കൽപ്പറ്റ : കേരള സർക്കാരിന്റേയും, സംസ്‌ഥാന സഹകരണ കാർഷിക ഗ്രാമ വികസന ബാങ്കിന്റേയും, പ്രാഥമിക സഹകരണ കാർഷിക ഗ്രാമ വികസന ബാങ്കിന്റേയും സംയുക്‌ത ആഭിമുഖ്യത്തിൽ വൈത്തിരി പ്രാഥമിക സഹകരണ കാർഷിക ഗ്രാമ വികസന ബാങ്ക് ഒറ്റത്തവണ തീർപ്പാക്കൽ പദ്ധതി നടപ്പിലാക്കുന്നു.
വിവിധ കാരണങ്ങളാൽ പദ്ധതിക്ക് അർഹത ഉണ്ടാവുക. ഈ പദ്ധതിയിൽ വായ്‌പ തിരിച്ചടവ് മുടങ്ങി കുടിശിഖയായവർക്ക് 2025 ഫെബ്രുവരി 28 നുള്ളിൽ കുടിശിഖ തീർപ്പാക്കുന്ന അർഹത ലഭിക്കും. പദ്ധതിയുടെ വിശദീകരണത്തിനായി പഞ്ചായത്ത്തല അദാലത്തുകൾ, ബാങ്കിൻ്റെ കൽപ്പറ്റയിലെ ഹെഡ് ഓഫീസ്, മേപ്പാടി, പടിഞ്ഞാറത്തറ ബ്രാഞ്ചുകളിൽ സംഘടിപ്പിക്കും. അദാലത്തിൽ ബാങ്കിൻ്റെ പ്രസിഡണ്ട്, ഡയറക്‌ടർമാർ, സെക്രട്ടറി, സ്പെഷ്യൽ സെയിൽ ആഫീസർ എന്നിവർ സംബന്ധിക്കും. ബാങ്കിൽ നിന്നും വായ്‌പയടുത്ത് കുടിശിഖ വരുത്തിയ അംഗങ്ങൾ ഈ ആനുകൂല്യം പരമാവധി പ്രയോജന പ്പെടുത്തി വായ്‌പ അവസാനിപ്പിക്കണമെന്ന് ബാങ്ക് പ്രസിഡണ്ട്, സെക്രട്ടറി സംയുക്‌ത പ്രസ്‌താവനയിൽ അറിയിച്ചു. കൂടുതൽ വിവരങ്ങൾ ബാങ്കിന്റെ ഹെഡ് ആഫീസ്, ബ്രാഞ്ചുകളിൽ എന്നിവിടങ്ങളിൽ നിന്നും ലഭ്യമാണ്.
