ശരീരത്തിന് പലവിധത്തിലുള്ള അസ്വസ്ഥത ഉണ്ടാകുമ്പോള് നമ്മള് ഡോക്ടറെ കാണുകയും ചികിത്സ തേടുകയും ചെയ്യാറുണ്ട്. മാനസികവും ശാരീരികവുമായ പല ആരോഗ്യപ്രശ്നങ്ങളും നമ്മുടെ ആരോഗ്യത്തിന്റെ താളം തെറ്റിക്കും. അത്തരത്തില് ഒരു പ്രധാനപ്പെട്ട പ്രശ്നമാണ് അഡ്രീനല് ഗ്രന്ധികള് ഉത്പാദിപ്പിക്കുന്ന ഹോര്മോണായ കോര്ട്ടിസോളിന്റെ അളവിലുണ്ടാകുന്ന വ്യത്യാസം.
എന്താണ് കോര്ട്ടിസോള്
വൃക്കയുടെ മുകളിലുള്ള അഡ്രീനല് ഗ്രന്ധികള് ഉത്പാദിപ്പിക്കുന്ന ഒരു സ്റ്റിറോയിഡ് ഹോര്മോണാണ് കോര്ട്ടിസോള്. ഇവ നമ്മുടെ ആരോഗ്യത്തിന്റെ വിവിധ വശങ്ങളെ ബാധിക്കുകയും സമ്മര്ദ്ദത്തോടുള്ള ശരീരത്തിന്റെ പ്രതികരണത്തെ നിയന്ത്രിക്കാന് സഹായിക്കുകയും ചെയ്യുന്നു. സമ്മര്ദ്ദം മാത്രമല്ല മെറ്റബോളിസം, ഇമ്യൂണിറ്റി പ്രതികരണങ്ങള് എന്നിവയെ ക്രമീകരിക്കാനും കോര്ട്ടിസോള് ഒരു പ്രധാന പങ്ക് വഹിക്കുന്നു. കോര്ട്ടിസോളിന്റെ അളവ് കൂടുന്നതും കുറയുന്നതും ആരോഗ്യത്തെ ബാധിക്കും.
ശരീരത്തില് കോര്ട്ടിസോളിന്റെ അളവ് കൂടുമ്പോള് എന്ത് സംഭവിക്കും
വിട്ടുമാറാത്ത ക്ഷീണം
വിട്ടുമാറാത്ത ക്ഷീണവും അമിതമായ ഉറക്കവും ശരീരത്തില് കോര്ട്ടിസോളിന്റെ അളവ് കൂടുന്നു എന്നതിന്റെ ലക്ഷണമായിരിക്കാം. കോര്ട്ടിസോള് ഉറക്ക ചക്രത്തെ തടസ്സപ്പെടുത്തുകയും ഉറക്കത്തിന്റെ ഗുണനിലവാരം മോശമാക്കുകയും ചെയ്യും. ദീര്ഘകാലമായി കോര്ട്ടിസോളിന്റെ അളവ് കൂടുന്നത് നാഡീവ്യൂഹത്തെ ബാധിക്കും അതുകൊണ്ടാണ് ക്ഷീണം ഉണ്ടാകുന്നത്.
ശരീരഭാരം കൂടുക
കാരണങ്ങളൊന്നും ഇല്ലാതെതന്നെ ശരീരഭാരം വര്ധിക്കുന്നുണ്ടെങ്കില് ശ്രദ്ധിക്കേണ്ടതാണ്.പ്രത്യേകിച്ച് അടിവയറില് കൊഴുപ്പ് അടിഞ്ഞുകൂടുന്നത്. ഇത് കോര്ട്ടിസോളിന്റെ അളവ് കൂടുന്നതുകൊണ്ടുളള പ്രശ്നമാണ്. മാത്രമല്ല കോര്ട്ടിസോള് അളവ് കൂടിയാല് അത് മധുരമുളളതും കൊഴുപ്പടങ്ങിയതുമായ ഭക്ഷണങ്ങളോട് ഉള്ള ആസക്തി വര്ധിപ്പിക്കും.
Image
ഇടയ്ക്കിടെയുണ്ടാകുന്ന പനി
കോര്ട്ടിസോള് പ്രതിരോധശേഷിയെ ദുര്ബലപ്പെടുത്തും. പതിവായി കോര്ട്ടിസോളിന്റെ അളവ് കൂടുന്നത് അസുഖങ്ങള് കൂടുതല് പിടിപെടാന് കാരണമാകുന്നു. ചില ആളുകളില് മുറിവുകള് ഉണങ്ങാനുളള കാലതാമസവും ഉണ്ടാകും. കാരണം കോര്ട്ടിസോളിന്റെ അളവ് കൂടുന്നത് ശരീരത്തിലെ അണുബാധകള്, രോഗാണുക്കള് ഇവയെ ചെറുക്കാനുള്ള ശേഷി കുറയ്ക്കുന്നതുകൊണ്ടാണ്.
Image
അസ്വസ്ഥത വര്ധിക്കുന്നു
കോര്ട്ടിസോളും മാനസിക ആരോഗ്യവുമായി വളരെയധികം ബന്ധപ്പെട്ടിരിക്കുന്നു. ഇതിന്റെ അളവ് കൂടുന്നത് മാനസിക നിലയെ അസ്വസ്ഥതപ്പെടുത്തുകയും ഉത്കണ്ഠ, വിഷാദം എന്നിവയിലേക്ക് നയിക്കുകയും ചെയ്യും. ശരീരത്തിലെ ന്യൂറോ ട്രാന്സ്മിറ്റര് പ്രവര്ത്തനങ്ങളെ ബാധിക്കുന്നതുകൊണ്ട് വികാരങ്ങളില് മാറ്റം വരുത്തുകയും ചെയ്യും.
മുഖക്കുരുവും മുടികൊഴിച്ചിലും
ഉയര്ന്ന കോര്ട്ടിസോളിന്റെ അളവ് ചര്മ്മത്തിന്റെയും മുടിയുടെയും പേശികളുടെയും ആരോഗ്യത്തെ ബാധിക്കുന്നു. മുഖക്കുരു കോര്ട്ടിസോള് വര്ധനവിന്റെ മറ്റൊരു ലക്ഷണമാണ്. മുടിയുടെ കട്ടി കുറയുന്നതും പേശികള് ദുര്ബലമാകുന്നതും കോര്ട്ടിസോളിന്റെ അളവുമായി ബന്ധപ്പെട്ടിരിക്കുന്നു.
