കൽപ്പറ്റ:കേരളത്തെ കാർന്നു തിന്നുന്ന ലഹരി മാഫിയകൾക്കെതിരെ ജനമനസ്സുകളും സർക്കാർ സംവിധാനങ്ങളും ഉണർന്ന് പ്രവർത്തിക്കുന്ന മെന്നാവശ്യപ്പെട്ട് കൊണ്ട് “ലഹരി മാഫിയക്കെതിരെ വിദ്യാർത്ഥി മുന്നേറ്റം എന്ന മുദ്രാവാക്യം ഉയർത്തി കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യർ നയിക്കുന്ന “ക്യാമ്പസ് ജാഗരൻ യാത്രയ്ക്ക് ” കൽപ്പറ്റ ഗവ.കോളേജിൽ സ്വീകരണം നൽകി.
വയനാട് ജില്ലാ കമ്മിറ്റിയുടെ നേതൃത്വത്തിൽ നടന്ന സ്വീകരണ യോഗം എൻ.എസ്.യു.ഐ ദേശീയ ജന:സെക്രട്ടറി അനുലേഖബൂസ ഉദ്ഘാടനം ചെയ്തു. ലഹരി വിരുദ്ധ ബോധവത്കരണ പ്രവർത്തനങ്ങളിൽ പ്രവർത്തകർ സജീവമായി അണിനിരക്കണമെന്ന് അനുലേഖ ആവശ്യപ്പെട്ടു. അതേസമയം ലഹരി മാഫിയ ക്യാമ്പസുകളിൽ തഴച്ചു വളരുന്നത് ആശങ്കാജനകമാണെന്നും, ലഹരി വിരുദ്ധ പോരാട്ടങ്ങളെ കെ.എസ്.യു മുന്നിൽ നിന്ന് നയിക്കുമെന്നും ജാഥാ ക്യാപ്റ്റനും, കെ.എസ്.യു സംസ്ഥാന പ്രസിഡന്റുമായ അലോഷ്യസ് സേവ്യർ പറഞ്ഞു.
ജില്ലയുടെ സംഘടനാ ചുമതലയുള്ള ജന: സെക്രട്ടറി മാഹിൻ മുപ്പതിൽച്ചിറ അദ്ധ്യക്ഷത വഹിച്ചു.ഡിസിസി പ്രസിഡന്റ് എൻ.ഡി അപ്പച്ചൻ,സംസ്ഥാന വൈസ് പ്രസിഡന്റുമാരായ എം.ജെ യദുകൃഷ്ണൻ, മുഹമ്മദ് ഷമ്മാസ്, ആൻ സെബാസ്റ്റ്യൻ, അരുൺ രാജേന്ദ്രൻ,കെ.എസ്.യു ജില്ലാ പ്രസിഡന്റ് ഗൗതം ഗോകുൽദാസ്, സംഘടനാ ജന: സെക്രട്ടറി മുബാസ് ഓടക്കാലി കോൺഗ്രസ് ബ്ലോക്ക് പ്രസിഡന്റ് ബി. സുരേഷ് ബാബു എന്നിവർ പ്രസംഗിച്ചു.
