രാജ്യത്തെ ഏറ്റവും വലിയ തിരിച്ചറിയല് രേഖയാണ് ആധാർ കാർഡ്. പാൻ കാർഡ്, ഡ്രൈവിംഗ് ലൈസൻസ്, വോട്ടർ ഐ.ഡി, റേഷൻ കാർഡ് തുടങ്ങിയ രേഖകളെല്ലാം ആധാറുമായി ബന്ധിപ്പിക്കണം. ഇതിനു പുറമേ ഇപ്പോള് സ്വകാര്യ എല്പിജി വിതരണക്കാർക്കും പബ്ലിക്ക് എല്പിജി വിതരണക്കാർക്കും അവരുടെ കണക്ഷനുമായി ആധാർ കാർഡ് ബന്ധിപ്പിക്കാൻ സർക്കാർ നിർദ്ദേശം നല്കിയിട്ടുണ്ട്. സബ്സിഡി വിതരണത്തില് സുതാര്യത ഉറപ്പാക്കുന്നതിനും മറ്റു രീതിയില് ആനുകൂല്യങ്ങള് ദുരുപയോഗം ചെയ്യുന്നത് തടയുന്നതിനുമാണ് പുതിയ നിർദ്ദേശം. ആധാറിനെ എല്പിജി കണക്ഷനുമായി ബന്ധിപ്പിക്കുന്നതിലൂടെ, ഉപഭോക്താക്കള്ക്ക് അവരുടെ ബാങ്ക് അക്കൗണ്ടുകളിലേക്ക് നേരിട്ട് ആനുകൂല്യങ്ങള് സ്വീകരിക്കാൻ കഴിയും. ആധാർ കാർഡ് എല്പിജി കണക്ഷനുമായി ബന്ധിപ്പിക്കുന്നതിന്റെ ഗുണങ്ങള്…
തട്ടിപ്പുകള് തടയുന്നു
ഉടമയുടെ ഐഡന്റിറ്റി സുരക്ഷിതമാക്കുന്നു
തെറ്റായ അവകാശവാദങ്ങളെ തടയുന്നു
ഡെലിവറിയുടെ കൃത്യത വർദ്ധിപ്പിക്കുന്നു
സബ്സിഡി ക്ലെയിമുകള് ലളിതമാക്കുന്നു
ആധാർ കാർഡ് എല്പിജി കണക്ഷനുമായി എങ്ങനെ ബന്ധിപ്പിക്കാം..?
1) യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യയുടെ (UIDAI) ഔദ്യോഗിക വെബ്സൈറ്റ് സന്ദർശിച്ച് ആവശ്യമായ വിവരങ്ങള് പൂരിപ്പിക്കുക.
2) ബെനിഫിറ്റ് ടൈപ്പ്’ സെക്ഷനില് ‘LPG’ തിരഞ്ഞെടുത്ത് ഉചിതമായ സ്കീം തിരഞ്ഞെടുക്കുക (ഇത് നിങ്ങളുടെ എല്പിജി വിതരണക്കാരെ അടിസ്ഥാനമാക്കിയാണ്).
3) ലിസ്റ്റില് നിന്ന് നിങ്ങളുടെ LPG വിതരണക്കാരന്റെ പേര് തിരഞ്ഞെടുത്ത് നിങ്ങളുടെ LPG ഉപഭോക്തൃ നമ്പർ സമർപ്പിക്കുക.
4) മൊബൈല് നമ്പർ, ഇ-മെയില്, ആധാർ കാർഡ് തുടങ്ങിയ നിങ്ങളുടെ വ്യക്തിഗത വിവരങ്ങള് നല്കണം. ആവശ്യമായ വിശദാംശങ്ങള് നല്കിയ ശേഷം, ‘സബ്മിറ്റ്’ ബട്ടണ് ക്ലിക്ക് ചെയ്യുക.
5) നിങ്ങളുടെ രജിസ്റ്റർ ചെയ്ത മൊബൈല് നമ്പറിലും ഇമെയിലിലും ഒടിപി ലഭിക്കും. ലിങ്കിംഗ് പ്രക്രിയ പൂർത്തിയാക്കാൻ അത് ടൈപ്പ് ചെയ്യുക.
6) OTP സമർപ്പിച്ച ശേഷം, നിങ്ങളുടെ വിവരങ്ങള് കൂടുതല് പരിശോധനയ്ക്കായി അംഗീകൃത ഉദ്യോഗസ്ഥർക്ക് അയക്കും. നിങ്ങളുടെ വിവരങ്ങള് പരിശോധിച്ചുറപ്പിച്ചു കഴിഞ്ഞാല്, നിങ്ങളുടെ രജിസ്റ്റർ ചെയ്ത മൊബൈല് നമ്പറിലും ഇമെയിലിലും ഒരു അറിയിപ്പ് ലഭിക്കും.
ഓഫ്ലൈൻ ആപ്ലിക്കേഷൻ വഴി ആധാർ എല്പിജിയുമായി ബന്ധിപ്പിക്കല്
1) നിങ്ങളുടെ എല്പിജി വിതരണക്കാരന്റെ ഔദ്യോഗിക വെബ്സൈറ്റില് നിന്ന് സബ്സിഡി അപേക്ഷാ ഫോം ഡൗണ്ലോഡ് ചെയ്യുക. അല്ലെങ്കില് നിങ്ങളുടെ അടുത്തുള്ള എല്.പി.ജി ഓഫീസില് നിന്ന് ഫോം വാങ്ങുക.
2) ഈ ഫോമില് ആവശ്യമായ വിവരങ്ങള് പൂരിപ്പിക്കുക.
3) പൂരിപ്പിച്ച ഫോമും ആവശ്യ രേഖകളും നിങ്ങളുടെ അടുത്തുള്ള എല്പിജി വിതരണക്കാരന്റെ ഓഫീസില് സമർപ്പിക്കുക.
പോസ്റ്റ് വഴി ആധാർ എല്പിജിയുമായി ബന്ധിപ്പിക്കല്
തപാല് വഴി രേഖകള് സമർപ്പിക്കാൻ താല്പര്യമുള്ളവർക്ക്, ഔദ്യോഗിക വെബ്സൈറ്റില് നിന്ന് ഫോം ഡൗണ്ലോഡ് ചെയ്യാം. ആവശ്യമായ വിവരങ്ങള് പൂരിപ്പിച്ച് സമർപ്പിക്കാവുന്നതാണ്.
കോള് സെന്റർ വഴി ആധാർ എല്പിജിയുമായി ബന്ധിപ്പിക്കാം..
നിങ്ങള്ക്ക് 18000-2333-555 എന്ന ടോള് ഫ്രീ നമ്പറില് വിളിച്ച് ഒരു ഓപ്പറേറ്ററുമായി ബന്ധപ്പെടാം. ആ വ്യക്തി ലിങ്കിംഗ് പ്രക്രിയയെ കുറിച്ച് വിശദമായി വ്യക്തമാക്കും.
എസ്എംഎസ് വഴി ആധാർ എല്പിജിയുമായി ബന്ധിപ്പിക്കാം…
നിങ്ങളുടെ മൊബൈല് നമ്പറില് നിന്ന് ഒരു എസ്എംഎസ് അയച്ചുകൊണ്ട് ലിങ്കിംഗ് പ്രക്രിയ പൂർത്തിയാക്കാൻ കഴിയും. ആദ്യം, നിങ്ങളുടെ മൊബൈല് നമ്പർ ബന്ധപ്പെട്ട എല്പിജി കണക്ഷനുമായി രജിസ്റ്റർ ചെയ്തിട്ടുണ്ടെന്ന് ഉറപ്പാക്കുക. തുടർന്ന് ആ രജിസ്റ്റർ ചെയ്ത മൊബൈല് നമ്പറില് നിന്ന് ആധാർ ലിങ്കിംഗ് സംബന്ധിച്ച് ഒരു എസ്എംഎസ് അയക്കുക. ലിങ്കിംഗ് പ്രക്രിയയ്ക്ക് സർക്കാർ ഇതുവരെ പ്രത്യേക സമയപരിധി നിശ്ചയിച്ചിട്ടില്ല. പക്ഷേ സബ്സിഡി പ്രക്രിയ ലളിതമാക്കുന്നതിനും തട്ടിപ്പ് ക്ലെയിമുകള് തടയുന്നതിനും നിങ്ങളുടെ ആധാർ കാർഡ് എല്പിജി കണക്ഷനുമായി വേഗം ലിങ്ക് ചെയ്യുന്നതാണ് ഉചിതം.
