ആരും പട്ടിണിയാവരുതെന്ന് ഉറപ്പ് വരുത്തി സിപിഐ (എം)

കണിയാരം:ആരും പട്ടിണിയാവരുതെന്ന് ഉറപ്പ് വരുത്തി സിപിഐ (എം). ഏവരുടേയും പ്രതീക്ഷക്കപ്പുറത്ത് കോവിഡ് രോഗ വ്യാപനവും ലോക് ഡൗണും തുടർന്നപ്പോൾ പ്രതിസന്ധിയിലായത് നിരവധി കുടുംബങ്ങളാണ്.ഇവർക്ക് അന്നമൊരുക്കാൻ ഭക്ഷണ കിറ്റുകളും, പച്ചക്കറികളും എത്തിച്ച് നൽകുകയാണ് കണിയാരത്തെ സിപിഐ (എം) പ്രവർത്തകൾ.ഒന്നാം ഘട്ടത്തിൽ രോഗമെത്താതിരുന്ന ഗോത്ര കോളനികളിൽ ഉൾപ്പെടെ രണ്ടാം ഘട്ടത്തിൽ രോഗവ്യാപനവുണ്ടായതും ലോക് ഡൗൺ മൂലമുള്ള തൊഴിൽ നഷ്ടവും പ്രതിസന്ധി രൂക്ഷമാക്കിയപ്പോഴാണ് സിപിഐ(എം) ഇത്തരത്തിലുള്ള ആശ്വാസമായി എത്തുന്നത്. വരുന്ന ദിവസങ്ങളിലും കോവിഡ് പ്രതിരോധ പ്രവർത്തനങ്ങളോടൊപ്പം ഇത്തരത്തിലുള്ള ആശ്വാസ നടപടികളുമായി മുന്നോട്ട് പോകുമെന്ന് സിപിഐ (എം) മാനന്തവാടി ഏരിയ കമ്മിറ്റിയംഗം പി.ടി ബിജു പറഞ്ഞു.പ്രവർത്തനത്തിന് എ.കെ റൈഷാദ്, അജിത്ത് വർഗ്ഗീസ്, എ സോമദാസൻ, മിനി രാജീവൻ, പുഷ്പ ബാബു, സുധീഷ് കെ എസ്, ലിജോ എന്നിവർ നേതൃത്വം നൽകി.