ഇന്ത്യയില് ഹൃദയാഘാതം വർധിച്ചുവരികയാണ്. പ്രായമായവരെ മാത്രമല്ല, യുവാക്കളെയും കൂടുതലായി ബാധിക്കുന്നു. ഹൃദയാഘാതം തടയാൻ ആരോഗ്യകരമായ ജീവിതശൈലി പിന്തുടരേണ്ടതുണ്ട്. ശരിയായ ഭക്ഷണക്രമവും ജീവിതശൈലിയിലെ മാറ്റങ്ങളും ഹൃദയാഘാതം തടയാൻ സഹായിക്കും. ഹൃദയാഘാതം തടയാൻ സഹായിക്കുന്ന അഞ്ച് ജീവിതശൈലി മാറ്റങ്ങള് ഇവയാണ്.
1) പ്രോസസ്ഡും ജങ്ക് ഫുഡുകളും ഒഴിവാക്കുക
അനാരോഗ്യകരമായ കൊഴുപ്പുകള്, പഞ്ചസാര, പ്രിസർവേറ്റീവുകള് എന്നിവയാല് നിറഞ്ഞിരിക്കുന്ന ജങ്ക് ഫുഡുകള്, ഹൃദ്രോഗത്തിനുള്ള പ്രധാന അപകട ഘടകങ്ങളായ വീക്കം, ഉയർന്ന കൊളസ്ട്രോള് എന്നിവയ്ക്ക് കാരണമാകുന്നു. ഇതിനു പകരം, പഴങ്ങള്, പച്ചക്കറികള്, ധാന്യങ്ങള് എന്നിവ ഭക്ഷണത്തില് ഉള്പ്പെടുത്തുന്നത് ഹൃദയാരോഗ്യത്തിന് സഹായിക്കുന്ന അവശ്യ പോഷകങ്ങള് നല്കുകയും ഹൃദയ സംബന്ധമായ പ്രശ്നങ്ങള്ക്കുള്ള സാധ്യത കുറയ്ക്കുകയും ചെയ്യും.
2) മതിയായ ഉറക്കം
ശരീര ആരോഗ്യത്തിന് ഏറ്റവും പ്രധാനപ്പെട്ട ഘടകങ്ങളിലൊന്നാണ് ഉറക്കം. ഹൃദയാരോഗ്യം നിലനിർത്തുന്നതില് ഉറക്കത്തിന്റെ പ്രാധാന്യം ആരോഗ്യ വിദഗ്ധർ ഊന്നിപ്പറയാറുണ്ട്. ആവശ്യത്തിന് ഉറക്കം ലഭിക്കാത്തത് ഉയർന്ന രക്തസമ്മർദ്ദത്തിനും ഹൃദ്രോഗ സാധ്യതയ്ക്കും കാരണമാകും. ഓരോ രാത്രിയും ഏഴ് മുതല് എട്ട് മണിക്കൂർ വരെ ഉറങ്ങുന്നത് ഹൃദയാഘാത സാധ്യത കുറയ്ക്കും.
3) സമ്മർദ്ദവും വികാരങ്ങളും നിയന്ത്രിക്കുക
സമ്മർദം ഹൃദയാരോഗ്യത്തെ ദോഷകരമായി ബാധിക്കുകയും രക്തസമ്മർദം വർദ്ധിപ്പിക്കുകയും വീക്കം ഉണ്ടാക്കുകയും ചെയ്യും. യോഗ, ധ്യാനം, മൈൻഡ്ഫുള്നെസ്സ് തുടങ്ങിയ മാർഗ്ഗങ്ങളിലൂടെ സമ്മർദ്ദം നിയന്ത്രിക്കുന്നത് ഹൃദയത്തെ സംരക്ഷിക്കും. ശാരീരിക പ്രവർത്തനങ്ങളിലൂടെയോ ഹോബികളില് ഏർപ്പെടുന്നതിലൂടെയോ വികാരങ്ങളെ നേരിടാൻ ആരോഗ്യകരമായ വഴികള് കണ്ടെത്തേണ്ടതും പ്രധാനമാണ്.
4) വിറ്റാമിൻ ബി 12-ന്റെ അളവ് നിരീക്ഷിക്കുക
ഹൃദയാഘാതം തടയുന്നതിനുള്ള മറ്റൊരു ഘടകം വിറ്റാമിൻ ബി 12-ന്റെ അളവ് ഒപ്റ്റിമല് ആയി നിലനിർത്തുക എന്നതാണ്. വിറ്റാമിൻ ബി 12-ന്റെ കുറഞ്ഞ അളവ് ഹോമോസിസ്റ്റീൻ എന്ന അമിനോ ആസിഡിനെ വർധിപ്പിക്കും. ഇത് ഹൃദയ സംബന്ധമായ അസുഖങ്ങള് ഉണ്ടാകാനുള്ള സാധ്യത വർധിപ്പിക്കുന്നു.
