പുല്‍പ്പള്ളി സുരഭിക്കവലയിലെ വയോധിക കര്‍ഷക ദമ്പതികളായ നിരപ്പുതൊട്ടിയില്‍ മാത്യുവിനും മേരിക്കുമൊപ്പം ഈസ്റ്റര്‍ ആഘോഷിച്ച് മലബാര്‍ ഭദ്രാസനാധിപന്‍ സക്കറിയാസ് മോര്‍ പോളികാര്‍പ്പോസ് മെത്രാപോലീത്ത. 90 വയസുകഴിഞ്ഞിട്ടും കൃഷിയില്‍ സജീവമായ മാത്യുവിനെയും മേരിയെയും കുറിച്ച് രാ ഹുല്‍ഗാന്ധി എം.പി ട്വീറ്റ് ചെയ്തിരുന്നു. വിശ്രമിക്കേണ്ട പ്രായത്തില്‍ ചുറുചുറുക്കോടെ കൃഷിയിടത്തിലിറങ്ങി ജോലി ചെയ്യുന്ന ഇരുവരെയും കുറിച്ച് നിരവധി മാധ്യമങ്ങളും വാര്‍ത്ത നൽകിയിരുന്നു. ഇതിന് പിന്നാലെ നിരവധി പേരാണ് ഈ വയോധികരായ ദമ്പതികളെ കാണാന്‍ സുരഭിക്കവലയിലെ നിരപ്പുതൊട്ടിയില്‍ വീട്ടിലെത്തിയത്. കാര്‍ഷികവൃത്തിയില്‍ ഇപ്പോഴും തുടരുന്ന മാത്യുവിനെയും മേരിയെയും നേരില്‍ കാണുന്നതിനായാണ് മലബാര്‍ ഭദ്രാസനാധിപന്‍ കൂടിയായ സക്കറിയാസ് പോളി കാര്‍പ്പോസ് മെത്രാപോലീത്ത ഈസ്റ്റര്‍ ദിനത്തില്‍ നേരിട്ടെത്തിയത്. വിവരങ്ങളും വിശേഷങ്ങളും ചോദിച്ചറിഞ്ഞ അദ്ദേഹം ഇരുവരും സമൂഹത്തിന് മാതൃകയാണെന്ന് പറഞ്ഞു. ഇരുവരെയും ആദരിച്ച ശേഷം ഏറെ നേരം സമയം ചിലവഴിച്ച ശേഷമാണ് മെത്രാപോലീത്ത മടങ്ങിയത്. ഫാ: ഫിലിപ്പ് ചാക്കോ അരഞ്ഞത്താംമൂട്ടില്‍, ഫാ. എല്‍ദോ വെങ്കിടത്ത് എന്നിവരും അദ്ദേഹത്തിനൊപ്പമുണ്ടായിരുന്നു.
അനിശ്ചിതകാല സമരം അരംഭിച്ച് എൻഎഫ്എസ്എ തൊഴിലാളികൾ;റേഷൻ വിതരണം പ്രതിസന്ധിയിലേക്ക്
മാനന്തവാടി: സർക്കാർ പ്രഖ്യാപിച്ച കൂലിവർധനവ് നടപ്പിലാക്കാത്തതിൽ പ്രതിഷേധിച്ച് എൻഎഫ്എസ്എ കയറ്റിറക്ക് തൊഴിലാളികൾ അനിശ്ചിതകാല സമരം ആരംഭിച്ചു. മെയ് 19 മുതൽ സർക്കാർ നിശ്ചയിച്ച 13% കൂലി വർദ്ധനവ് നടപ്പിലാക്കണമെന്ന് ആവശ്യപ്പെട്ടുകൊണ്ടാണ് എൻഎഫ്എസ്എ തൊഴിലാളികൾ സമരം
