ജയശ്രീ കുട്ടി പോലീസ് വായനാദിനം ആഘോഷിച്ചു.

പുൽപ്പള്ളി :ജയശ്രീ ഹയർ സെക്കൻഡറി സ്കൂളിലെ എസ് പി സി യൂണിറ്റ് വായനാദിനം സമുചിതമായി ആഘോഷിച്ചു. കുട്ടികളുടെ വായനശേഷി വർദ്ധിപ്പിക്കുന്നതിനായി കുട്ടികൾ വായിച്ച പുസ്തകത്തിന്റെ റിവ്യൂ, പുസ്തക വിതരണം എന്നിവ നടത്തി. സ്കൂളിലെ വൈസ് പ്രിൻസിപ്പൽ പി ആർ സുരേഷ്, സ്റ്റാഫ് സെക്രട്ടറി കെ കെ ഷിജിത്ത് കുമാർ, എന്നിവർ വായനദിന ആശംസകൾ നേർന്നു. കുട്ടികളിൽ വായനാശീലം വർദ്ധിപ്പിക്കുക എന്നതായിരുന്നു ലക്ഷ്യം. സിപിഒ പി ബി വൈശാഖ്, എസിപിഒ എ ഡി ബിന്ദു, കമാൻഡർ ബെസിൻ റനീഷ് എന്നിവർ പരിപാടിക്ക് നേതൃത്വം നൽകി.