കുടുംബശ്രീ മിഷൻ നോർക്കയുമായി ചേർന്ന് നടപ്പിലാക്കുന്ന പ്രവാസി ഭദ്രതാ (പേൾ) പദ്ധതിയുടെ ഭാഗമായി വിദേശത്തു നിന്നും തൊഴിൽ നഷ്ടപ്പെട്ട് വരുന്ന എല്ലാ പ്രവാസി പൗരന്മാർക്കും ഇനി മുതൽ വായ്പ ലഭ്യമാകും. കോവിഡ് പശ്ചാത്തലത്തിൽ തൊഴിൽ നഷ്ടപ്പെട്ട് തിരികെയെത്തിയ പ്രവാസികൾക്ക് മാത്രമായിരുന്നു ഇതുവരെ ഈ പദ്ധതി പ്രകാരം സ്വയം തൊഴിൽ വായ്പ അനുവദിച്ചിരുന്നത്.
ജില്ലയിൽ ഇതുവരെ 400 പേർക്ക് പ്രവാസി ഭദ്രത പദ്ധതി പ്രകാരം 7 കോടി രൂപ കുടുംബശ്രീ മിഷൻ മുഖേന വിതരണം ചെയ്തു.
എന്നാൽ ജില്ലാ മിഷനിൽ നിലവിൽ ആദ്യഘട്ട ഫണ്ട് നൽകി രണ്ടാം ഘട്ട ഫണ്ട് നൽകുന്നതിനായി അപേക്ഷ ലഭിച്ചിട്ടുള്ള മുഴുവൻ അപേക്ഷകരെയും, നിലവിൽ പുതിയ അപേക്ഷ നൽകിയിട്ടുള്ള യോഗ്യതയുള്ള എല്ലാ അപേക്ഷകരെയും പരിഗണിച്ച ശേഷം മാത്രമേ മറ്റുള്ളവരെ പരിഗണിക്കുകയുള്ളു എന്ന് ജില്ലാ മിഷൻ കോ ഓർഡിനേറ്റർ പി.കെ ബാലസുബ്രഹ്മണ്യൻ അറിയിച്ചു. അപേക്ഷ സംബന്ധിച്ച വിവരങ്ങൾക്ക് അതാത് സി.ഡി.എസ് ഓഫീസുമായോ ജില്ലാ മിഷനുമായോ ബന്ധപ്പെടാവുന്നതാണ്.
നിധി ആപ്കെ നികാത്ത് 27ന്
എംപ്ലോയീസ് പ്രൊവിഡന്റ് ഫണ്ട് ഓര്ഗനൈസേഷനും എംപ്ലോയീസ് സ്റ്റേറ്റ് ഇന്ഷുറന്സ് കോര്പ്പറേഷനും സംയുക്തമായി വിവരങ്ങള് കൈമാറുന്നതിനും പരാതികള് പരിഹരിക്കുന്നതിനുമായി നിധി ആപ്കെ നികാത്ത് എന്ന പേരില് ജില്ലാ ബോധവത്കരണ ക്യാമ്പും ഔട്ട് റീച്ച് പ്രോഗ്രാമും സംഘടിപ്പിക്കുന്നു.
