രാജ്യത്തെ എല്ലാ സ്കൂള് വിദ്യാർഥികള്‍ക്കും ഏകീകൃത തിരിച്ചറിയില്‍ നമ്ബർ എന്ന ഉദ്ദേശത്തോടെയാണ് ഓട്ടോമേറ്റഡ് പെർമനന്റ് അക്കാദമിക്ക് അക്കൗണ്ട് രജിസ്ട്രി (APAAR-അപാർ) തയ്യാറാക്കുന്നത്. ദേശീയ വിദ്യാഭ്യാസ നയത്തിന്റെ ഭാഗമായിട്ടാണ് പുതിയ പരിഷ്‌ക്കാരം നടപ്പിലാക്കുന്നത്. ഒരു രാജ്യം, ഒരു ഐഡി എന്നതാണ് പദ്ധതി. പ്രിപ്രൈമറി മുതല്‍ ഉന്നത വിദ്യാഭ്യാസ തലം വരെ ഓരോ വിദ്യാർത്ഥികള്‍ക്കും അപാർ ഐഡി ഉപയോഗിക്കാം.
സ്വകാര്യ/ സർക്കാർ സ്‌കൂളുകള്‍ക്ക് എല്ലാം ഈ പദ്ധതി ബാധകമാണ്. ഒരു വിദ്യാർത്ഥിയുടെ പഠനകാലയളവിലുടനീളം അവരുടെ അക്കാദമിക് റെക്കോർഡുകള്‍ ട്രാക്ക് ചെയ്യുന്നതിനായാണ് ഈ ഐഡി രൂപകല്‍പ്പന ചെയ്തിരിക്കുന്നത്. കുട്ടിയുടെ മുഴുവൻ വിദ്യാഭ്യാസ രേഖയും സൂക്ഷിക്കുന്ന എജ്യുലോക്കറായി ഇതിനെ കണക്കാക്കാം. സ്‌കൂളുകള്‍ക്ക് മാത്രമെ ഇതിന്റെ നടപടികള്‍ പൂർത്തിയാക്കാൻ സാധിക്കൂ. ബന്ധപ്പെട്ട സർക്കാർ ഏജൻസികള്‍ക്ക് അല്ലാതെ വിവരങ്ങളെടുക്കാനും സാധിക്കില്ലെന്ന് വിദ്യാഭ്യാസ മന്ത്രാലയം പറയുന്നു.
അപാർ ഐഡിയുടെ പ്രധാന സവിശേഷതകള്‍
നിങ്ങള്‍ പൂർത്തിയാക്കിയ കോഴ്‌സുകള്‍, ഗ്രേഡുകള്‍, സർട്ടിഫിക്കേഷനുകള്‍, നേട്ടങ്ങള്‍ എന്നിവയുള്‍പ്പെടെയുള്ള വിശദമായ അക്കാദമിക് വിവരങ്ങള്‍ അപാർ ഐഡിയില്‍ സൂക്ഷിക്കും.
ഈ വിവരങ്ങള്‍ സുരക്ഷിതമാക്കുന്നതിന് ഐഡി ഡിജി ലോക്കറുമായി സംയോജിപ്പിക്കും.
അക്കാദമിക് ബാങ്ക് ഓഫ് ക്രെഡിറ്റ്സ് (ABC), വിദ്യാ സമിക്ഷ കേന്ദ്ര (VSK) എന്നിവയുമായി യോജിപ്പിക്കുന്നതിലൂടെ ഫലങ്ങള്‍, സ്കോളർഷിപ്പുകള്‍, ആനുകൂല്യങ്ങള്‍ള്‍ എന്നിവ നിരീക്ഷിക്കുന്നതിനും വിലയിരുത്തുന്നതിനും ഈ ഐഡി സഹായിക്കുന്നു.
അപാർ ഐഡിക്ക് എങ്ങനെ അപേക്ഷിക്കാം?
അപാർ ഐഡിക്ക് അപേക്ഷക്കുന്നതിനായി ആദ്യം, അപാർ ഐഡിയെക്കുറിച്ച്‌ വിശദമായി അറിയാൻ മാതാപിതാക്കള്‍ അതത് വിദ്യാർത്ഥികളുടെ സ്കൂള് സന്ദർശിക്കുക എന്നതാണ്.തുടർന്ന്, അപാർ ഐഡി തയ്യാറാക്കുന്നതിന് അനുവാദം നല്‍കുന്നതിനായി മാതാപിതാക്കള്‍ സമ്മതപത്രം പൂരിപ്പിക്കേണ്ടതുണ്ട്.ശേഷം ഏകീകൃത ജില്ലാ വിവര സംവിധാനം (UDISE) സിസ്റ്റം വിദ്യാർത്ഥിക്കായി അപാർ ഐഡി തയ്യാറാക്കുന്നത്. അത് ഡിജി ലോക്കർ അക്കൗണ്ടിലേക്ക് പ്രസിദ്ധീകരിക്കുകയും ചെയ്യും. അതിലൂടെ മാത്രമെ പിന്നീട് വിദ്യാർത്ഥികള്‍ക്ക് അത് ആക്സസ് ചെയ്യാനും ഡൗണ്‍ലോഡ് ചെയ്യാനും സാധിക്കുകയുള്ളൂ.
അപാർ ഐഡിക്ക് ആവശ്യമായ വിശദാംശങ്ങള്‍
UDISE+ യുണീക്ക് സ്റ്റുഡന്റ് ഐഡന്റിഫയർ (PEN)
വിദ്യാർത്ഥിയുടെ പേര്
ജനനത്തീയതി (DOB)
ലിംഗഭേദം
മൊബൈല്‍ നമ്ബർ
മാതാപിതാക്കളുടെ പേര് ആധാർ വിവരങ്ങള്‍
