ഡൽഹി: ബാങ്ക് തട്ടിപ്പുകള് വര്ധിച്ച് വരുന്ന സാഹചര്യത്തില് അടുത്തിടെയാണ് കാര്ഡ് ദുരുപയോഗവും അടുത്തിടെയാണ് അ തട്ടിപ്പും തടയുന്നതിനായി റിസര്വ് ബാങ്ക് പുതിയ മാനദണ്ഡങ്ങള് അവതരിപ്പിച്ചിട്ടുള്ളത്. എല്ലാ പുതിയ ഡെബിറ്റ്- ക്രെഡിറ്റ് കാര്ഡുകളും ഒക്ടോബര് മുതല് എടിഎമ്മുകളും പിഒഎസ് ടെര്മിനലുകളിലും ആഭ്യന്തര ഇടപാടുകള് നടത്താന് മാത്രമേ കഴിയൂ. ഓണ്ലൈന് ഇടപാടുകള്ക്ക് കാര്ഡ് ഉപയോഗിക്കേണ്ടതായി വന്നാല് കാര്ഡ് ഉടമകള് ബാങ്കിനെ സമീപിക്കേണ്ടതുണ്ട്. ഒക്ടോബര് ഒന്ന് മുതലാണ് ഈ പരിഷ്കാരങ്ങള് നിലവില് വന്നിട്ടുള്ളത്.
ഇപ്പോള് മുതല് എല്ലാ ഡെബിറ്റ് കാര്ഡ്- ക്രെഡിറ്റ് കാര്ഡ് ഉപയോക്താക്കള്ക്കും ഇടപാട് പരിധി സജ്ജീകരിക്കാന് സാധിക്കും.
ഇതിന് പുറമേ കാര്ഡ് ഉടമകള്ക്ക് അവരുടെ ഡെബിറ്റ്/ ക്രെഡിറ്റ് കാര്ഡുകള് അന്താരാഷ്ട്ര ഇടപാടുകള്ക്കും കോണ്ടാക്ട്ലെസ് ഇടപാടുകളില് ഉള്പ്പെടുത്താനും ഒഴിവാക്കാനുള്ള സംവിധാനവും നിലവിലുണ്ട്.
ബാങ്കുകള്ക്ക് നിര്ദേശം
ഇന്ത്യയിലോ വിദേശത്തോ അല്ലെങ്കില് കോണ്ടാക്ട്ലെസ് ഇടപാടുകള്ക്ക് ഒരിക്കലും ഉപയോഗിക്കാത്ത ഡെബിറ്റ്- ക്രെഡിറ്റ് കാര്ഡുകള്ക്കുള്ള ഓണ്ലൈന് പേയ്മെന്റുകള് നിഷ്ക്രിയമാക്കാന് ബാങ്കുകളോടും കാര്ഡുകള് അനുവദിക്കുന്ന കമ്ബനികളോടും നിര്ദേശിച്ചിട്ടുണ്ട്. ആഭ്യന്തര കാര്ഡ് ഇടപാടുകള് എടിഎമ്മുകളിലും പിഒഎസ് മെഷീനുകളിലും മാത്രമേ അനുവദിക്കാവൂ എന്നും ബാങ്കുകളോട് നിര്ദേശിച്ചിട്ടുണ്ട്. കാര്ഡ് അനുവദിക്കുമ്ബോഴോ വീണ്ടും അനുവദിക്കുമ്ബോഴോ ഇക്കാര്യം ശ്രദ്ധിക്കാനാണ് നിര്ദേശിച്ചിട്ടുള്ളത്.
കോണ്ടാക്ട്ലെസ് ഇടപാട്
രാജ്യാന്തര ഇടപാടുകള്ക്ക്, കാര്ഡുകള് നിലവില്ലാത്ത ഇടപാടുകള്, കോണ്ടാക്ട് ലെസ് ഇടപാടുകള് എന്നിവയ്ക്ക് ഉപയോക്താക്കള് തങ്ങളുടെ കാര്ഡുകളില് പ്രത്യേകം സര്വീസുകള് ഉള്പ്പെടുത്തണം. ഉപയോക്താക്കള്ക്ക് 24×7 എന്ന ക്രമത്തില് മൊബൈല് ആപ്പുകള്, എടിഎം, ഇന്ററാക്ടീവ് വോയ്സ് റെസ്പോണ്സ് എന്നിവ വഴി സ്വിച്ച് ഓഫ്/ സ്വിച്ച് ഓണ് ചെയ്യാനുള്ള സൌകര്യം ഉണ്ടായിരിക്കും. നിരവധി ബാങ്കുകള് അടുത്ത കാലത്തായി നിയര് ഫീല്ഡ് കമ്മ്യൂണിക്കേഷന് ടെക്നോളജി അനുസരിച്ചാണ് പ്രവര്ത്തിക്കുന്നത്. കാര്ഡ് ഉപയോക്താക്കള് കാര്ഡ് ഇര്സേര്ട്ട് ചെയ്യുകയോ സ്വൈയ്പ് ചെയ്യുകയോ ചെയ്യാതെ പണമിടപാട് നടത്താന് ഇതുവഴി സാധിക്കുന്നു. ഇതാണ് കോണ്ടാക്ട്ലെസ് കാര്ഡുകള്. ഉപയോക്താക്കള്ക്ക് ഇപ്പോള് നിയര് ഫീല്ഡ് കമ്മ്യൂണിക്കേഷന് ടെക്നോളജി ആക്ടിവേറ്റ് ചെയ്യാനും നിഷ് ക്രിയമാക്കാനും സാധിക്കും.
നിയമം ഇങ്ങനെ
പുതിയ നിയന്ത്രണങ്ങള് ഡെബിറ്റ്- ക്രെഡിറ്റ് കാര്ഡുകള്ക്ക് മാത്രമാണ് ബാധകമായിട്ടുള്ളതെന്നാണ് റിസര്വ് ബാങ്ക് അടുത്തിടെ പുറത്തിറക്കിയ പ്രസ്താവനയില് വ്യക്തമാക്കിയിട്ടുള്ളത്. പ്രീ പെയ്ഡ് ഗിഫ്റ്റ് കാര്ഡുകള് മാസ് ട്രാന്സിറ്റ് സിസ്റ്റങ്ങളില് ഉപയോഗിക്കുന്ന കാര്ഡുകളോ ഇതിന്റെ പരിധിയില് വരില്ല. ഈ നിര്ദേശങ്ങള് പേയ്മെന്റ് ആന്റ് സെറ്റില്മെന്റ് സെറ്റില്മെന്റ് സിസ്റ്റംസ് ആക്ട് 2007ലെ സെക്ഷന് 10(2)ല് വരുന്നതാണെന്നും ആര്ബിഐ വ്യക്തമാക്കിയിട്ടുണ്ട്.
