ചെറിയ പെരുന്നാളിന്റെ ആഘോഷ നിമിഷങ്ങളിലും പശ്ചിമേഷ്യയിലെ സമാധാനത്തിനായി പ്രാർത്ഥിക്കുക: കെ ടി ഹംസ മുസ്ലിയാർ

ചെറിയ പെരുന്നാൾ ദിനത്തിലും പശ്ചിമേഷ്യയിലെ സമാധാന പുലർന്ന് കാണുന്നതിന് വേണ്ടി എല്ലാവരും പ്രാർത്ഥിക്കണം എന്ന് സമസ്ത കേരള ജംഇയ്യത്തുൽ ഉലമ വയനാട് ജില്ലാ പ്രസിഡണ്ട് കെടി ഹംസം മുസ്ലിയാർ ആവശ്യപ്പെട്ടു.പരിശുദ്ധ റമദാൻ
വിട പറഞ്ഞു,വിശ്വാസികളുടെ
ഹൃദയത്തെ നൊമ്പരപ്പെടുത്തുന്നതാണ്
യതാർത്ഥത്തിൽപുണ്യറമദാനിൻറെ
വിട പറച്ചിൽ.ചെയ്യുന്ന നന്മകൾക്കെല്ലാം
ഇരട്ടിയിരട്ടി പ്രതിഫലങ്ങളാണ്
റമദാനിൽ ഒരു വിശ്വാസിക്ക്
അല്ലാഹു നൽകുമെന്ന് പ്രഖ്യാപിച്ചത്.
ഒരു മാസക്കാലം വ്യതാനുഷ്ടാനത്തിലൂടെ വിശ്വാസി നേടിയത് ആത്മീയമായ ഉണർവ്വും ആവേശവുമാണ്.
തെറ്റുകളിൽ നിന്നും തിന്മകളിൽ നിന്നും തെറ്റായ ചിന്തകളിൽ നിന്നുപോലും കൃത്യമായി അകലം
പാലിച്ചുകൊണ്ടും നന്മകളിൽ
കൂടുതൽ വ്യാപൃതനായും
മനസ്സിനെ ശുദ്ധിയാക്കുകയായിരുന്നു
വിശ്വാസികൾ.തിന്മകളെല്ലാം കഴുകിക്കളഞ്ഞ്
സ്ഫുടംചെയ്ത മനസ്സുമായാണ്
വിശ്വാസികൾ ഈദിൻറ പ്രഭാതത്തിലേക്ക് കാലെടുത്തു വെച്ചത്.വിശ്വാസികൾക്ക് അല്ലാഹു അനുവദിച്ച് നൽകിയ ആഘോഷദിനങ്ങളിൽ
വളരെ പ്രധാനപ്പെട്ടദിനമാണ്
ചെറിയപെരുന്നാൾ
സുദിനം.ആഘോഷവും ഇബാദത്താവുന്ന
അനുഗ്രഹീത മുഹൂർത്തം.പരിശുദ്ധ ഇസ്ലാം നിശ്ചയിച്ച അതിർവരമ്പുകൾ ലങ്കിക്കാതെയുള്ള ആഘോഷങ്ങളാണ് പെരുന്നാൾ ദിനങ്ങളിൽ നാം കൊണ്ടാടേണ്ടത്.
ദീനിന് വിരുദ്ധമായും ദീനീമൂല്യങ്ങളെ കാറ്റിൽപറത്തിയും പെരുന്നാൾ ദിനത്തിലെ ആഘോഷ നിമിഷങ്ങളെ ആഭാസകരമായ രീതിയിലേക്ക് കൊണ്ടുപോകുന്നത് പരിശുദ്ധ ദീനിനെ വികൃതമാക്കുന്നതാണ്.
കുടുംബ ബന്ധങ്ങൾ ചേർത്തും
സ്നേഹ സൗഹൃദങ്ങൾ പുതുക്കിയും പെരുന്നാതിൻ്റെ
പകലിനെ നമുക്ക് കൂടുതൽ
മനോഹരമാക്കാം.റമദാനിൽ
നേടിയെടുത്ത ആത്മീയമായ ചൈതന്യത്തെ ജീവിതത്തിലുടനീളം നിലനിറുത്താൻ നമുക്ക് സാധിക്കണം.ദാഹിച്ച് തൊണ്ടവറ്റുന്ന സമയത്ത് കൈഅകലത്തിൽ ആവശ്യത്തിലേറെ വെള്ളമുണ്ടായിട്ടും വിശന്നവശനായ സമയങ്ങളിൽ വിഭവ സമൃദ്ധമായ ഭക്ഷണം മുന്നിലുണ്ടായിട്ട് കഴിക്കാതിരുന്നതും
തന്റെ ഇണയുമായി സഹവസിക്കുന്നതിൽ നിയന്ത്രണം വെച്ചെതുമെല്ലാംഅല്ലാഹുവിൻ്റെ കൽപ്പനകളെ അനുസരിക്കുന്നതിൻ്റെ ഭാഗമായാണ്.
ഇങ്ങനെ നേടിയെടുത്ത ആത്മീയമായ ഉണർവ്വും ഉന്മേഷവും ദീനിയായ ചൈതന്യവും വരും നാളുകളിൽ കാത്തുസൂക്ഷിക്കാനുംപെരുന്നാൾ ആഘോഷ നിമിഷങ്ങളിൽ പശ്ചിമേഷ്യയിൽ നമ്മുടെ സഹോദരങ്ങൾ അനുഭവിക്കുന്ന പ്രതിസന്ധികൾ എത്രയും പെട്ടന്ന് പരിഹരിക്കപ്പെടാനും അവരുടെ സമാധാനത്തിനായി പ്രാർത്ഥിക്കാനും നമ്മൾ സമയം കണ്ടെത്തണം.