള്‍ തന്നെ രോഗികളും ബന്ധുക്കളും ഒരുപോലെ ആകെ തകര്‍ന്നുപോകുന്ന കാഴ്ചയാണ് നാം സാധാരണയായി കാണാറുള്ളത്. രോഗം ശരീരത്തിന്റെ മറ്റ് ഭാഗങ്ങളിലേക്ക് പടര്‍ന്നു കഴിഞ്ഞു എന്നതിനാല്‍ ഇനി ചികിത്സയില്ലെന്നും ജീവിതം അവസാനിച്ചു എന്നും വിലയിരുത്തുന്ന രീതി ഇന്നും സമൂഹത്തിലുണ്ട്. എന്നാല്‍ ആധുനിക അര്‍ബുദ ചികിത്സാ രംഗത്തുണ്ടായ വിപ്ലവകരമായ മുന്നേറ്റങ്ങള്‍ ഈ ധാരണകളെ പാടെ തിരുത്തിക്കുറിക്കുകയാണ്.ഇന്ന് നാലാം ഘട്ട ക്യാന്‍സര്‍ എന്നാല്‍ ജീവിതത്തിന്റെ അവസാനമല്ല. ഉയര്‍ന്ന രക്തസമ്മര്‍ദ്ദം, പ്രമേഹം എന്നിവ പോലെ കൃത്യമായ ചികിത്സയിലൂടെ വര്‍ഷങ്ങളോളം നിയന്ത്രിച്ചു നിര്‍ത്താന്‍ കഴിയുന്ന ഒരു ദീര്‍ഘകാല രോഗമായി ക്യാന്‍സറിനെയും മാറ്റാന്‍ ആധുനിക വൈദ്യശാസ്ത്രത്തിന് ഇന്ന് സാധിക്കുന്നുണ്ട്.എന്താണ് നാലാം ഘട്ട ക്യാന്‍സര്‍?ക്യാന്‍സര്‍ കോശങ്ങള്‍ ആദ്യം രൂപപ്പെട്ട അവയവത്തില്‍ നിന്ന് രക്ത ഓട്ടത്തിലൂടെയോ ലിംഫ് വ്യവസ്ഥയിലൂടെയോ ശ്വാസകോശം, കരള്‍, അസ്ഥികള്‍, തലച്ചോറ് തുടങ്ങിയ ശരീരത്തിലെ മറ്റ് ദൂരസ്ഥ ഭാഗങ്ങളിലേക്ക് പടരുന്ന ഘട്ടമാണിത്. വൈദ്യശാസ്ത്രത്തില്‍ ഇതിനെ മെറ്റാസ്റ്റാറ്റിക് ക്യാന്‍സര്‍ എന്ന് വിളിക്കുന്നു. പണ്ട് ഈ ഘട്ടത്തില്‍ നല്‍കിയിരുന്ന ചികിത്സകള്‍ രോഗിയുടെ വേദന കുറയ്ക്കാന്‍ മാത്രമായി ചുരുങ്ങിയിരുന്നുവെങ്കില്‍ ഇന്ന് രോഗബാധയെ ദീര്‍ഘകാലം നിയന്ത്രിക്കാനും ആയുസ്സ് ഗണ്യമായി വര്‍ദ്ധിപ്പിക്കാനും സാധിക്കുന്നുണ്ട്.ചികിത്സാരീതികളിലെ വിപ്ലവകരമായ മാറ്റംപഴയകാലങ്ങളില്‍ കീമോതെറാപ്പിയും റേഡിയേഷനുമായിരുന്നു ക്യാന്‍സറുകള്‍ക്കുള്ള പ്രധാന ആശ്രയം. കീമോതെറാപ്പി മരുന്നുകള്‍ ക്യാന്‍സര്‍ കോശങ്ങളോടൊപ്പം ശരീരത്തിലെ ആരോഗ്യമുള്ള കോശങ്ങളെയും നശിപ്പിച്ചിരുന്നതിനാല്‍ കടുത്ത പാര്‍ശ്വഫലങ്ങള്‍ സൃഷ്ടിച്ചിരുന്നു. എന്നാല്‍ ഇന്നു ലഭ്യമായ ശാസ്ത്രീയ മുന്നേറ്റങ്ങള്‍ ചികിത്സയെ കൂടുതല്‍ കൃത്യതയുള്ളതാക്കി:stage 4 cancer ടാര്‍ഗെറ്റഡ് തെറാപ്പിക്യാന്‍സര്‍ കോശങ്ങള്‍ വളരാനും വിഭജിക്കാനും സഹായിക്കുന്ന പ്രത്യേക ജനിതക വ്യതിയാനങ്ങളെയും പ്രോട്ടീനുകളെയും മാത്രം ലക്ഷ്യമിട്ട് പ്രവര്‍ത്തിക്കുന്ന മരുന്നുകളാണിത്. ആരോഗ്യമുള്ള കോശങ്ങള്‍ക്ക് വലിയ തകരാര്‍ വരുത്താതെ ക്യാന്‍സര്‍ കോശങ്ങളെ മാത്രം ഇവ കൃത്യമായി നശിപ്പിക്കുന്നു.ഇമ്മ്യൂണോതെറാപ്പിക്യാന്‍സര്‍ കോശങ്ങള്‍ നമ്മുടെ ശരീരത്തിലെ രോഗപ്രതിരോധ വ്യവസ്ഥയില്‍ നിന്ന് ഒളിച്ചിരിക്കാറുണ്ട്. ശരീരത്തിന്റെ സ്വാഭാവിക രോഗപ്രതിരോധ കോശങ്ങളെ (ടി-സെല്‍സ്) ഉത്തേജിപ്പിച്ച് ക്യാന്‍സര്‍ കോശങ്ങളെ തിരിച്ചറിഞ്ഞ് ആക്രമിക്കാന്‍ പ്രാപ്തമാക്കുന്ന രീതിയാണിത്.ക്യാന്‍സര്‍ ഇനി ഒരു ക്രോണിക് രോഗംഒരു വ്യക്തിക്ക് പ്രമേഹമോ ഉയര്‍ന്ന രക്തസമ്മര്‍ദ്ദമോ പിടിപെട്ടാല്‍, ദിനചര്യകളുടെ ഭാഗമായി മരുന്നുകള്‍ കഴിച്ച് രോഗത്തെ നിയാന്ത്രിച്ച് നിര്‍ത്തി വര്‍ഷങ്ങളോളം സാധാരണ ജീവിതം നയിക്കുന്നു. സമാനമായ രീതിയില്‍ ക്യാന്‍സറുകളെയും നിയന്ത്രണത്തിലാക്കാന്‍ ആധുനിക മരുന്നുകള്‍ക്ക് സാധിക്കുന്നുണ്ട്.ശ്വാസകോശ അര്‍ബുദംEGFR, ALK, ROS 1 തുടങ്ങിയ ജനിതക മാറ്റങ്ങളുള്ള നാലാം ഘട്ട ശ്വാസകോശ ക്യാന്‍സര്‍ രോഗികള്‍ക്ക് ടാര്‍ഗെറ്റഡ് ഗുളികകള്‍ നല്‍കുന്നതിലൂടെ രോഗം വര്‍ഷങ്ങളോളം പൂര്‍ണ്ണമായി നിയന്ത്രിച്ചു നിര്‍ത്താനാകുന്നു.HER2-Positive അല്ലെങ്കില്‍ ഹോര്‍മോണ്‍ റിസെപ്റ്റര്‍ പോസിറ്റീവ് വിഭാഗത്തില്‍പ്പെടുന്ന സ്തനാര്‍ബുദ രോഗികള്‍ക്ക് ടാര്‍ഗെറ്റഡ് മരുന്നുകളും ഹോര്‍മോണ്‍ തെറാപ്പികളും വഴി ദീര്‍ഘകാലം മെച്ചപ്പെട്ട ആയുസ്സും ജീവിതസൗകര്യവും ഉറപ്പാക്കുന്നു.രക്താര്‍ബുദങ്ങള്‍ (ക്രോണിക് മെലോയ്ഡ് ലുക്കീമിയ)ഒരു കാലത്ത് മരണകാരണമായിരുന്ന സി.എം.എല്‍ പോലെയുള്ള ക്യാന്‍സറുകള്‍ ഒരു ചെറിയ ഗുളികയിലൂടെ ഇന്ന് പ്രമേഹം പോലെ നിയന്ത്രിക്കാന്‍ സാധിക്കുന്നു.മെലനോമയും വൃക്കയിലെ ക്യാന്‍സറുംഇമ്മ്യൂണോതെറാപ്പിയുടെ വരവോടെ നാലാം ഘട്ടത്തിലുള്ള ചര്‍മ്മ അര്‍ബുദം (ങലഹമിീാമ), വൃക്കയിലെ ക്യാന്‍സര്‍ (റീനല്‍ സെല്‍ കാര്‍സിനോമ) എന്നിവ ബാധിച്ച പല രോഗികളിലും ദീര്‍ഘകാല രോഗമുക്തി സാധ്യമാകുന്നുണ്ട്.പ്രസിഷന്‍ മെഡിസിനും ജനിതക പരിശോധനകളുംഎല്ലാ രോഗികള്‍ക്കും ഒരേ മരുന്ന് നല്‍കുന്ന രീതിക്ക് പകരം, ഓരോ രോഗിയുടെയും ക്യാന്‍സര്‍ കോശങ്ങളുടെ ഡി.എന്‍.എ ഘടന പരിശോധിച്ച് നല്‍കുന്ന വ്യക്തിഗത ചികിത്സയാണ് പ്രസിഷന്‍ മെഡിസിന്‍.നെക്സ്റ്റ് ജനറേഷന്‍ സീക്വന്‍സിങ് (എന്‍.ജി.എസ്)ക്യാന്‍സര്‍ കോശങ്ങളോ രക്തമോ ഉപയോഗിച്ച് നടത്തുന്ന ഈ പരിശോധന വഴി ക്യാന്‍സറിന് കാരണമായ കൃത്യമായ ജനിതക തകരാറുകള്‍ കണ്ടെത്താന്‍ സാധിക്കും.ഈ ജനിതക മാപ്പിംഗിലൂടെ രോഗിക്ക് ഏറ്റവും ഫലപ്രദമായ ടാര്‍ഗെറ്റഡ് മരുന്ന് ഏതാണെന്ന് മുന്‍കൂട്ടി തീരുമാനിക്കാന്‍ ഓങ്കോളജിസ്റ്റിന് സാധിക്കുന്നു.stage 4 cancer മികച്ച ജീവിതനിലവാരംപരമ്പരാഗത കീമോതെറാപ്പിയുടെ കാഠിന്യമേറിയ പാര്‍ശ്വഫലങ്ങളായ കടുത്ത മുടികൊഴിച്ചില്‍, ക്ഷീണം, അണുബാധയ്ക്കുള്ള സാധ്യത എന്നിവ ടാര്‍ഗെറ്റഡ് തെറാപ്പികളില്‍ വളരെ കുറവാണ്. പല മരുന്നുകളും ഗുളികകളുടെ രൂപത്തിലാണ് ലഭ്യമാകുന്നത്. അതിനാല്‍ രോഗികള്‍ക്ക് ആശുപത്രിവാസം ഒഴിവാക്കി സ്വന്തം വീട്ടില്‍ ഇരുന്നുകൊണ്ട് തന്നെ ചികിത്സ തുടരാനും കരിയറിലും കുടുംബ ജീവിതത്തിലും സജീവമായി ഇടപെടാനും സാധിക്കുന്നു.നാലാം ഘട്ട ക്യാന്‍സര്‍ എന്നത് ഒന്നിന്റെയും അവസാനമല്ല മറിച്ച് വ്യത്യസ്തമായൊരു ചികിത്സാ ഘട്ടത്തിന്റെ തുടക്കം മാത്രമാണ്. ആധുനിക വൈദ്യശാസ്ത്രം ദിനംപ്രതി കൈവരിക്കുന്ന ശാസ്ത്രീയ മുന്നേറ്റങ്ങള്‍ ക്യാന്‍സറിനെ ഒരു സാധാരണ ദീര്‍ഘകാല രോഗം പോലെ നിയന്ത്രിക്കാന്‍ നമ്മെ പ്രാപ്തരാക്കുന്നു. കൃത്യമായ ജനിതക പരിശോധനകളും തക്കസമയത്തുള്ള ടാര്‍ഗെറ്റഡ് ചികിത്സകളും വഴി പ്രതീക്ഷയോടെയും ഉയര്‍ന്ന ആത്മവിശ്വാസത്തോടെയും ക്യാന്‍സറിനെ നമുക്ക് അതിജീവിക്കാം.
ഡോക്ടർക്കും ക്ലിനിക്കിനും ആശുപത്രിക്കും രജിസ്ട്രേഷൻ ഇല്ല, ഗുരുതര അനാസ്ഥ; ശസ്ത്രക്രിയയ്ക്ക് പിന്നാലെ 17-കാരൻ മരിച്ച സംഭവത്തിൽ നിർണായക കണ്ടെത്തൽ
തൊണ്ടയിലെ ശസ്ത്രക്രിയയ്ക്ക് പിന്നാലെ കണ്ണൂരിൽ 17-കാരൻ മരിച്ച സംഭവത്തിൽ മനുഷ്യാവകാശ കമ്മീഷൻ നടത്തിയ അന്വേഷണത്തിൽ കണ്ടത്തിയത് ഞെട്ടിക്കുന്ന വിവരങ്ങൾ. ചികിത്സയിലെ ഗുരുതര അനാസ്ഥയാണ് മരണകാരണമെന്നും ശസ്ത്രക്രിയ നടത്തിയ ഡോക്ടർക്കും ക്ലിനിക്കിനും രജിസ്ട്രേഷൻ ഉണ്ടായിരുന്നില്ലെന്നുമാണ് മനുഷ്യാവകാശ കമ്മീഷന്റെ അന്വേഷണത്തിൽ കണ്ടെത്തിയത്. പിഴവില്ലെന്ന റിപ്പോർട്ട് നൽകി അവസാനിപ്പിച്ച കേസിൽ ഡിഎഒയോ പൊലീസോ ഡോക്ടർക്ക് രജിസ്ട്രേഷൻ ഉണ്ടായിരുന്നോ എന്നതുപോലും അന്വേഷിച്ചില്ലെന്നും കമ്മീഷൻ ചൂണ്ടിക്കാട്ടി. സംഭവത്തിൽ തുടരന്വേഷണം നടത്താനും മനുഷ്യാവകാശ കമ്മീഷൻ ഉത്തരവിട്ടിട്ടുണ്ട്.2024 ജൂലായിലാണ് തൊണ്ടയുടെ ശസ്ത്രക്രിയയ്ക്ക് വിധേയനായതിന് പിന്നാലെ കണ്ണൂർ സ്വദേശിയായ സൂര്യജിത്ത്(17) മരിച്ചത്. കണ്ണൂരിലെ പ്രിയ ഇഎൻടി ക്ലിനിക്കിലാണ് കുട്ടി ശസ്ത്രക്രിയയ്ക്ക് വിധേയനായത്. രണ്ടാംനാൾ രക്തം ഛർദിച്ച് അവശനിലയിലായി. തുടർന്ന് മറ്റൊരു സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.ശസ്ത്രക്രിയയിൽ പിഴവ് സംഭവിച്ചെന്നും ആരോഗ്യനില ഗുരുതരമായിട്ടും സ്വകാര്യ ആശുപത്രിയിൽ മതിയായ ചികിത്സ ലഭിച്ചില്ലെന്നും ആരോപിച്ച് സൂര്യജിത്തിന്റെ കുടുംബം പരാതി നൽകിയിരുന്നു. സംഭവത്തിൽ രണ്ട് അന്വേഷണങ്ങളും നടന്നു. കുട്ടിക്ക് അടിയന്തര ചികിത്സ നൽകുന്നതിൽ വീഴ്ചയുണ്ടായെന്നായിരുന്നു ഡിഎംഒ നടത്തിയ ആദ്യ അന്വേഷണത്തിലെ റിപ്പോർട്ട്. എന്നാൽ, ഇതേ ഡിഎംഒ ഉൾപ്പെട്ട മെഡിക്കൽ ബോർഡ് നടത്തിയ അന്വേഷണത്തിൽ ഡോക്ടർക്കോ ചികിത്സ നൽകുന്നതിലോ വീഴ്ചയില്ലെന്നും റിപ്പോർട്ട് നൽകി. ഈ റിപ്പോർട്ട് പൊലീസിന് കൈമാറിയതോടെ കേസും അവസാനിപ്പിച്ചു. ഇതോടെയാണ് കുട്ടിയുടെ കുടുംബം മനുഷ്യാവകാശ കമ്മീഷന് പരാതി നൽകിയത്.
വോട്ട് ചോരി മാത്രമല്ല, ഇത് അവകാശങ്ങൾ മോഷ്ടിക്കലാണ്; ആനുകൂല്യങ്ങൾക്ക് വോട്ടർ ഐഡി നിർബന്ധമാക്കുന്നതില്‍ രാഹുല്‍
ന്യൂദല്‍ഹി: സര്‍ക്കാരിന്റെ ക്ഷേമപദ്ധതികളുടെ ആനുകൂല്യങ്ങള്‍ ലഭിക്കുന്നതിനായി വോട്ടര്‍ ഐഡി കാര്‍ഡ് നിര്‍ബന്ധമാക്കാനാണ് ബിജെപി സര്‍ക്കാര്‍ ശ്രമിക്കുന്നതകെന്ന ആരോപണവുമായി കോണ്‍ഗ്രസ് നേതാവ് രാഹുല്‍ ഗാന്ധി. എസ്‌ഐആര്‍ നടപടിക്കൊപ്പം ഇത്തരമൊരു നീക്കം നടപ്പാക്കുന്നത് ലക്ഷണക്കണക്കിന് ആളുകളുടെ അവകാശങ്ങള്‍ നിഷേധിക്കപ്പെടാന്‍ കാരണമാകുമെന്നും അദ്ദേഹം പറഞ്ഞു. ഇത് കേവലം വോട്ട് ചോരി മാത്രമല്ല, അവകാശങ്ങള്‍ കവര്‍ന്നെടുക്കലാണെന്നും ലോക്‌സഭാ പ്രതിപക്ഷ നേതാവ് ആരോപിച്ചു.ക്ഷേമപദ്ധതികളുടെ ആനുകൂല്യം ലഭിക്കുന്നതിനായി ആധാര്‍ കാര്‍ഡിന് പകരം വോട്ടര്‍ ഐഡി തിരിച്ചറിയല്‍ രേഖയാക്കാന്‍ ഒരുങ്ങുന്നുവെന്ന കേന്ദ്ര പഞ്ചായത്തീരാജ് മന്ത്രി രാജീവ് രഞ്ജന്‍ സിങ്ങിന്റെ വീഡിയോ പങ്കുവെച്ചുകൊണ്ടായിരുന്നു കോണ്‍ഗ്രസ് നേതാവിന്റെ വിമര്‍ശനം.
സന്ദീപിന്റെ കൈപിടിച്ച് ശ്രുതി പുതു ജീവിതത്തിലേക്ക്
മുണ്ടക്കൈ ഉരുൾ ദുരന്തത്തിലെ അതിജീവിത ശ്രുതി നാളെ സുമംഗലിയാകും. വയനാട് കലക്ട്രേറ്റിലെ ജീവനക്കാരൻ സന്ദീപാണ് വരൻ
സംസ്ഥാന മുസാബഖ ഡിസം: 4, 5, 6 ബീനാച്ചിയിൽ ; വരവേൽക്കാൻ വയനാട് ഒരുങ്ങുന്നു
ഏഷ്യയിലെ ഏറ്റവും വലിയ ഇസ് ലാമിക് കലാമേളയായ സമസ്ത കേരളാ ജംഇയ്യത്തുൽ മുഅല്ലിമീൻ സെൻട്രൽ കൗൺസിലിൻ്റെ 18-ാമത് മുസാബഖ ഡിസം: 4, 5, 6 തീയതികളിൽ ബീനാച്ചി നൂറുൽ ഇസ് ലാം തഹ് ഫീളുൽ ഖുർആൻ കോളേജിൽ നടക്കും. ഇദം പ്രഥമമായി വയനാട്ടിലെത്തുന്ന മുസാബഖയെ വരവേൽക്കാൻ വയനാട് ഒരുക്കങ്ങൾ ആരംഭിച്ചു. സംഘാടക സമിതി രൂപീകരണത്തിനായി ബീനാച്ചി മദ്റസയിൽ ചേർന്ന ജില്ലയിലെ സമസ്തയുടെയും പോഷക ഘടകങ്ങളുടെയും ജില്ലാ- താലൂക്ക്- റെയ്ഞ്ച് ഭാരവാഹികളുടെയും വിപുലമായ കൺവെൻഷൻ സെൻട്രൽ കൗൺസിൽ സംസ്ഥാന സെക്രട്ടറി കൊടക് അബ്ദുറഹ് മാൻ മുസ് ലിയാർ ഉദ്ഘാടനം ചെയ്തു. എസ് കെ ജെ എം ജില്ലാ പ്രസിഡണ്ട് കെ.വി. എസ് തങ്ങൾ അദ്ധ്യക്ഷനായി. സെൻട്രൽ കൗൺസിൽ ട്രഷറർ അബ്ദുൽ ഖാദർ അൽ ഖാസിമി മുഖപ്രഭാഷണം നിർവഹിച്ചു. സ്‌റ്റേറ്റ് സെക്രട്ടറി കെ.ടി ഹുസൈൻ കുട്ടി മൗലവി പദ്ധതി അവതരിപ്പിച്ചു. സെൻട്രൽ കൗൺസിൽ ഭാരവാഹികളായ ടി കെ മുഹമ്മദ് കുട്ടി ഫൈസി പട്ടാമ്പി, സി. മുഹമ്മദലി ഫൈസി കോട്ടോപ്പാടം, സിദ്ദീഖ് ഫൈസി വെൺമണൽ , മാനേജർ ഉസ്മാൻ ഫൈസി ഇന്ത്യനൂർ, ജില്ലാ നേതാക്കളായ എം. ഹസൻ മുസ് ലിയാർ , ഇബ്റാഹിം ഫൈസി വാളാട് , അശ്‌റഫ് ഫൈസി പനമരം, സൈനുൽ ആബിദ് ദാരിമി, പി. സുബൈർ കണിയാമ്പറ്റ, അയ്യൂബ് മുട്ടിൽ , മുഹ്‌യിദ്ദീൻ കുട്ടി യമാനി പന്തിപ്പൊയിൽ , അബ്ബാസ് വാഫി ചെന്ദലോട് , സ്വാദിഖുൽ അമീൻ ഫൈസി, കെ.ഉമർ ഫൈസി ബീനാച്ചി മഹല്ല് പ്രസിഡണ്ട് കെ.കെ ബശീർ , ഖത്തീബ് ഡി. എച്ച് അലി ദാരിമി , തഹ്ഫീളുൽ ഖുർആൻ കോളേജ് പ്രിൻസിപ്പാൾ മുബാറകലി മിസ്ബാഹി , അബ്ദുൽ മജീദ് അൻസ്വരി, അബ്ദുറസാഖ് ദാരിമി സംസാരിച്ചു. ജില്ലാ സെക്രട്ടറി ഹാരിസ് ബാഖവി കമ്പളക്കാട് സ്വാഗതവും ബീനാച്ചി മഹല്ല് സെക്രട്ടറി യു.എ മുഹമ്മദലി നന്ദിയും പറഞ്ഞു .
സഹപ്രവർത്തകൻ്റെ കുടുംബത്തെ ചേർത്തുപിടിച്ച് ജംഇയ്യത്തുൽ മുഅല്ലിമീൻ
എസഹപ്രവർത്തകൻ്റെ കുടുംബത്തെ ചേർത്തുപിടിച്ച് ജംഇയ്യത്തുൽ മുഅല്ലിമീൻസ്.കെ.ജെ.എം ജില്ലാ കമ്മിറ്റിയുടെ തവാറുസ് ഫണ്ട് കൈമാറി.സേവനത്തിലിരിക്കെ മരണപ്പെടുന്ന മുഅല്ലിമിൻ്റെ കുടുംബത്തിനെ ചേർത്ത്പിടിക്കുകയെന്ന ബാധ്യതാ നിർവഹണത്തിനായി ജില്ലാ ജംഇയ്യത്തുൽ മുഅല്ലിമീൻ രണ്ട് വർഷം മുമ്പ് രൂപംനൽകിയതാണ് തവാറുസ് പദ്ധതി. അമ്പതിനായിരം രൂപയാണ് ജില്ലാ ജംഇയ്യത്തുൽ മുഅല്ലിമീൻ നൽകുന്നത്. ജില്ലാ പ്രസിഡണ്ട് കെ. വി എസ് ഇമ്പിച്ചിക്കോയ തങ്ങൾ, സെക്രട്ടറി ഹാരിസ് ബാഖവി , ട്രഷറർ സൈനുൽ ആബിദ് ദാരിമി, വൈസ് പ്രസിഡണ്ടുമാരായ അശ്‌റഫ് ഫൈസി പനമരം , അബ്ദുള്ളക്കുട്ടി ദാരിമി തുടങ്ങിയവർകഴിഞ്ഞയാഴ്ച മരണപ്പെട്ട പൊഴുതന ആറാം മൈലിലെ മുഅല്ലിമിൻ്റെ വീട്ടിലെത്തി കുടുംബാംഗങ്ങളെആശ്വസിപ്പിക്കുകയും തവാറുസ് ഫണ്ട് കൈ മാറുകയും ചെയ്തു. ടി കെ അബൂബക്കർ മൗലവി , വി.പി ഇബ്റാഹിം ഫൈസി സംബന്ധിച്ചു.
നെല്ലിയമ്പം ജി.എൽ.പി. സ്കൂളിൽ ലഹരി വിരുദ്ധ ബോധവൽക്കരണ സെമിനാർ സംഘടിപ്പിച്ചു
ലഹരിയുടെ വിപത്തിനെതിരെ സമൂഹത്തെ ബോധവൽക്കരിക്കുക എന്ന ലക്ഷ്യത്തോടെ ജി.എൽ.പി.സ്കൂൾ നെല്ലിയമ്പത്തിൽ രക്ഷിതാക്കൾക്കായി "മയങ്ങില്ല കേരളം;ഹരമല്ല ലഹരി" എന്ന പേരിൽ ബോധവൽക്കരണ സെമിനാർ സംഘടിപ്പിച്ചു. വിമുക്തി മിഷൻ, വൈത്തിരി താലൂക്ക് ലീഗൽ സർവീസസ് അതോറിറ്റി,വയനാട് ഡിസ്‌ട്രിക്റ്റ് ലീഗൽ സർവീസസ് അതോറിറ്റി എന്നിവയുടെ സംയുക്ത സഹകരണത്തോടെയാണ് പരിപാടി നടത്തിയത്. ലഹരി വിരുദ്ധ ബോധവൽക്കരണം, കുട്ടികളോട് മാതാപിതാക്കൾ പുലർത്തേണ്ട സമീപനങ്ങൾ എന്നീ വിഷയങ്ങളെ ആസ്പദമാക്കി എക്സൈസ് വിമുക്തി മിഷൻ വയനാട് ജില്ലാ കോർഡിനേറ്റർ എൻ.സി.സജിത്ത്കുമാർ അച്ചൂരാനം ക്ലാസെടുത്തു. വാർഡ് മെമ്പർ എം.കെ.സുചിത്ര ഉദ്ഘാടനം നിർവ്വഹിച്ചു. പി.ടി.എ.പ്രസിഡൻ്റ് എ.സബ്ന അദ്ധ്യക്ഷത വഹിച്ച യോഗത്തിൽ സ്കൂൾ ഹെഡ്മിസ്ട്രസ് കെ.ജി.ഷൈലജ സ്വാഗതം ആശംസിച്ചു.എസ്.എം.സി.അംഗം റസാഖ് ചക്കര, ചെയർമാൻ ഷഫീന, വൈത്തിരി താലൂക്ക് പി.എൽ.വി.മുംതാസ്.സി, എം.പി.ടി.എ.പ്രസിഡൻ്റ് പി.ജാസ്മിൻ,പി.ടി.എ. വൈസ് പ്രസിഡൻ്റ് കെ.എം.ഇസ്മായിൽ, അബ്‌ദുൾ സലാം,വിജി ജോസഫ് എന്നിവർ സംസാരിച്ചു. എസ്.ആർ.ജി. കൺവീനർ ശ്രീജ സൈമൺ ചടങ്ങിന് നന്ദി രേഖപ്പെടുത്തി.
അമ്പലവയൽ സ്കൂളിൽ ലഹരി വിരുദ്ധ ബോധവൽക്കരണ സെമിനാർ സംഘടിപ്പിച്ചു
യുവതലമുറയെ കാർന്നുതിന്നുന്ന ലഹരിക്കെതിരെ കരുത്തുറ്റ പ്രതിരോധം തീർക്കാൻ വിദ്യാർത്ഥികൾ ഒന്നിക്കണമെന്ന ആഹ്വാനവുമായി അമ്പലവയൽ ജി.വി.എച്ച്.എസ്.എസിൽ ലഹരി വിരുദ്ധ ബോധവൽക്കരണ സെമിനാർ സംഘടിപ്പിച്ചു. സ്കൂളിലെ ആന്റി നാർക്കോട്ടിക് ക്ലബ്ബ്, ടീൻസ് ക്ലബ്ബ് എന്നിവയുടെ സംയുക്ത ആഭിമുഖ്യത്തിൽ 'ജീവിതമാണ് ലഹരി' എന്ന മുഖ്യ പ്രമേയത്തിലായിരുന്നു പരിപാടി.സ്കൂൾ ഹെഡ്മിസ്ട്രസ് പി. ഒ.സുമിത ഉദ്ഘാടനം നിർവഹിച്ച ചടങ്ങിൽ സീനിയർ അസിസ്റ്റന്റ് ഷാന്റി ഫ്രാൻസിസ് അധ്യക്ഷത വഹിച്ചു. വിമുക്തി മിഷൻ ജില്ലാ കോർഡിനേറ്റർ എൻ.സി.സജിത്ത്കുമാർ അച്ചൂരാനം മുഖ്യപ്രഭാഷണവും ബോധവൽക്കരണ ക്ലാസും നയിച്ചു.തെറ്റായ ലഹരികളിലേക്ക് വഴിമാറാതെ, ജീവിതത്തിലെ സർഗ്ഗാത്മകതയും വലിയ സ്വപ്നങ്ങളുമാണ് യഥാർത്ഥ ലഹരിയാക്കേണ്ടതെന്ന് അദ്ദേഹം ഓർമ്മിപ്പിച്ചു. ലഹരി മാഫിയകളുടെ കെണികളിൽ വീഴാതിരിക്കാനുള്ള ജാഗ്രതയെക്കുറിച്ചും നിയമവശങ്ങളെക്കുറിച്ചും വിദ്യാർത്ഥികൾക്ക് വിശദമായ മാർഗ്ഗനിർദ്ദേശങ്ങൾ നൽകി.ലഹരിമുക്ത ക്യാമ്പസ് ലക്ഷ്യമിട്ട് വിദ്യാർത്ഥികൾ ചടങ്ങിൽ പ്രതിജ്ഞയെടുത്തു. സ്റ്റാഫ് സെക്രട്ടറി സി.ഷമീറ,എസ്.ആർ.ജി. കൺവീനർമാരായ കെ. എസ്.സജിത,ടി.പി. അജീഷ് കുമാർ,ക്ലബ്ബ് പ്രതിനിധികളായ ഏബൽ ചെറിയാൻ,അലോണ റെജി എന്നിവർ ആശംസകൾ നേർന്നു. ടീൻസ് ക്ലബ്ബ് കൺവീനർ ടി.ഇ.ഹെലന സ്വാഗതവും ആന്റി നാർക്കോട്ടിക് ക്ലബ്ബ് കൺവീനർ കെ. എം.രഘു നന്ദിയും രേഖപ്പെടുത്തി.
എംഡിഎംഎ കേസ്: സ്വകാര്യ ആശുപത്രിയിലെ ഡോക്ടറും അറസ്റ്റിൽ
വയനാട് ലക്കിടിയിൽ 8.520 ഗ്രാം എം.ഡി.എം.എ പിടികൂടിയകേസിൽ മൂന്നാം പ്രതിയായ ഡോക്ടറെ വൈത്തിരി പൊലീസ് അറസ്റ്റ് ചെയ്തു. മലപ്പുറം മൊറയൂർ സ്വദേശി ഡോ. മുഹമ്മദ് ഫാബിൻ (41) ആണ് പിടിയിലായത്.കോഴിക്കോട്ടെ സ്വകാര്യ സൂപ്പർ സ്പെഷാലിറ്റി ആശു പത്രിയിൽ എമർജൻസി ക്രിട്ടിക്കൽ കെയർ വിഭാഗം മേധാവിയായി ജോലി ചെയ്‌തുവരികയായിരുന്നു ഇദ്ദേഹം. കേസുമായി ബന്ധപ്പെട്ട് തമിഴ്‌നാട് എരുമാട് സ്വദേശികളായ നൗഫൽ, മുഹമ്മദ് നസീബ് എന്നിവരെ ഒക്ടോബർ 22ന് വൈത്തിരി പൊലീസ് അറസ്റ്റ് ചെയ്‌തിരുന്നു. തുടർന്ന് നടത്തിയ അന്വേഷണത്തിലാണ് കേസിലെ മൂന്നാം പ്രതിയായ ഡോ. മുഹമ്മദ് ഫാബിനെക്കുറിച്ച് സൂചന ലഭിച്ചത്. കഴിഞ്ഞ ദിവസം കോഴിക്കോട് മണാ ശ്ശേരിയിലെ വാടകവീടിന് സമീപത്തുനിന്ന് വൈത്തിരി സർക്കിൾ ഇൻസ്പെ ക്ടർ രാംജിത്ത് പി.ജി.യുടെ നേതൃത്വത്തിലുള്ള പൊലീസ് സംഘം ഇയാളെ കസ്റ്റഡിയിലെടുക്കുകയായിരുന്നു. തുടർന്ന് അറസ്റ്റ് രേഖപ്പെടുത്തി.
മീനങ്ങാടി സ്കൂൾ വിനോദയാത്ര വിവാദം: വിദ്യാർഥികൾക്കെതിരെ സൈബർ ആക്രമണം; പോക്സോ, ഐ.ടി ആക്ട് പ്രകാരം കേസെടുത്തു
മീനങ്ങാടി സ്കൂൾ വിനോദയാത്രയുമായി ബന്ധപ്പെട്ട വിവാദത്തിന്പിന്നാലെ വിദ്യാർഥികൾക്കെതിരെ സാമൂഹിക മാധ്യമങ്ങളിലൂടെ അശ്ലീല പരാ മർശങ്ങൾ നടത്തിയവർക്കെതിരെ പൊലീസ് കേസെടുത്തു. വിദ്യാർഥികളു ടെ പരാതിയിൽ വയനാട് സൈബർ പൊലീസ് സ്റ്റേഷനിലാണ് പോക്സോ നിയമപ്രകാരവും വിദ്യാർഥികൾക്കെതിരെ സൈബർ ആക്രമണം; പോക്സോ, ഐ.ടി ആക്ട് പ്രകാരം കേസെടുത്തു ഐ.ടി ആക്ട് പ്രകാരവും എഫ്.ഐ.ആർ രജിസ്റ്റർ ചെയ് തത്.വിനോദയാത്രയ്ക്കിടെ പ്രിൻസിപ്പലും, പി.ടി.എ പ്രസിഡന്റും മദ്യപിച്ചെന്ന ആരോപണം ഉയർന്നതോടെയാണ് സംഭവം വിവാദമായത്. ഇതിനു പിന്നാലെ സ്കൂൾ ബസിനുള്ളിൽ നിന്നുള്ള വിദ്യാർഥികളുടെ ദൃശ്യങ്ങളും പ്രതികരണ ങ്ങളുമുൾപ്പെടെ സമൂഹമാധ്യമങ്ങളിൽ വ്യാപകമായി പ്രചരിച്ചിരുന്നു.വിവിധ മാധ്യമങ്ങളും ദൃശ്യങ്ങൾ വാർത്തയാക്കിയിരുന്നു. ഇതിൻ്റെ ചുവടുപിടിച്ച് സമൂഹമാധ്യമങ്ങളിലെ കമൻ്റ് ബോക്‌സുകളിൽ വിദ്യാർഥികളെ ലക്ഷ്യമിട്ട് ചിലർ അശ്ലീലവും അപകീർത്തികരവുമായ പരാമർശങ്ങൾ നടത്തിയെന്നാ ണ് പരാതി. വിദ്യാർഥികളുടെ സ്വകാര്യതയെയും അന്തസ്സിനെയും ബാധിക്കു ന്ന തരത്തിലുള്ള പരാമർശങ്ങൾക്കെതിരെയാണ് പൊലീസ് നടപടി. സംഭവ ത്തിൽ സൈബർ പൊലീസ് അന്വേഷണം ആരംഭിച്ചിട്ടുണ്ട്.
വനിതാ സംരംഭകരുടെ ഉത്പന്നങ്ങള്‍ക്ക് വിപണന സൗകര്യം ഉറപ്പാക്കും: മന്ത്രി ബിന്ദു കൃഷ്ണ വനിതാ വിപണന കേന്ദ്രം മന്ത്രി ഉദ്ഘാടനം ചെയ്തു
വനിതാ സംരംഭകരുടെ ഉത്പന്നങ്ങള്‍ക്ക് വിപണന സൗകര്യം ഉറപ്പാക്കുമെന്ന് വനിതാ-ശിശുവികസന വകുപ്പ് മന്ത്രി ബിന്ദു കൃഷ്ണ. കര്‍ഷകര്‍-സംരംഭകര്‍ എന്നിവരുടെ ഉത്പന്നങ്ങള്‍ക്ക് കൃത്യമായ വിപണന സൗകര്യം ഉറപ്പാക്കുക ലക്ഷ്യമിട്ട് മാനന്തവാടി ബ്ലോക്ക് പഞ്ചായത്ത് ജനകീയാസൂത്രണ പദ്ധതിയിലുള്‍പ്പെടുത്തി നിര്‍മിച്ച വനിതാ വിപണന കേന്ദ്രത്തിന്റെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു മന്ത്രി. കാര്‍ഷിക പ്രാധാന്യവുമുള്ള വയനാട്ടിലെ ജനങ്ങളുടെ ക്ഷേമത്തിനും അതിജീവനത്തിനും ഊന്നല്‍ നല്‍കുന്ന പദ്ധതികള്‍ നടപ്പാക്കാന്‍ സര്‍ക്കാര്‍ പ്രതിജ്ഞാബദ്ധമാണെന്നും മന്ത്രി പറഞ്ഞു. മാനന്തവാടി ബ്ലോക്ക്പഞ്ചായത്ത് പരിസരത്ത് നിര്‍മിച്ച ടേക്ക് എ ബ്രേക്ക് കെട്ടിടം ബ്ലോക്ക് പഞ്ചായത്ത് പ്രസിഡന്റ് മീനാക്ഷി രാമന്‍ ഉദ്ഘാടനം ചെയ്തു. മാനന്തവാടി ബ്ലോക്ക്പഞ്ചായത്ത് പ്രസിഡന്റ് അധ്യക്ഷയായ പരിപാടിയില്‍ തദ്ദേശ സ്വയംഭരണ വകുപ്പ് ജോയിന്റ് ഡയറക്ടര്‍ പി.സി മജീദ്, മാനന്തവാടി നഗരസഭാ വൈസ് ചെയര്‍പേഴ്സണ്‍ സിന്ധു സെബാസ്റ്റ്യന്‍, തവിഞ്ഞാല്‍-വെള്ളമുണ്ട-തൊണ്ടര്‍നാട് ഗ്രാമപഞ്ചായത്ത് അധ്യക്ഷന്മാരായ എം.ജി ബിജു, ഖമര്‍ ലൈല, പ്രമോദ് മാസ്റ്റര്‍, ബ്ലോക്ക് പഞ്ചായത്ത് വൈസ് പ്രസിഡന്റ് സി.പി മൊയ്തീന്‍ ഹാജി, ബ്ലോക്ക് പഞ്ചായത്ത് സ്ഥിരം സമിതി അധ്യക്ഷരായ ഒ.ടി മുഹമ്മദ് ഉനൈസ്, ചിന്നമ്മ ജോസ്, ആസ്യ മൊയ്തു, ജില്ലാ പഞ്ചായത്ത് അംഗങ്ങളായ ജില്‍സണ്‍ തൂപ്പുംകര, ലിയി ജോസ്, ആസൂത്രണ സമിതി ഉപാധ്യക്ഷന്‍ എ പ്രഭാകരന്‍ മാസ്റ്റര്‍, ജനപ്രതിനിധികള്‍, രാഷ്ട്രീയ പാര്‍ട്ടി പ്രതിനിധികള്‍, ഉദ്യോഗസ്ഥര്‍ എന്നിവര്‍ സംസാരിച്ചു.
