വാട്സ്ആപ്പ് അക്കൗണ്ട് ഹാക്ക് ചെയ്ത് വ്യജ അക്കൗണ്ട് ഉപയോഗിച്ചുള്ള തട്ടിപ്പ് സമീപകാലങ്ങളില് സജീവമായത് ശ്രദ്ധയില്പ്പെട്ട കേരള പൊലീസിന്റെ മുന്നറിയിപ്പ്. 2-Step Verification സജ്ജമാക്കിയിട്ടില്ലാത്തവരുടെ വാട്സ്ആപ്പ് അക്കൗണ്ടുകളാണ് ഇത്തരത്തില് ഹാക്കർമാർ വേഗത്തില് കൈക്കലാക്കുന്നതെന്നും, അതിനെതിരെ മുൻ കരുതല് സ്വീകരിക്കണമെന്നും കേരള പൊലീസ് മുന്നറിയിപ്പ് നല്കുന്നു.
ജനപ്രിയ സമൂഹമാധ്യമമായ വാട്സ്ആപ്പ് അക്കൗണ്ട് ഹാക്ക് ചെയ്ത് വ്യാജ അക്കൗണ്ട് ഉപയോഗിച്ചുള്ള തട്ടിപ്പ് സമീപകാലങ്ങളില് സജീവമായി തുടരുന്നു. ഇത്തരം തട്ടിപ്പുകള് വഴി വ്യക്തിഗത വിവരങ്ങള് തട്ടിപ്പുകാർ കൈക്കലാക്കുകയും, ആള്മാറാട്ടം നടത്തി സാമ്ബത്തിക തട്ടിപ്പുകള് ഉള്പ്പെടെയുള്ള സൈബർ കുറ്റകൃത്യങ്ങള് നടത്തുകയും പൊതുജനങ്ങള്ക്ക് സാമ്ബത്തിക നഷ്ടത്തിനും മാനഹാനിക്കും സൈബർ ഭീഷണിക്കും കാരണമാകുകയും ചെയ്യുന്നു.
തട്ടിപ്പുകാർ സാധാരണക്കാരുടെ വാട്സ്ആപ്പ് അക്കൗണ്ട് ഹാക്ക് ചെയ്ത് അവരുടെ ഫോണ്കളിലോ, ലാപ്ടോപ്പുകളിലോ ലോഗിൻ ചെയ്യാൻ ശ്രമിക്കുന്നു. ഈ സമയം രജിസ്റ്റർ ചെയ്ത ഫോണ് നമ്ബറിലേക്ക് OTP സന്ദേശം അയയ്ക്കപ്പെടുന്നു. തുടർന്ന് തട്ടിപ്പുകാർ തന്നെ ഫോണ് വിളിച്ച് വിശ്വാസം നേടിയെടുക്കുകയും, SMS വഴി ലഭിക്കുന്ന OTP കൈക്കലാക്കുകയും ചെയ്യുന്നു. 2-Step Verification സജ്ജമാക്കിയിട്ടില്ലാത്തവരുടെ വാട്സ്ആപ്പ് അക്കൗണ്ടുകളാണ് ഇത്തരത്തില് ഹാക്ക് ചെയ്യപ്പെടാനുള്ള സാധ്യത കൂടുതലുള്ളത്.
പലപ്പോഴും സാധാരണക്കാർക്ക് അവരുടെ WhatsApp അക്കൗണ്ട് ഹാക്ക് ചെയ്തതായി ഉടൻ മനസ്സിലാവാറില്ല. തട്ടിപ്പുകാർ ഫോണ് നമ്ബറും WhatsApp അക്കൗണ്ടിന്റെയും നിയന്ത്രണം സ്വന്തമാക്കിയാല് അക്കൗണ്ട് ലോഗ്ഔട്ട് ആകുകയും, പ്രശ്നം പരിഹരിക്കാനുള്ള ആദ്യ ശ്രമമായി ഇര WhatsApp ഡിലീറ്റ് ചെയ്ത് വീണ്ടും ഇൻസ്റ്റാള് ചെയ്യാൻ ശ്രമിക്കുകയും ചെയ്യും.ലോഗിൻ ചെയ്യാൻ ശ്രമിക്കുന്നതിനിടെ OTP തെറ്റായി പലവട്ടം നല്കുന്നതിനാല് WhatsApp സുരക്ഷാ സംവിധാനം OTP ജനറേറ്റ് ചെയ്യുന്നത് 12 മുതല് 24 മണിക്കൂർ വരെ തടഞ്ഞുവെയ്ക്കും. ഈ സമയത്ത് സ്വന്തം WhatsApp അക്കൗണ്ടില് പ്രവേശിക്കാൻ കഴിയില്ല.
ഈ ഇടവേളയില് തട്ടിപ്പുകാർ ഇരയുടെ WhatsApp അക്കൗണ്ടില് ആള്മാറാട്ടം നടത്തി സുഹൃത്തുക്കളെയും ബന്ധുക്കളെയും ലക്ഷ്യം വെച്ച് പണം ആവശ്യപ്പെട്ട് വ്യാജ സന്ദേശങ്ങള് അയയ്ക്കുകയും പണം തട്ടിയെടുക്കുകയും ചെയ്യും. കൂടാതെ, പുതിയ തട്ടിപ്പുകള്ക്കായി APK ലിങ്കുകളും മറ്റു ദോഷകരമായ ഫയലുകളും അയക്കാറുണ്ട്.
