സുൽത്താൻ ബത്തേരി ഗവ. സർവജന ഹയർ സെക്കൻഡറി സ്കൂളിൽ നടന്ന ഒന്നാം വർഷ ഹയർ സെക്കണ്ടറി ക്ലാസ്സുകളിലേക്കുള്ള പ്രവേശനോത്സവം-വരവേൽപ്പ് 2025-നഗരസഭ തല ഉദ്ഘാടനം നഗരസഭാ ചെയർമാൻ ടി കെ രമേഷ് നിർവഹിച്ചു. സന്തോഷത്തോടെയുള്ള രണ്ട് വർഷ കാലയളവിൽ നഗരസഭയുടെയും സംസ്ഥാന സർക്കാരിന്റെയും നേതൃത്വത്തിൽ ഒരുക്കിയ മികച്ച അടിസ്ഥാന സൗകര്യങ്ങൾ, ലൈബ്രറി, മത്സര പരീക്ഷാപരിശീലന സൗകര്യങ്ങൾ, ഹാപ്പിനസ് പാർക്ക്, ഹാപ്പിനസ് മീറർ റൂം, എന്നിവ ഫലപ്രദമായി ഉപയോഗപ്പെടുത്തി ഇന്ത്യയിലെ മികച്ച സ്ഥാപനങ്ങളിൽ പ്രവേശനം നേടാൻ വിദ്യാർത്ഥികൾക്ക് കഴിയട്ടെ എന്ന് അദ്ദേഹം ആശംസിച്ചു. തുടർന്ന് നടന്ന രക്ഷാകർതൃ ബോധവൽക്കരണ ക്ലാസിന് സുനിത ഇല്ലത്ത്, പി ജി ഷാനി എന്നിവർ നേതൃത്വം നൽകി.
പിടിഎ പ്രസിഡന്റ ടി കെ ശ്രീജൻ അധ്യക്ഷനായ യോഗത്തിൽ പ്രിൻസിപ്പാൾ പി എ അബ്ദുൾ നാസർ, വി കെ സുനിൽകുമാർ, എസ്എംസി ചെയർമാൻ സുഭാഷ് ബാബു, ഹെഡ്മിസ്ട്രസ് ബിജി വർഗീസ് എന്നിവർ സംസാരിച്ചു.
