തിരുവനന്തപുരം:
കേരളത്തിലെ നിരത്തുകളില് 550 കാമറകള് കൂടി സ്ഥാപിക്കണമെന്ന് കേരള പോലീസ്. അശ്രദ്ധമായ ഡ്രൈവിങും കുറ്റകൃത്യങ്ങളും നടക്കുന്ന 550 സ്ഥലങ്ങള് കണ്ടെത്തിയിട്ടുണ്ടെന്നും വിവരാവകാശ പ്രകാരം നല്കിയ മറുപടിയില് പോലീസ് പറയുന്നു. ചെറുവത്തൂർ തിമിരി ചെമ്പ്രക്കാനത്തെ എം.വി ശില്പരാജിന് വിവരാവകാശ പ്രകാരം നല്കിയ മറുപടിയിലാണ് ഇക്കാര്യമുള്ളത്. സുരക്ഷ ആവശ്യമുള്ള വ്യക്തികള്ക്കും മറ്റ് ആഭ്യന്തര സുരക്ഷയ്ക്കും ഭീഷണി നേരിടുന്നതിനാല് വിവരാവകാശപ്രകാരം തിരുവനന്തപുരം സിറ്റിയില് ക്യാമറകള് സ്ഥാപിക്കേണ്ട സ്ഥലങ്ങളുടെ വിവരം നല്കാനാവില്ലെന്നും പൊലിസിന്റെ മറുപടിയിലുണ്ട്. കൊല്ലം റൂറല് 51, പത്തനംതിട്ട 28, ആലപ്പുഴ 72, ഇടുക്കി 72, കൊച്ചി സിറ്റി 60, എറണാകുളം റൂറല് 11, കാസർഗോഡ് 101, കോഴിക്കോട് സിറ്റി 40, തൃശൂർ സിറ്റി 68 എന്നിങ്ങനെ ക്യാമറകള് സ്ഥാപിക്കണമെന്നാണ് വിവരാവകാശ മറുപടിയിലുള്ളത്.
അസാപ് സ്കില് പാര്ക്കില് നിയമനം
മാനന്തവാടി അസാപ് കമ്മ്യൂണിറ്റി സ്കില് പാര്ക്കില് അപ്ലിക്കേഷന് ഡവലപ്പര്, വെയര് ഹൗസ് എക്സിക്യൂട്ടീവ്, ജൂനിയര് ഡാറ്റ അനലിസ്റ്റ് തസ്തികകളിലേക്ക് നിയമനം നടത്തുന്നു. യോഗ്യരായ ഉദ്യോഗാര്ത്ഥികള് https://forms.gle/koK6ZCc2Nxqp8XY7A മുഖേന അപേക്ഷിക്കണം. ഫോണ്- 9495 999 669.
