മാനന്തവാടി: സെന്റ് ജോസഫ് മിഷൻ ഹോസ്പിറ്റലിന്റെ നേതൃത്വത്തിൽ, വയനാട് ഡിസ്ട്രിക്ട് ഹെൽത്ത് അഡ്മിനിസ്‌ട്രേഷന്റെ സഹായത്തോടെ നടത്തുന്ന കോവിഡ് – 19 നു എതിരെയുള്ള റാപിഡ് കമ്മ്യൂണിറ്റി വാക്‌സിനേഷൻ പ്രോഗ്രാമിന്റെ ജില്ലാതല ഉത്ഘാടനം മാനന്തവാടി രൂപതാ അധ്യക്ഷൻ മാർ ജോസ് പൊരുന്നേടം പിതാവ് തവിഞ്ഞാൽ സെന്റ് തോമസ് യു. പി. സ്കൂളിൽ നിർവ്വഹിച്ചു. തവിഞ്ഞാൽ കത്തോലിക്ക കോൺഗ്രസ്, SWS, KCYM എന്നീ സംഘടനകളുടെ സഹായത്തോടെ നടത്തിയ മെഗാ ക്യാമ്പിൽ ആശുപത്രി ഡയറക്ടർ ഫാ. മനോജ് കവലക്കാടൻ, വികാരി ഫാ. ആന്റോ മമ്പള്ളി, ഫാ. ജോമേഷ് തേക്കിലക്കാട്ടിൽ, പഞ്ചായത്ത് പ്രസിഡന്റ് എൽസി ജോയി, പഞ്ചായത്ത് മെമ്പർ പി. കെ. ഗോപി, വാക്‌സിനേഷൻ പ്രോഗ്രാം കോ-ഓർഡിനേറ്റർ ജോൺസൻ, ജോസ് കുറുമ്പാലക്കാട്ട് എന്നിവർ പ്രസംഗിച്ചു. നിലവിൽ കോവിഡ് – 19-ന് എതിരെയുള്ള ഇന്ത്യയിലെ തന്നെ ആദ്യത്തെ പൈലറ്റ് പ്രൊജക്റ്റ് ആയി ഈ കമ്യൂണിറ്റി വാക്‌സിനേഷൻ പ്രോഗ്രാമിനെ വിലയിരുത്തുന്നു. ആദ്യ ഷെഡ്യൂളിൽ തിരഞ്ഞെടുത്തിരിക്കുന്ന 7 സ്ഥലങ്ങളിൽ ആണ് വാക്‌സിനേഷൻ ലഭ്യമാക്കുക. 45 വയസിനു മുകളിൽ പ്രായമുള്ള 350 മുതൽ 400 വരെ ആളുകൾക്ക് സൗജന്യമായി ഓരോ ദിവസവും വാക്‌സിൻ നൽകുന്നു.
15 സെൻറീമീറ്റർ നീളമുള്ള മുല്ലപ്പൂ മാല കയ്യിൽ വച്ചു; ഓസ്ട്രേലിയൻ വിമാനത്താവള അധികൃതർ നവ്യാനായർക്ക് പിഴ ചുമത്തിയത് 1.75 ലക്ഷം രൂപ
മുല്ലപ്പൂവ് കെെവശം വച്ചതിന് നടി നവ്യ നായർക്ക് പിഴ ചുമത്തി. ഓസ്ട്രേലിയയിലെ മെല്‍ബണ്‍ രാജ്യാന്തര വിമാനത്താവളത്തിലാണ് നടിയുടെ കെെയില്‍ നിന്ന് പിഴ ചുമത്തിയത്.വിക്ടോറിയയിലെ മലയാളി അസോസിയേഷന്റെ ഓണപ്പരിപാടിയില്‍ പങ്കെടുക്കാനെത്തിയപ്പോഴാണ് സംഭവം. നവ്യതന്നെയാണ് ഇക്കാര്യം വെളിപ്പെടുത്തിയത്.
