മാനന്തവാടി :
രോഗവും പ്രായാധിക്യവും തളർത്തിയവർക്ക് ആശ്വാസത്തിൻ്റെയും ആനന്ദത്തിൻ്റേയും വേദിയായി മാനന്തവാടി പഴശ്ശി പാർക്കിലെ രോഗീ ബന്ധു സംഗമം.
എടവക ഗ്രാമ പഞ്ചായത്തിന്റെ വാർഷിക പദ്ധതിയുടെ ഭാഗമായാണ് ‘കൂടെയുണ്ട് എടവക’ എന്ന പേരിൽ പരിപാടി സംഘടിപ്പിച്ചത്.
എടവക ഗ്രാമപഞ്ചായത്ത് കുടുംബാരോഗ്യ കേന്ദ്രത്തിൻ്റെ നേതൃത്വത്തിൽ നടത്തിയ പരിപാടിയിൽ പഞ്ചായത്തിൻ്റെ വിവിധഭാഗങ്ങളിലുള്ള കിടപ്പു രോഗികളും അവരുടെ ബന്ധുക്കളും പങ്കെടുത്തു. രോഗികളുടെയും ബന്ധുക്കളുടെയും സംഘാടകരുടെയും കലാപരിപാടികൾ, അനുഭവങ്ങൾ പങ്കു വെക്കൽ, സ്നേഹവിരുന്ന്, ഉപഹാര സമർപ്പണം തുടങ്ങിയവ നടന്നു. സന്നദ്ധപ്രവർത്തകരുടെ നേതൃത്വത്തിൽ വാഹനങ്ങൾ രോഗികളുടെ വീട്ടിലേക്ക് അയച്ച് അവരെയും കൂട്ടിരിപ്പ് കാരെയും രാവിലെ പഴശ്ശി പാർക്കിൽ എത്തിക്കുകയായിരുന്നു. വൈകിട്ടോടെ തിരികെ വീട്ടിലും എത്തിച്ചു. രോഗികൾക്ക് പാർക്കിലെ വിവിധ സ്ഥലങ്ങൾ സന്ദർശിക്കാനും അവസരമൊരുക്കി. സുമസ്ക്കരായ ആളുകളോടൊപ്പം സമയം ചിലവഴിക്കാനും കലാവിരുന്ന് ആസ്വദിക്കാനും പാർക്ക് സന്ദർശിക്കാനും കഴിഞ്ഞത് രോഗികൾക്ക് ഏറെ ആഹ്ലാദകരമായി.
ഡി.പി.എം. ഡോ.സമീഹ സെയ്തലവി സംഗമം ഉദ്ഘാടനം ചെയ്തു. എടവക ഗ്രാമപഞ്ചായത്ത് പ്രസിഡൻ്റ് അഹമ്മദ് കുട്ടി ബ്രാൻ അധ്യക്ഷത വഹിച്ചു. ഉപഹാര വിതരണം ബ്ലോക്ക് പഞ്ചായത്ത് പ്രസിഡന്റ് ജസ്റ്റിൻ ബേബി ഉദ്ഘാടനം ചെയ്തു. പഞ്ചായത്ത് വൈസ് പ്രസിഡൻറ് ഗിരിജ സുധാകരൻ, വികസന സ്റ്റാൻഡിങ് കമ്മിറ്റി ചെയർമാൻ വിനോദ് തോട്ടത്തിൽ,ഗ്രാമപഞ്ചായത്ത്ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ശിഹാബ് ആയാത്ത്, എടവക എഫ്. എച്ച്.സി. മെഡിക്കൽ ഓഫീസർ ഡോ. കെ.സി. പുഷ്പ, ജില്ലാ പഞ്ചായത്ത് അംഗം കെ. വിജയൻ, ജില്ലാ പാലിയേറ്റീവ് കോർഡിനേഷൻ കമ്മിറ്റി പ്രസിഡൻ്റ് അസൈനാർ പനമരം, പഞ്ചായത്ത് അംഗങ്ങളായ എച്ച്.ബി. പ്രദീപ്, എംപി. വത്സൻ എന്നിവർ പ്രസംഗിച്ചു. പാലിയേറ്റീവ് വൊളണ്ടിയർമാർ, ദ്വാരക ഗവ പോളിടെക്നിക്കിലെ എൻ എസ് എസ് വളണ്ടിയർമാർ, ആശാവർക്കർമാർ, കുടുംബാരോഗ്യ കേന്ദ്രത്തിലെ ജീവനക്കാർ, ജനപ്രതിനിധികൾ തുടങ്ങിയവർ നേതൃത്വം നൽകി.
എടവക പാലിയേറ്റീവ് യൂണിറ്റിന് വീൽചെയറുകൾ നൽകിയ അസ്മ പായോട് ,ആലിയ കമ്മോം, പാലിയേറ്റീവ് രോഗീബന്ധു സംഗമത്തിന് വർഷങ്ങളായി ഭക്ഷണം നൽകിവരുന്ന ദ്വാരക മന്ന ഹോട്ടൽ ഉടമ ബിജു എന്നിവരെ ചടങ്ങിൽ ആദരിച്ചു. സംഗമത്തിനെത്തിയ എല്ലാ രോഗികൾക്കും ഉപഹാരം നൽകി ആദരിച്ചു. പഞ്ചായത്തിലെ എല്ലാ വിദ്യാഭ്യാസ സ്ഥാപനങ്ങളും പാലിയേറ്റീവ് പരിചരണ വിഭാഗത്തിന് നൽകുന്ന തുക ചടങ്ങിൽ വച്ച് കൈമാറി.
ഗ്യാസ് ട്രബിളിനുള്ള ഈ മരുന്നുകള് പതിവായി കഴിക്കുന്നവരാണോ? കാത്തിരിക്കുന്നത് വലിയ ആരോഗ്യ പ്രശ്നങ്ങൾ
അസിഡിറ്റിയും ഗ്യാസ് ട്രബിളും മൂലമുള്ള പ്രശ്നങ്ങള് ഓരോ തവണ ഉണ്ടാകുമ്പോഴും അതിനുള്ള മരുന്നുകള് അടിക്കടി കഴിക്കുന്നവരുണ്ട്. ഈ മരുന്നുകള് അസിഡിറ്റിയുടെയുടെയും ഗ്യാസിന്റെയും ലക്ഷണങ്ങളെ ലഘൂകരിക്കുമെങ്കിലും മറുവശത്ത് അവ ആരോഗ്യത്തെ വഷളാക്കും. ഏതൊക്കെ മരുന്നുകളാണ് ദോഷകരം
