ചെവിക്കായം നീക്കം ചെയ്യാനായി ഒന്നെങ്കില് പിന്നിന്റെ പിൻഭാഗം അല്ലെങ്കില് ബഡ്സ് ഉപയോഗിക്കുന്നവരാണ് അധികവും. എന്നാല് ഇത് നല്ലതല്ല. കാരണം, ബഡ്സ് ചെവിക്കുള്ളില് ഇടുമ്പോള് ചെവിക്കായം വീണ്ടും അകത്തേക്ക് നീങ്ങുകയാണ് ചെയ്യുന്നത്. ചെവിക്കായം കൂടുതല് അകത്തേക്ക് പോയാല് അണുബാധ ഉണ്ടാകാനുള്ള സാധ്യത കൂടുതലാണ്. ഇക്കാര്യം അറിയാതെയാണ് പലരും ഇത് ആവർത്തിക്കുന്നത്. ബഡ്സ് ചെവിയില് ഇടുന്നത് കൊണ്ടുള്ള പ്രശ്നങ്ങള് എന്തൊക്കെയെന്ന് നോക്കാം…
കേള്വിക്കുറവ്, ചെവിയില് അണുബാധ എന്നിവയ്ക്കുള്ള സാധ്യത കൂട്ടുന്നു.
ബ്രോക്ക് വരാനും ഇയർ ഡ്രം പൊട്ടാനുമുള്ള സാധ്യതയുണ്ട്.
ചെവിക്കുള്ളിലെ ചർമ്മം വളരെ ലോലമാണ്. അത് കൊണ്ട് തന്നെ ചർമ്മത്തിന് കേടുവരികയോ കേള്വിശക്തിയെ ബാധിക്കുകയോ ചെയ്യാം.
ചില സമയങ്ങളില് ബഡ്സിന്റെ അറ്റം ചെവിക്കുള്ളില് കൊണ്ടിട്ടും ചെവിക്കുള്ളില് മുറിവ് ഉണ്ടാകാനുള്ള സാധ്യതയുണ്ട്.
ഗ്ലസറിൻ, ഹൈഡ്രജൻ പെറോക്സൈഡ്, മിനറല് ഓയില് എന്നിവ ഒന്നോ രണ്ടോ തുള്ളി മാത്രം ചെവിയില് ഒഴിച്ച് കൊടുക്കുക. അല്ലെങ്കില് ഒന്നോ രണ്ടോ തുള്ളി ചെറുചൂടുള്ള വെളിച്ചെണ്ണ ചെവിയില് ഒഴിച്ചും ചെവിക്കായം നീക്കം ചെയ്യാം. ചെവിക്കുള്ളില് നിന്ന് വേദനയോ ദുർഗന്ധമോ വരുന്നുണ്ടെങ്കില് ഡോക്ടറെ കണ്ട് പരിശോധന നടത്തുക.
