തിരുവനന്തപുരം:
ഭാരത് (BH) സീരിസ് പ്രകാരം കേരളത്തില്‍ എവിടെയും വാഹനം രജിസ്റ്റർ ചെയ്യാം. ഹൈക്കോടതിയാണ് രജിസ്ടട്രേഷന് അനുമതി നല്‍കിയത്. ഭാരത് സീരിസ് (BH) പ്രകാരം രജിസ്റ്റർ ചെയ്യുന്ന വാഹനങ്ങള്‍ക്കും കേരള വാഹന നികുതി നിയമ പ്രകാരമുള്ള നികുതിയാണ് ബാധകമെന്ന് ഹൈക്കോടതി വ്യക്തമാക്കി. ഭാരത് സീരീസ് പ്രകാരം വാഹനം രജിസ്റ്റർ ചെയ്യാൻ അനുവദിക്കണമെന്ന് ആവശ്യപ്പെട്ട് സമർപ്പിച്ച ഒരു കൂട്ടം ഹർജികള്‍ അനുവദിച്ചുള്ള ഉത്തരവിലാണ് ജസ്റ്റിസ് ഡി.കെ.സിംഗ് ഇക്കാര്യം വ്യക്തമാക്കിയത്. ഒന്നിലധികം സംസ്ഥാനങ്ങളില്‍ ജോലിചെയ്യേണ്ടിവരുന്നവർക്ക് വ്യത്യസ്ത വാഹന രജിസ്ട്രേഷൻ മൂലമുണ്ടാകുന്ന പ്രയാസം ഒഴിവാക്കാൻ കേന്ദ്രസർക്കാർ അവതരിപ്പിച്ച സംവിധാനമാണ് ബി.എച്ച്‌ രജിസ്ട്രേഷൻ. കേന്ദ്രം നടപ്പാക്കിയ ബി.എച്ച്‌ രജിസ്‌ട്രേഷനുള്ള വാഹനങ്ങള്‍ മറ്റ് സംസ്ഥാനത്തേക്ക് പോകുമ്പോള്‍ വീണ്ടും രജിസ്ട്രേഷൻ ആവശ്യമില്ല. സംസ്ഥാന രജിസ്‌ട്രേഷനുളള വാഹനങ്ങള്‍ ഒരു വർഷത്തിലധികം മറ്റൊരു സംസ്ഥാനത്ത് ഓടിക്കാൻ രജിസ്ട്രേഷൻ മാറ്റേണ്ടതുണ്ട്. ഒരു വാഹനത്തിന് ബി.എച്ച്‌ രജിസ്ട്രേഷൻ എടുത്താല്‍ ഉപയോഗിക്കുന്ന സംസ്ഥാനത്ത് രണ്ടുവർഷത്തെ നികുതി അടച്ചാല്‍ മതി. BH രജിസ്ട്രേഷൻ നടപടികള്‍ സമ്പൂർണമായും ഓണ്‍ലൈനില്‍ തന്നെ ലഭ്യമാകും. ആർടിഒ ഓഫീസുകളില്‍ പോകേണ്ടതില്ലെന്ന് ചുരുക്കം. ഒരു പുതിയ കാർ വാങ്ങുമ്പോള്‍ കാർ വാങ്ങുന്നയാളുടെ പേരില്‍ വാഹൻ പോർട്ടലിലെ ഫോം 20 ഉപയോഗിച്ച്‌ ഡീലർ ഓണ്‍ലൈൻ അപേക്ഷ പൂരിപ്പിക്കും. ഭാരത് സീരീസ് അല്ലെങ്കില്‍ BH സീരീസ് ആയി വാഹനത്തിന്റെ രജിസ്‌ട്രേഷനായി ഡീലർ സീരീസ് തരം തെരഞ്ഞെടുക്കേണ്ടതുണ്ട്. വാഹൻ പോർട്ടലില്‍ ഓണ്‍ലൈൻ അപേക്ഷ പൂരിപ്പിക്കുമ്പോള്‍ ഡീലർ കാർ വാങ്ങുന്നയാള്‍ക്കുള്ള വർക്കിംഗ് സർട്ടിഫിക്കറ്റ് അപ്ലോഡ് ചെയ്യും. വർക്കിംഗ് സർട്ടിഫിക്കറ്റ് രേഖകളില്‍ ഫോം 60 അല്ലെങ്കില്‍ ഔദ്യോഗിക തിരിച്ചറിയല്‍ കാർഡും നല്‍കേണ്ടതുണ്ട്. ഇതിനുപുറമെ ഡീലർ മറ്റ് രേഖകളും സമർപ്പിക്കേണ്ടതുണ്ട്. 2021-ലാണ് ഭാരത് സീരീസ് എന്ന സംവിധാനത്തിനായി കേന്ദ്ര റോഡ് ട്രാൻസ്പോർട്ട് മന്ത്രാലയം വിജ്ഞാപനം ഇറക്കിയത്.ആദ്യം പുതിയ വാഹനങ്ങള്‍ക്ക് മാത്രമാണ് ബി.എച്ച്‌ രജിസ്ട്രേഷൻ അനുവദിച്ചിരുന്നത്. പുതിയ വിജ്ഞാപനം പ്രകാരം പഴയ വാഹനങ്ങള്‍ക്കും ബി.എച്ച്‌ സീരീസില്‍ രജിസ്റ്റർ ചെയ്യാം.
ഒരു അധ്യായന വര്‍ഷത്തില്‍ ഇനി 220 പ്രവര്‍ത്തി ദിനം
ഒരു അധ്യായന വര്‍ഷത്തില്‍ 220 പ്രവര്‍ത്തിദിനം വേണമെന്ന ആവശ്യവുമായി സി.കെ ഷാജി നടത്തിയ നിയമ പോരാട്ടം
