ഓണ്‍ലൈന്‍ ക്ലാസിനായി അമ്മയുടെ മൊബൈല്‍ കിട്ടിയപ്പോള്‍ കോഴിക്കോടുകാരിക്ക് സോഷ്യല്‍ മീഡിയയില്‍ കയറാനൊരു മോഹം. അങ്ങനെ ഒന്‍പതാം ക്ലാസുകാരി ഇന്‍സ്റ്റഗ്രാമില്‍ പരിചയപ്പെട്ട യുവാവുമായി അടുത്തു.
കാമുകനെ കാണാന്‍ രണ്ട് തവണ വീട്ടില്‍ നിന്ന് നുണ പറഞ്ഞിറങ്ങി. ഒരു തവണ എറണാകുളത്തേക്കും ഒരു തവണ പെരിന്തല്‍മണ്ണയിലേക്കും. പക്ഷേ, അതൊരു ചതിയായിരുന്നു എന്ന മനസ്സിലാക്കാന്‍ പെണ്‍കുട്ടി വൈകി.
സ്വാകാര്യ ചിത്രങ്ങള്‍ പുറത്താക്കുമെന്ന് ഭയപ്പെടുത്തി പെണ്‍കുട്ടിയുടെ നാലരപവന്‍ സ്വര്‍ണവും പണവും കാമുകന്‍ കവര്‍ന്നു. പിന്നീട് ആത്മഹത്യയുടെ വക്കിലെത്തിയ പെണ്‍കുട്ടിയുടെ പെരുമാറ്റത്തിലെ പ്രശ്‌നം ശ്രദ്ധിച്ച വീട്ടുകാര്‍ കാര്യം തിരക്കിയപ്പോഴാണ് കുട്ടിയുടെ ജീവിതത്തിലുണ്ടായ ദുരന്തം വീട്ടുകാര്‍ അറിഞ്ഞത്.
യുവാവുമായി വീട്ടുകാര്‍ സംസാരിച്ചെങ്കിലും, വീട്ടുകാരെ ഇയാള്‍ ഭീഷണിപ്പെടുത്തി. തുടര്‍ന്ന് വീട്ടുകാര്‍ കസബ പോലീസില്‍ പരാതി നല്‍കി. കേസില്‍ യുവാവിനെയും സുഹൃത്തിനെയും അറസ്റ്റ് ചെയ്തു. ഒറ്റപ്പാലം സ്വദേശികളായ ഷറഫലിയും സുഹൃത്ത് രാഗേഷുമാണ് പോലീസ് പിടിയിലായത്.
