മീറ്റര് ഇടാതെ അമിത ചാര്ജ് ഈടാക്കി നിരത്തിലോടുന്ന ഓട്ടോറിക്ഷക്കാര്ക്കെതിരെ നടപടി തുടങ്ങി മോട്ടോര് വാഹന വകുപ്പ്. ഓട്ടോറിക്ഷകളില് മീറ്റര് പ്രവര്ത്തിപ്പിക്കുന്നുണ്ടെന്ന് ഉറപ്പാക്കാന് മോട്ടോര്വാഹന വകുപ്പ് മാര്ച്ച് 1 മുതല് പ്രത്യേക പരിശോധന നടത്തിവരികയാണ്. ഇതിന്റെ ഭാഗമായി വിവിധ ജില്ലകളിൽ നടത്തിയ പരിശോധനയില് നിരവധി ഓട്ടോകള് കുടുങ്ങി. പരിശോധന നടത്തിയ ആദ്യ ദിനത്തില് നിരവധി ഓട്ടോറിക്ഷകള്ക്കെതിരെ നടപടി സ്വീകരിച്ചു. മീറ്ററിടാത്തതിന് 250 രൂപയും ഫിറ്റ്നസ് സര്ട്ടിഫിക്കറ്റ് ഇല്ലാത്തവയ്ക്ക് 2000 രൂപയും പിഴയീടാക്കി. 10 ഓട്ടോറിക്ഷകളില് മീറ്ററുണ്ടായിരുന്നെങ്കിലും പ്രവര്ത്തിപ്പിച്ചിരുന്നില്ല. ചില ഓട്ടോറിക്ഷകള്ക്ക് ഫിറ്റ്നസ് സര്ട്ടിഫിക്കറ്റ് ഉണ്ടായിരുന്നില്ല. നിയമലംഘനം തുടര്ന്നാല് ഫിറ്റ്നസ് റദ്ദ് ചെയ്യുന്നത് അടക്കമുള്ള കര്ശന നടപടി സ്വീകരിക്കുമെന്ന് മോട്ടോർ വാഹന വകുപ്പ് മുന്നറിയിപ്പ് നൽകി. ഓട്ടോറിക്ഷകൾ ഓടിക്കുമ്പോള് ഫെയര്മീറ്റര് പ്രവര്ത്തിച്ചില്ലെങ്കില് ‘സൗജന്യയാത്ര’ എന്ന സ്റ്റിക്കര് പതിപ്പിച്ചിരുന്നെന്ന് ഉറപ്പാക്കിയതായും മോട്ടോർ വാഹന വകുപ്പ് പറഞ്ഞു. മീറ്റര് പ്രവര്ത്തിപ്പിക്കാതെ അമിത ചാര്ജ് ഈടാക്കുന്നതും ഇതിനെത്തുടര്ന്നുള്ള വാക്കുതര്ക്കങ്ങളും ഒഴിവാക്കാന് സംസ്ഥാനതല തീരുമാനങ്ങളുടെ ഭാഗമായാണ് നടപടി തുടങ്ങിയത്. ടൗണില് മീറ്റര് പ്രവര്ത്തിക്കാതെ ഓടിയ ഓട്ടോക്കാരോട് ഇതിനെക്കുറിച്ച് ചോദിച്ചപ്പോള് യാത്രകള് കുറവായതിനാല് മീറ്ററിട്ട് ഓടുന്നത് ബുദ്ധിമുട്ടാണെന്ന മറുപടിയാണ് ലഭിക്കുന്നതെന്ന് യാത്രക്കാര് പറഞ്ഞു. മീറ്ററിടാത്ത ഓട്ടോറിക്ഷകള്ക്കെതിരെ യാത്രക്കാരുടെ പരാതിയിലും നടപടിയെടുക്കും. മീറ്ററിടാതെ സഞ്ചരിക്കുന്ന ഓട്ടോറിക്ഷയുടെ വീഡിയോയോ ഫോട്ടോയോ സഹിതം യാത്രക്കാര്ക്ക് അതാത് ജോ: ആര്ടിഒമാരുടെ നമ്പറുകളില് പരാതിപ്പെടാം. അതേസമയം, ഓട്ടോറിക്ഷയില് മീറ്റര് പ്രവര്ത്തിപ്പിച്ചില്ലെങ്കില് സൗജന്യ യാത്ര എന്ന സ്റ്റിക്കര് പതിപ്പിച്ച് സര്വീസ് നടത്താന് തയ്യാറല്ലെന്നാണ് യുണിയനുകളുടെ നിലപാട്. ഓട്ടോറിക്ഷകളില് സ്റ്റിക്കര് പതിപ്പിക്കേണ്ടെന്നാണ് സംയുക്ത തൊഴിലാളി യൂണിയന്റെ തീരുമാനം. മീറ്ററിടുന്നതിന് എതിരല്ല. എന്നാല് മീറ്ററിട്ടില്ലെങ്കില് പണം കൊടുക്കേണ്ട എന്ന രീതിയോട് എതിര്പ്പാണെന്ന് ഓട്ടോറിക്ഷാ തൊഴിലാളികള് പറയുന്നു. സ്റ്റിക്കര് പതിപ്പിക്കാന് എതിരാണെന്നും അതിന് ബുദ്ധിമുട്ടുണ്ടെന്നും അവര് വ്യക്തമാക്കുന്നു.
കേരളത്തിലേക്കടക്കം കൂടുതൽ വിമാന സർവീസുകൾ; ആഗോളതലത്തിൽ പ്രവർത്തനം വ്യാപിപ്പിക്കാനൊരുങ്ങി യുഎഇ എയർലൈനുകൾ
അബുദാബി: പശ്ചിമേഷ്യയിലെ സംഘർഷാവസ്ഥക്ക് അയവ് വന്നതോടെ സർവീസുകൾ പൂർണതോതിൽ പുനഃസ്ഥാപിക്കാൻ ഒരുങ്ങി യുഎഇയിലെ പ്രമുഖ വിമാനക്കമ്പനികൾ. എമിറേറ്റ്സ്, ഇത്തിഹാദ്, ഫ്ലൈ ദുബായ്, എയർ അറേബ്യ ഉൾപ്പെടെയുള്ളവ സർവീസുകള് വർധിപ്പിച്ചിട്ടുണ്ട്. ഈ മാസം ആദ്യം 250
