വനമേഖലയോട് ചേര്ന്നുള്ള ഗ്രാമപഞ്ചായത്തുകളില് ജൈവവൈവിധ്യ സംരക്ഷണത്തിന് ഔഷധ സസ്യ പരിപാലനത്തിനൊരുങ്ങി സംസ്ഥാന ജൈവവൈവിധ്യ ബോര്ഡ്. തവിഞ്ഞാല്, തിരുനെല്ലി, പൂതാടി, പൊഴുതന, നൂല്പ്പുഴ
ഗ്രാമപഞ്ചായത്തുകളാണ് ഔഷധസസ്യ പരിപാലന പദ്ധതിക്ക് തെരഞ്ഞെടുത്തത്.
തവിഞ്ഞാല് ഗ്രാമപഞ്ചായത്തിലെ ഗോദാവരി കോളനിയില് ഒരു ഏക്കര് സ്ഥലത്ത് ഔഷധസസ്യങ്ങള് നട്ടു പട്ടികജാതി-പട്ടികവര്ഗ-പിന്നാക്കക്ഷേമ വകുപ്പ് മന്ത്രി ഒ ആര് കേളു പദ്ധതി ഉദ്ഘാടനം ചെയ്തു. തവിഞ്ഞാല് ഗ്രാമപഞ്ചായത്തിലെ തദ്ദേശീയ വൃക്ഷമായി നാഗമരം തെരഞ്ഞെടുത്തു.
പദ്ധതി നടപ്പാക്കുന്ന ഗ്രാമപഞ്ചായത്തുകളിലെ വനവിഭവങ്ങള് ശേഖരിച്ച് ഉണക്കി സൂക്ഷിക്കാനാവശ്യമായ ഉണക്കത്തറകളും സ്റ്റോര് റൂമുകളും സംസ്ഥാന ജൈവവൈവിധ്യ ബോര്ഡ് ലഭ്യമാക്കും. ഗ്രാമപഞ്ചായത്തിന്റെ ബ്രാന്ഡില് വിഭവങ്ങള് വിപണനം നടത്തി ഗുണമേന്മയുള്ള ഔഷധസസ്യങ്ങള് ലഭ്യമാക്കുകയാണ് പദ്ധതി ലക്ഷ്യം.
തവിഞ്ഞാല് ഗ്രാമപഞ്ചായത്ത് പ്രസിഡന്റ് എല്സി ജോയി അധ്യക്ഷയായ പരിപാടിയില് വൈസ് പ്രസിഡന്റ് ജോസ് പാറക്കല്, വൈസ് പ്രസിഡന്റ് ജോസ് പാറക്കല്, നാഷണല് മെഡിസിനല് പ്ലാന്റ് ബോര്ഡ് പ്രിന്സിപ്പല് സയന്റിസ്റ്റ് ഡോ. പി സുജനപാല്, ജോയിന്റ് പ്രോഗ്രാം കോ-ഓര്ഡിനേറ്റര് പി സി മജീദ്, മാര്ക്കറ്റിങ് കണ്സള്ട്ടന്റ് കെ നിഖില, സംസ്ഥാന ജൈവവൈവിധ്യ ബോര്ഡ് ജില്ല കോര്ഡിനേറ്റര് പി ആര് ശ്രീരാജ്, ജില്ലാ ബിഎംസി കണ്വീനര് ടി സി ജോസഫ്, ബേഗൂര് റേഞ്ച് ഫോറസ്റ്റ് ഓഫീസര് രഞ്ജിത്ത്, തവിഞ്ഞാല് ഗ്രാമപഞ്ചായത്ത് സെക്രട്ടറി സുധീര്, വാര്ഡ് മെമ്പര് മുരുകേശന്, ജില്ലാ പഞ്ചായത്ത് മെമ്പര് മീനാക്ഷി രാമന്, ബ്ലോക്ക് പഞ്ചായത്ത് മെമ്പര്മാരായ എം ജി ബിജു, ടി കെ അയ്യപ്പന്, ക്ഷേമകാര്യ സ്റ്റാന്റിങ് കമ്മിറ്റി ചെയര്മാന് സ്വപ്ന പ്രിന്സ്, എന്ജിനീയറിങ് കോളേജ് പിടിഎ വൈസ് പ്രസിഡന്റ് വിനോദ് എന്നിവര് സംസാരിച്ചു.
