വയനാട് വന്യജീവി സങ്കേതത്തിന് ബഫർ സോൺ പ്രഖ്യാപിക്കുന്ന കേന്ദ്രവിജ്ഞാപനം പിൻവലിക്കുകയോ പുനപരിശോധിക്കുകയോ ചെയ്യണമെന്നാവശ്യപ്പെട്ട് കൊണ്ട് കെസിവൈഎം നടവയൽ യൂണിറ്റിന്റെ നേതൃത്വത്തിൽ കേന്ദ്ര വനംപരിസ്ഥിതി മന്ത്രാലയത്തിന് ഇമെയിൽ അയച്ച് പ്രതിഷേധം രേഖപ്പെടുത്തുന്ന ഇമെയിൽ ക്യാമ്പയിൻ ആർച്ച് പ്രീസ്റ്റ് ജോസ് മേച്ചേരിൽ ഉത്ഘാടനം ചെയ്തു. ബഫർ സോൺ പ്രഖ്യാപനത്തിലെ അശാസ്ത്രീയത പരിഹരിക്കുകയും, വയനാടൻ ജനതയെ ദുരിതത്തിലാഴ്ത്തുകയും സ്വയം കുടിയൊഴിയലിലേക്ക് നയിക്കുകയും ചെയ്യുന്ന ബഫർ സോൺ പ്രഖ്യാപനം പിൻവലിക്കണമെന്ന് യോഗം ആവശ്യപ്പെട്ടു. ഫാ. പ്രിൻസ് തെക്കേതിൽ,ഫാ. അഖിൽ ഉപ്പുവീട്ടിൽ, സി. അനിജ, ബിബി ചിറമേൽ, സോജിൽ മറ്റപ്പള്ളിൽ, കെവിൻ കറ്റിത്താനത്ത്‌, രഞ്ജു ചോലിക്കര, അക്ഷയ് പുളിക്കൽ, ജോഷി മുണ്ടക്കൽ, അനഘ പാറപ്പുറത്ത്, ലയ പറമ്പിൽ തുടങ്ങിയവർ നേതൃത്വം നൽകി.
ചുരത്തിലെ ഗതാഗതം ഭാഗികമായി പുനസ്ഥാപിച്ചു
വയനാട് ചുരം വ്യൂ പോയിന്റിൽ മണ്ണിടിഞ്ഞ പ്രദേശത്തെ വാഹന ഗതാഗതം ഭാഗികമായി പുന:സ്ഥാപിച്ചു. വ്യൂ പോയിന്റിൽ കുടുങ്ങിയ വാഹനങ്ങൾ അടിവാരത്തേക്ക് എത്തിക്കുകയും തുടർന്ന് അടിവാരത്ത് കുടുങ്ങിയ വാഹനങ്ങൾ വ്യൂ പോയിൻ്റ് ഭാഗത്തേക്ക് കയറ്റി വിടും.
