വാഹനം ആവശ്യമുണ്ട്
ജില്ലയിലെ ദുരന്ത നിവാരണ പ്രവര്ത്തനങ്ങള്ക്കായി ജൂലൈ ഒന്ന് മുതല് ഡിസംബര് 31 വരെയുള്ള കാലയളവിലേക്ക് ഫോര് വീല് വാഹനം വാടകയ്ക്ക് എടുക്കുന്നതിന് ക്വട്ടേഷന് ക്ഷണിച്ചു. അഞ്ച് വര്ഷത്തില് താഴെ പഴക്കമുള്ള മലമ്പാതകളിലും വനമേഖലകളിലും സഞ്ചരിക്കാന് കഴിയുന്ന വാഹനമാണ് വേണ്ടത്. ഡ്രൈവര്ക്ക് സാധുവായ ലൈസന്സും ഫോര് വീല് വാഹനങ്ങള് ഓടിക്കാനുള്ള പരിചയവും ഉണ്ടായിരിക്കണം. താത്പര്യമുള്ളവര് കുറഞ്ഞ നിരക്ക് രേഖപ്പെടുത്തിയ ക്വട്ടേഷനുകള് ജൂണ് 30ന് വൈകുന്നേരം അഞ്ചിനകം ചെയര്പേഴ്സണ്, ജില്ലാ ദുരന്ത നിവാരണ അതോറിറ്റി, കളക്ടറേറ്റ്, വയനാട്-673122 എന്ന വിലാസത്തില് സമര്പ്പിക്കണം. ഫോണ്: 04936 204151.
ടെണ്ടര് ക്ഷണിച്ചു
സുല്ത്താന് ബത്തേരി പട്ടികവര്ഗ വികസന ഓഫീസിന് കീഴിലുള്ള 11 പ്രീമെട്രിക് ഹോസ്റ്റലുകളിലെ 583 വിദ്യാര്ത്ഥികള്ക്ക് ചെരിപ്പുകള് വിതരണം ചെയ്യാന് ടെണ്ടറുകള് ക്ഷണിച്ചു. താത്പര്യമുള്ളവര് ജൂണ് 27ന് രാവിലെ 11നകം ടെണ്ടറുകള് സമര്പ്പിക്കണം. ഫോണ്: 04936 221074
ടെണ്ടര് ക്ഷണിച്ചു
സുല്ത്താന് ബത്തേരി പട്ടികവര്ഗ വികസന ഓഫീസിന് കീഴിലുള്ള 11 പ്രീമെട്രിക് ഹോസ്റ്റലുകളിലെ 583 വിദ്യാര്ത്ഥികള്ക്ക് ചെരിപ്പുകള് വിതരണം ചെയ്യാന് ടെണ്ടറുകള് ക്ഷണിച്ചു. താത്പര്യമുള്ളവര് ജൂണ് 27ന് രാവിലെ 11നകം ടെണ്ടറുകള് സമര്പ്പിക്കണം. ഫോണ്: 04936 221074
വിമുക്തഭട ബോധവല്ക്കരണ സെമിനാര്
വയനാട് ജില്ലാ സൈനിക ക്ഷേമ ഓഫീസിന്റെ ആഭിമുഖ്യത്തില് ജൂണ് 29ന് രാവിലെ പത്ത് മണി മുതല് 12വരെ അമ്പലവയല് വ്യാപാരഭവന് ഹാളില് വിമുക്തഭട ബോധവല്ക്കരണ സെമിനാര് സംഘടിപ്പിക്കും. സെമിനാറില് സൈനിക ക്ഷേമ ഓഫീസില് നിന്ന് ലഭ്യമാക്കുന്ന വിവിധ സേവനങ്ങളെക്കുറിച്ച് ക്ലാസ് ഉണ്ടായിരിക്കും. എല്ലാ വിമുക്തഭടന്മാരും സെമിനാറില് പങ്കെടുക്കണമെന്ന് ജില്ലാ സൈനിക ക്ഷേമ ഓഫീസര് അറിയിച്ചു. ഫോണ് - 04936 202668
ക്യാമ്പ് ഫോളോവര് തസ്തികയില് ഒഴിവ്
ജില്ലാ പോലീസ് ഡി എച്ച് ക്യൂ ക്യാമ്പില് ബാര്ബര്, കുക്ക്, വാട്ടര് കാരിയര് എന്നീ ക്യാമ്പ് ഫോളോവര് തസ്തികകളില് നിലവിലുള്ള നല് ഒഴിവുകളിലേക്ക് ദിവസ വേതന അടിസ്ഥാനത്തില് താല്ക്കാലികമായി 59 ദിവസത്തേക്ക് നിയമിക്കുന്നു. ജോലിയില് മുന്പരിചയമുള്ളവര് ജൂണ് 29ന് രാവിലെ 10 മണിക്ക് കല്പ്പറ്റ പുത്തൂര് വയല് എ ആര് ക്യാമ്പില് തിരിച്ചറിയല് രേഖ, പ്രവൃത്തി പരിചയം തെളിയിക്കുന്ന രേഖകള് സഹിതം അഭിമുഖത്തിന് എത്തണം. ഫോണ്- 04936202525
രേഖകള് സമര്പ്പിക്കണം
തൊണ്ടര്നാട് ഗ്രാമപഞ്ചായത്തില് സാമൂഹ്യ സുരക്ഷാ പെന്ഷന് പദ്ധതിയുടെ ഭാഗമായി വരുമാന സര്ട്ടിഫിക്കറ്റും പുനര് വിവാഹിതയല്ലെന്ന സാക്ഷ്യപത്രവും ജൂണ് 30നകം ഹാജരാക്കണമെന്ന് അറിയിച്ചിട്ടും ഇതുവരെ സമര്പ്പിക്കാത്തവര് എത്രയും വേഗം രേഖകള് ഗ്രാമപഞ്ചായത്ത് ഓഫീസില് എത്തിക്കണമെന്ന് സെക്രട്ടറി അറിയിച്ചു. രേഖകള് ഹാജരാക്കാതിരുന്നാല് സാമൂഹ്യ സുരക്ഷാ പെന്ഷന് വിതരണം തടസ്സപ്പെടും.
കാര്ഷിക യന്ത്രോപകരണങ്ങള്ക്ക് ജൂലൈ ഒന്ന് മുതല് അപേക്ഷിക്കാം
കാര്ഷിക മേഖലയില് യന്ത്രവല്ക്കരണം പ്രോത്സാഹിപ്പിക്കുന്നതിന് വേണ്ടി സംസ്ഥാന സര്ക്കാര് കേന്ദ്ര സഹായത്തോടെ നടപ്പിലാക്കി വരുന്ന കാര്ഷിക യന്ത്രവല്ക്കരണ ഉപ പദ്ധതിക്ക് (എസ്.എം.എ.എം) കീഴില് യന്ത്രോപകരണങ്ങള് വാങ്ങാന് അവസരം. കാര്ഷിക യന്ത്രങ്ങളും ഉപകരണങ്ങളും വിളവെടുപ്പാനന്തര, വിള സംസ്കരണ, മൂല്യ വര്ദ്ധിത പ്രവര്ത്തനങ്ങള്ക്കാവശ്യമായ ഉപകരണങ്ങളും യന്ത്രങ്ങളും ഈ പദ്ധതിക്ക് കീഴില് സബ്സിഡിയോടെ ലഭ്യമാവും. വ്യക്തിഗത ഗുണഭോക്താക്കള്ക്ക് 40 മുതല് 50 ശതമാനം വരെ സബ്സിഡി ലഭ്യമാവും. ഈ സാമ്പത്തിക വര്ഷത്തിലെ അപേക്ഷകള് ഓണ്ലൈനായി ജൂലൈ ഒന്ന് രാവിലെ 11 മുതല് http://agrimachinery.nic.in/index എന്ന വെബ്സൈറ്റ് മുഖേന നല്കാം. കര്ഷകരുടെ കൂട്ടായ്മകള്, എസ്.എച്ച്.ജികള് എഫ്.പി.ഒകള്, വ്യക്തികള്, പഞ്ചായത്തുകള് തുടങ്ങിയവയ്ക്ക് കാര്ഷിക യന്ത്രങ്ങളുടെ വാടക കേന്ദ്രങ്ങള് (കസ്റ്റം ഹയറിംഗ് സെന്ററുകള്) സ്ഥാപിക്കുന്നതിന് പദ്ധതി തുകയുടെ 40 ശതമാനം സാമ്പത്തിക സഹായവും യന്ത്രവല്ക്കരണ തോത് കുറവായ പ്രദേശങ്ങളില് യന്ത്രവല്ക്കരണം പ്രോത്സാഹിപ്പിക്കുന്നതിന് ഫാം മെഷിനറി ബാങ്കുകള് സ്ഥാപിക്കുന്നതിന് കര്ഷക ഗ്രൂപ്പുകള്ക്ക് 30 ലക്ഷം രൂപ വരെയുള്ള പദ്ധതിക്ക് പരമാവധി 80 ശതമാനം എന്ന നിരക്കില് 24 ലക്ഷം രൂപ വരെയും സാമ്പത്തിക സഹായം അനുവദിക്കുന്നുണ്ട്. കൂടാതെ എഫ്.ആര്.എ പട്ടയമുള്ള ഗുണഭോക്താക്കള്ക്ക് എല്ലാ കാറ്റഗറിയിലും 90 ശതമാനം വരെയും ആനുകൂല്യങ്ങള് ലഭിക്കും.വ്യക്തിഗത ഗുണഭോക്താക്കള്ക്കുള്ള അപേക്ഷകളില്, അര്ഹരായ അപേക്ഷകരുടെ എണ്ണം അനുവദിച്ചിട്ടുള്ള ലക്ഷ്യത്തേക്കാള് കൂടുതലാകുന്ന സാഹചര്യങ്ങളില്, അഗ്രി മെഷിനറി പോര്ട്ടലില് പുതുതായി ഉള്പ്പെടുത്തിയ ഓണ്ലൈന് നറുക്കെടുപ്പ് മുഖേന ഗുണഭോക്താക്കളുടെ തെരഞ്ഞെടുപ്പ് നടത്തും. അര്ഹതാ മാനദണ്ഡങ്ങള് പാലിക്കുന്ന എല്ലാ അപേക്ഷകര്ക്കും നറുക്കെടുപ്പ് നടപടിയില് പങ്കെടുക്കുന്നതിനുള്ള അവസരം ലഭ്യമാകും. നറുക്കെടുപ്പ് നടപടികളുടെ തീയതി, സമയം, ഫലം എന്നിവ അഗ്രി മെഷിനറി പോര്ട്ടല് മുഖേന പ്രസിദ്ധീകരിക്കും. പദ്ധതി ചിലവ് 10 ലക്ഷം രൂപയില് കൂടുതലാകുന്ന കസ്റ്റം ഹയറിങ് സെന്റര്, ഫാം മെഷിനറി ബാങ്ക് പദ്ധതികള് ക്രെഡിറ്റ് ലിങ്ക്ഡ് ബാക് എന്ഡഡ് ക്യാപിറ്റല് സബ്സിഡി മാതൃകയിലാണ് നടപ്പിലാക്കുന്നത്. അംഗീകൃത ബാങ്കുകളില് നിന്ന് വായ്പ ലഭ്യമാക്കി പദ്ധതി പൂര്ത്തീകരിക്കുന്ന ഗുണഭോക്താക്കള്ക്ക് പദ്ധതി മാര്ഗ്ഗനിര്ദ്ദേശങ്ങള് പ്രകാരമുള്ള സബ്സിഡി ബാക് എന്ഡഡ് ക്യാപിറ്റല് സബ്സിഡിയായി അനുവദിക്കും. പദ്ധതിയെക്കുറിച്ചുള്ള കൂടുതല് വിവരങ്ങള്ക്കും അപേക്ഷിക്കുന്നതിനുള്ള സഹായങ്ങള്ക്കും കണിയാമ്പറ്റ മിലുമുക്കിലുള്ള വയനാട് കൃഷി അസിസ്റ്റന്റ് എക്സിക്യൂട്ടീവ് എഞ്ചിനീയറുടെ ഓഫീസുമായോ കൃഷിഭവനുമായോ ബന്ധപ്പെടാം. ഫോണ്: 9383471924 , 9383471915. ഇ-മെയില്: aeeagriwayanad@gmail.com
അധ്യാപക നിയമനം
പടിഞ്ഞാറത്തറ ഗവ. ഹയർ സെക്കണ്ടറി സ്കൂളിൽ +2 വിഭാഗത്തിൽ നിലവിൽ ഒഴിവുള്ള സോഷ്യോളജി (ജൂനിയർ ) അധ്യാപക തസ്തികയിലേക്ക് ദിവസ വേതനാടിസ്ഥാനത്തിൽ അധ്യാപകരെ നിയമിക്കുന്നതിനുള്ള കൂടിക്കാഴ്ച 06- 07- 2026 തിങ്കളാഴ്ച 2.30 ന് സ്കൂളിൽ വച്ച് നടത്തുന്നു. ഉദ്യോഗാർത്ഥികൾ അസ്സൽ സർട്ടിഫിക്കറ്റുകളുമായി കൃത്യ സമയത്ത് ഹാജരാകണം.
പിക്കപ്പ് വാനും ബൊലേറോയും കൂട്ടിയിടിച്ച് അപകടം ഒരാൾക്ക് പരിക്ക്
സുൽത്താൻ ബത്തേരി മൂലങ്കാവ് 64ൽ രാവിലെ 8:45 ഓടെയാണ് അപകടം. മൈസൂരുവിൽ നിന്നും ബത്തേരി ഭാഗത്തേക്ക് മാങ്ങ കയറ്റി വന്ന പിക്കപ്പ് വാനും എതിരെ വന്ന ബൊലേറോയും കൂട്ടിയിടിക്കുകയായിരുന്നു. പരിക്കേറ്റ പിക്കപ്പ് വാൻ ഡ്രൈവർ ഗുണ്ടൽപേട്ട സ്വദേശി നഞ്ചേഷിനെ ബത്തേരി താലൂക്ക് ആശുപത്രിയിൽ പ്രവേശിപ്പിച്ചു.
പ്രായം തളർത്താത്ത പോരാളി; റൊണാൾഡോയുടെ ഇരട്ട ഗോളിൽ ഉസ്ബെക്കിസ്ഥാനെ തകർത്ത് പോർച്ചുഗൽ
ഗ്രൂപ്പ് കെയിലെ നിർണ്ണായക മത്സരത്തിൽ ഉസ്ബെക്കിസ്ഥാനെ എതിരില്ലാത്ത അഞ്ച് ഗോളുകൾക്ക് തകർത്ത് പോർച്ചുഗൽ. ക്രിസ്റ്റ്യാനോ റൊണാൾഡോയുടെ ഇരട്ട ഗോൾ മികവിലാണ് പോർച്ചുഗലിന്റെ വിജയം. ആദ്യ മത്സരത്തിൽ സമനില വഴങ്ങിയത് കൊണ്ട് തന്നെ ഗ്രൂപ്പ് ചാമ്പ്യാന്മാരെ നിർണയിക്കുന്നതിൽ പ്രാധാന്യമുള്ള ഈ മത്സരത്തിൽ ജയിക്കേണ്ടത് പോർച്ചുഗലിന്റെ സംബന്ധിച്ച് അനിവാര്യമായിരുന്നു. ഇന്നത്തെ ഇരട്ട ഗോളോട് കൂടി ആദ്യ മത്സരത്തിൽ തനിക്ക് കേട്ട പഴികൾക്കെല്ലാമുള്ള മറുപടി കൂടിയാണ് റൊണാൾഡോ നൽകിയിരിക്കുന്നത്. തുടർച്ചയായി ആറ് ലോകകപ്പുകളിൽ ഗോൾ നേടുന്ന താരമെന്ന റെക്കോർഡ് കൂടിയാണ് റൊണാൾഡോ ഇന്ന് സ്വന്തമാക്കിയിരിക്കുന്നത്.തുടക്കം മുതൽ ഉണർന്നുകളിച്ച പോർച്ചുഗൽ മുന്നേറ്റനിര റൊണാൾഡോയിലൂടെ ആറാം മിനിറ്റിൽ തന്നെ ലീഡ് നേടുന്നുണ്ട്. വലതുവിംഗിലൂടെയുള്ള ജാവോ കാൻസലോ നടത്തിയ മുന്നേറ്റത്തിലൂടെ മികച്ചൊരു ക്രോസ് ആയിരുന്നു ബോക്സിലേക്ക് നൽകിയത്. ബോക്സിൽ കൃത്യമായൊരു ഫസ്റ്റ് ടച്ചിലൂടെ റൊണാൾഡോ പന്ത് വലയിലെത്തിച്ചു. പതിനേഴാം മിനിറ്റിൽ നുനോ മെൻഡസ് മനോഹരമായൊരു ഫ്രീകിക്കിലൂടെ പോർച്ചുഗലിന്റെ ലീഡുയർത്തി. മുപ്പത്തിയൊമ്പതാം മിനിറ്റിൽ റൊണാൾഡോ തന്റെ രണ്ടാം ഗോളും നേടി. രണ്ടാം പകുതിയിൽ മൂന്നാം ഗോളിനും വഴിയൊരുക്കിയത് റൊണാൾഡോയുടെ കൃത്യമായ പ്രെസിങ്ങിലൂടെ ലഭിച്ച കോർണർ കിക്കിലൂടെയായിരുന്നു. ബ്രൂണോ ഫെർണാണ്ടസ് നീട്ടിനൽകിയ കോർണർ കിക്ക് റൊണാൾഡോ പോസ്റ്റിലേക്ക് തിരിച്ചുവിടുന്നതിന്റെ ഉസ്ബെക് പ്രതിരോധനിരതാരം നെമട്ടോവിന്റെ ദേഹത്ത് തട്ടി പോസ്റ്റിലേക്ക് കയറി.
ലഹരി വിരുദ്ധ ബോധവത്ക്കരണവും ഗോൾ ചലഞ്ചും സംഘടിപ്പിച്ചു
പുളിഞ്ഞാൽ: അന്താരാഷ്ട്ര ഒളിമ്പിക് ദിനാചരണത്തോടനുബന്ധിച്ച് പുളിഞ്ഞാൽ ഗവ ഹൈസ്കൂളിൽ ലഹരിവിരുദ്ധ ബോധവത്കരണ ക്ലാസ്സും തൂഫാൻ ഗോൾ ചലഞ്ചും സംഘടിപ്പിച്ചു. ലഹരി ഉപയോഗത്തിനെതിരെ വിദ്യാർത്ഥികളിൽ ബോധവത്ക്കരണം നടത്തുക, കായികക്ഷമത പ്രോത്സാഹിപ്പിക്കുക എന്നീ ലക്ഷ്യങ്ങളോടെയാണ് പരിപാടി സംഘടിപ്പിച്ചത്. വിമുക്തി മിഷൻ ജില്ലാ കോ-ഓർഡിനേറ്റർ എൻ.സി.സജിത്ത് കുമാർ അച്ചൂരാനം തൂഫാൻ ഗോൾ ചലഞ്ചും ലഹരി വിരുദ്ധ സെമിനാറും ഉദ്ഘാടനവും ചെയ്തു. സ്കൂൾ ഹെഡ്മിസ്ട്രസ് സ്മിത പി.പൗലോസ് അധ്യക്ഷയായ പരിപാടിയിൽ ലഹരി വിരുദ്ധ പോസ്റ്റർ രചനാ മത്സരത്തിൽ വിജയികൾക്ക് സമ്മാന വിതരണം ചെയ്തു. എസ്.പി.സി ചാർജ് ഓഫീസർ പി.ടി. ഗിരീഷ് ബാബു, വെള്ളമുണ്ട സ്റ്റേഷൻ എ.എസ്.ഐ. സിഡിയ ഐസക്, സീനിയർ സിവിൽ പൊലീസ് ഓഫീസർ കെ.സി.സന്ദീപ്, സിവിൽ പോലീസ് ഓഫീസർ കെ.വിജിത്ത്,സംസാരിച്ചു.സ്കൂൾ കൗൺസിലർ വി.അശ്വതി, വളണ്ടിയർമാർ, വിദ്യാർത്ഥികൾ എന്നിവർ പങ്കെടുത്തു.
ക്വട്ടേഷന് ക്ഷണിച്ചു.
പനമരം ഐ.സി.ഡി.എസ് പ്രൊജക്ടിന് കീഴിലുള്ള പനമരം, കണിയാമ്പറ്റ പഞ്ചായത്തുകളിലെ 74 അങ്കണവാടികളിലെ കുട്ടികള്ക്ക് ആവശ്യമായ മുട്ട വിതരണം ചെയ്യാന് താത്പര്യമുള്ളവരില് നിന്ന് ക്വട്ടേഷന് ക്ഷണിച്ചു. പൂരിപ്പിച്ച ടെണ്ടര് ഫോമുകള് ജൂലൈ എട്ട് ഉച്ചയ്ക്ക് രണ്ടിനകം പനമരം ബ്ലോക്ക് ഓഫീസ് കെട്ടിടത്തിലുള്ള ഐ.സി.ഡി.എസ് പ്രൊജക്ട് ഓഫീസില് ലഭിക്കണം. ഫോണ്: 04935 220282, 9446253635.
വെറ്ററിനറി ഡോക്ടർ നിയമനം
മൃഗസംരക്ഷണ വകുപ്പ് റീബിൽഡ് കേരള പദ്ധതിയുടെ ഭാഗമായി പ്രവർത്തിക്കുന്ന മൊബൈൽ വെറ്ററിനറി യൂണിറ്റുകളിലേക്ക് 89 ദിവസത്തെ കരാർ അടിസ്ഥാനത്തിൽ വെറ്ററിനറി ഡോക്ടറെ നിയമിക്കുന്നു. വെറ്ററിനറി ബിരുദവും കേരള വെറ്ററിനറി കൗൺസിൽ രജിസ്ട്രേഷനുമാണ് യോഗ്യത. താത്പര്യമുള്ളവർ യോഗ്യതാ സർട്ടിഫിക്കറ്റിൻ്റെ അസൽ, പകർപ്പ്, തിരിച്ചറിയൽ രേഖ സഹിതം ജൂൺ 29 ഉച്ചയ്ക്ക് 2.30 ന് കൽപ്പറ്റയിലെ ജില്ലാ മൃഗ സംരക്ഷണ ഓഫീസിൽ അഭിമുഖത്തിന് എത്തണം. ഫോൺ - 04936 202292.
വൈദ്യുതി മുടങ്ങും
പടിഞ്ഞാറത്തറ ഇലക്ട്രിക്കൽ സെക്ഷൻ പരിധിയിലെ ആലക്കണ്ടി, കോടഞ്ചേരി, വാരാമ്പറ്റ, വാരാമ്പറ്റ ഒമ്പതാം മൈൽ എന്നിവിടങ്ങളിലും കാപ്പുണ്ടിക്കൽ ട്രാൻസ്ഫോർമർ പരിധിയിലെ ഡാം റോഡ് ഭാഗം, സ്പിൽവേ ട്രാൻസ്ഫോർമർ പരിധിയിലെ കാപ്പുണ്ടിക്കൽ ഭാഗങ്ങളിലും നാളെ (ജൂൺ 24) രാവിലെ ഒൻപത് മുതൽ വൈകിട്ട് 5.30 വരെ വൈദ്യുതി മുടങ്ങും.
മീഡിയ അക്കാദമി ഫോട്ടോ ജേണലിസം കോഴ്സിലേക്ക് ജൂലൈ 10 വരെ അപേക്ഷിക്കാം
കേരള മീഡിയ അക്കാദമി തിരുവനന്തപുരം, കൊച്ചി സെന്ററുകളില് ഫോട്ടോ ജേണലിസം കോഴ്സിലേക്ക് ജൂലൈ 10 വരെ അപേക്ഷിക്കാം. തിയറിയും പ്രാക്ടിക്കലും ഉള്പ്പെടെ മൂന്നു മാസമാണ് കോഴ്സ് കാലാവധി. ശനി, ഞായര് ദിവസങ്ങളിലാണ് ക്ലാസുകള്. സര്ക്കാര് അംഗീകാരമുളള കോഴ്സിന് 25,000 രൂപയാണ് ഫീസ്. പ്ലസ് ടു യോഗ്യതയുള്ളവര്ക്ക് അപേക്ഷിക്കാം. അപേക്ഷ https://forms.gle/jwJHcMNsQXgJfVN47 ലിങ്ക് മുഖേന ഓൺലൈനായി നല്കാം. ലിങ്ക് അക്കാദമി വെബ്സെറ്റിലും ലഭ്യമാണ്. അപേക്ഷ സ്വീകരിക്കുന്ന അവസാന തീയതി ജൂലൈ 10. ഫോണ്: കൊച്ചി - 0484 2422275, 8281360360, തിരുവനന്തപുരം - 9447225524. വെബ്സൈറ്റ് www.kma.ac.in
ലഹരിക്കെതിരെ 'വൺ മില്യൺ ഗോൾ'; പനമരം ജി.എച്ച്.എസ്.എസിൽ ആവേശോജ്വല സമാപനം
പനമരം: സംസ്ഥാന സർക്കാരിന്റെ ലഹരിവിരുദ്ധ പ്രചാരണത്തിന്റെ ഭാഗമായി സംഘടിപ്പിച്ച 'വൺ മില്യൺ ഗോൾ തൂഫാൻ' ചലഞ്ചിന് പനമരം ഗവ. ഹയർ സെക്കൻഡറി സ്കൂളിൽ ആവേശോജ്വല സമാപനം. സ്കൂളിലെ ചലഞ്ചേഴ്സ് ക്ലബ്ബ്, എസ്.പി.സി, എൻ.എസ്.എസ് എന്നിവരുടെ സംയുക്ത ആഭിമുഖ്യത്തിൽ നടന്ന ക്യാമ്പയിനിൽ, സ്കൂളിലെ മുഴുവൻ വിദ്യാർത്ഥികളെയും കൊണ്ട് ഗോൾ അടിപ്പിച്ചു എന്ന അപൂർവ്വ നേട്ടത്തോടെയാണ് ചലഞ്ച് പൂർത്തിയാക്കിയത്.ദിവസങ്ങളായി സ്കൂൾ ഗ്രൗണ്ടിൽ നടന്ന ആവേശകരമായ മത്സരങ്ങളുടെ ഔദ്യോഗിക സമാപനം വയനാട് ജില്ലാ പഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സൽമാ മോയിൻ അവസാന കിക്ക് എടുത്തുകൊണ്ട് നിർവ്വഹിച്ചു. ചടങ്ങിൽ ജനപ്രതിനിധികളായ റുക്കിയ സലാം, ഷാജഹാൻ കോവ, പ്രിൻസിപ്പൽ, എച്ച് എം, പി.ടി.എ പ്രതിനിധികൾ, വ്യാപാരികൾ. മാധ്യമപ്രവർത്തകർ എന്നിവർ പങ്കെടുത്തു.
സ്പോർട്സ് ക്വിസ് മത്സരം നടത്തി
അന്താരാഷ്ട്ര ഒളിമ്പിക് ദിനാചരണത്തിൻ്റെ ഭാഗമായി കേരള ഒളിമ്പിക് അസോസിയേഷൻ്റെ നിർദ്ധേശാനുസരണം ജില്ലാ ഒളിമ്പിക് അസോസിയേഷൻ്റേയും ബത്തേരി സെൻ്റ് മേരീസ് കോളേജിൻ്റേയും സംയുക്താഭിമുഖ്യത്തിൽ മലനാട് ചാനലിൻ്റെ സഹകരണത്തോടെ ജൂൺ 22 ന് സുൽത്താൻ ബത്തേരി സെൻ്റ് മേരീസ് കോളേജിൽ വെച്ച് കോളേജ് വിദ്യാർത്ഥികൾക്കായി സ്പോർട്സ് ക്വിസ് മത്സരം നടത്തി. ജില്ലയിലെ വിവിധ കോളേജുകളിൽ നിന്നാൽ 12 ൽ അധികം ടീമുകൾ പങ്കെടുത്തു . സെൻ്റ് മേരീസ് കോളേജ് പ്രിൻസിപ്പാൾ ജോർജ് മാത്യു ഉദ്ഘാടനം ചെയ്തു . സെൻ്റ് മേരീസ് കോളേജ് കായിക അദ്ധ്യാപകൻ ഹാരിഷ് കെ.വി സ്വാഗതം പറഞ്ഞു ഒളിമ്പിക് അസോസിയേഷൻ സെക്രട്ടറി സലീം കടവൻ അദ്ധ്യക്ഷത വഹിച്ചു. മലനാട് ചാനൽ എക്സികൂട്ടീവ് ഡയറക്ടർ ഫിറോസ് ബാബു മുഖ്യാതിഥിയായി . സൈക്ലിംഗ് അസോസിയേഷൻ സെക്രട്ടറി സുബൈർ ഇളകുളം, സെൻ്റ് മേരീസ് അദ്ധ്യാപകൻ സുനിൽ ജോൺ , ഒളിമ്പിക് അസോസിയേഷൻ പ്രതിനിധി സതീഷ് കുമാർ എന്നിവർ സംസാരിച്ചു
കുളമ്പുരോഗ പ്രതിരോധ കുത്തിവെപ്പ് ക്യാമ്പെയിൻ ആരംഭിച്ചു
വെള്ളമുണ്ട ഗ്രാമ പഞ്ചായത്ത്, വെറ്ററിനറി ഡിസ്പെൻസറി വെള്ളമുണ്ട എന്നിവയുടെ നേതൃത്വത്തിൽ നടത്തുന്ന കുളമ്പു രോഗ പ്രതിരോധ കുത്തിവെപ്പ് ക്യാമ്പെയിൻ എട്ടാം ഘട്ടം ഉദ്ഘാടനം പഞ്ചായത്ത് പ്രസിഡന്റ് ഖമർ ലൈല നിർവഹിച്ചു. വൈസ് പ്രസിഡന്റ് എം.ലതിക, വികസനകാര്യ സ്റ്റാന്റിംഗ് കമ്മിറ്റി ചെയർപേഴ്സൺ ആത്തിക ടീച്ചർ, മെമ്പർ കെ സി സുധാകരൻ, വെറ്ററിനറി സർജൻ ഡോ ഫഹ്മിദ വി, മറ്റ് ആശുപത്രി ജീവനക്കാർ എന്നിവർ സന്നിഹിതരായി.ജൂൺ 20 മുതൽ ജൂലൈ 14 വരെ യാണ് ക്യാംപെയ്ൻ നടക്കുക.കർഷകരുടെ വീടുകളിൽ ജീവനക്കാർ എത്തി കുത്തിവെപ്പ് നടത്തുകയാണ് ചെയ്യുന്നത്.
വൈദ്യുതി മുടങ്ങും
വെള്ളമുണ്ട ഇലക്ട്രിക്കൽ സെക്ഷന് കീഴിലുള്ള അംബേദ്കർ ട്രാൻസ്ഫോർമർ പരിധിയിലും പള്ളിക്കൽ - കൂവയിൽ റോഡ് ഭാഗത്തും നാളെ (ജൂൺ 23) രാവിലെ 8.30 മുതൽ വൈകുന്നേരം 5.30 വരെ വൈദ്യുതി വിതരണം ഭാഗികമായി തടസ്സപ്പെടും.പടിഞ്ഞാറത്തറ ഇലക്ട്രിക്കൽ സെക്ഷൻ പരിധിയിൽ വൈദ്യുതി ലൈനിൽ അറ്റകുറ്റ പ്രവൃത്തികൾ നടക്കുന്നതിനാൽ പേരാൽ, ടീച്ചർ മുക്ക്, പതിമൂന്നാം മൈൽ ട്രാൻസ്ഫോർമർ പരിധികളിൽ നാളെ (ജൂൺ 23) രാവിലെ രാവിലെ ഒൻപത് മുതൽ വൈകീട്ട് 5:30 വരെയും മീൻമുട്ടി, സെർനിറ്റി എന്നിവിടങ്ങളിൽ രാവിലെ ഒൻപത് മുതൽ ഉച്ചയ്ക്ക് രണ്ട് വരെയും ബപ്പനമല, പന്തിപ്പൊയിൽ എന്നിവടങ്ങളിൽ ഉച്ചയ്ക്ക് ശേഷം രണ്ട് മുതൽ വൈകുന്നേരം 5.30 വരെയും വൈദ്യുതി മുടങ്ങും.
ദുരന്തബാധിതരുടെ ബാങ്ക് വായ്പ: അദാലത്തില് 70 കുടുംബങ്ങള് പങ്കെടുത്തു
മുണ്ടക്കൈ-ചൂരല്മല ഉരുള്പൊട്ടല് ദുരിതബാധിതരുടെ ബാങ്ക് വായ്പകള് എഴുതിത്തള്ളുന്നതുമായി ബന്ധപ്പെട്ട് കളക്ടറേറ്റില് നടക്കുന്ന രണ്ടാംഘട്ട അദാലത്തില് 70 കുടുംബങ്ങള് പങ്കെടുത്തു. ദുരന്തബാധിതരായി സര്ക്കാര് അംഗീകരിച്ച് പ്രസിദ്ധപ്പെടുത്തിയ പുനരധിവാസ അപ്പീല് ലിസ്റ്റില് ഉള്പെട്ട ഗുണഭോക്താക്കളും വാണിജ്യ സ്ഥാപനങ്ങളുമായി ബന്ധപെട്ട പട്ടികയില് ഉള്പെട്ട ഗുണഭോക്താക്കളുമാണ് രണ്ടാംഘട്ട അദാലത്തിൽ പങ്കെടുക്കുന്നത്. ജൂണ് 24 വരെ കളക്ട്രേറ്റ് റൗണ്ട് കോണ്ഫറന്സ് ഹാളിൽ അദാലത്ത് നടക്കും.അദാലത്തിൽ നേരിട്ട് വരാന് ബുദ്ധിമുട്ടുള്ളവരുടെ വിശദാംശങ്ങള് ക്യാമ്പില് വരുന്ന മറ്റ് കുടുംബാംഗങ്ങള് കൊണ്ടുവരേണ്ടതാണ്. ദുരന്തബാധിതര്ക്ക് 2024 ജൂലൈ 30 നുണ്ടായിരുന്ന ലോണ് സംബന്ധിച്ച വിവരങ്ങളുടെ രേഖകള് ( ബാങ്ക് ലോണ് സ്റ്റേറ്റ്മെന്റ്റ്/ പാസ്സ് ബുക്ക് ) നിര്ബന്ധമായും കൊണ്ടുവരണം. മരണപ്പെട്ടവരുടെ ലോണ് സംബന്ധിച്ച വിവരങ്ങള് ജീവിച്ചിരിക്കുന്ന മറ്റ് അടുത്ത ബന്ധുക്കള് ലഭ്യമാക്കണം. ആധാര്/ തിരിച്ചറിയല് രേഖ, റേഷന് കാര്ഡ്, ലോണ് അക്കൗണ്ട് പാസ് ബുക്ക്, ലോണ് തുക രേഖപ്പെടുത്തിയ ലോണ് സ്റ്റേറ്റ്മെന്റ് എന്നിവയുടെ പകര്പ്പ് അദാലത്തില് കൊണ്ടുവരണം.
