വയനാട് ജില്ലയില് ഇന്ന് (10.10.20) 187 പേര്ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ.ആര്. രേണുക അറിയിച്ചു. 130 പേര് രോഗമുക്തി നേടി. രോഗം സ്ഥിരീകരിച്ചവരില് 6 പേര് ഇതര സംസ്ഥാനങ്ങളില് നിന്നും 2 പേര് വിദേശത്ത് നിന്നും എത്തിയതാണ്. രണ്ട് ആരോഗ്യ പ്രവര്ത്തകര് ഉള്പ്പെടെ 179 പേര്ക്ക് സമ്പര്ക്കത്തിലൂടെയാണ് രോഗബാധ. ഒരാളുടെ ഉറവിടം വ്യക്തമല്ല.
ഇതോടെ ജില്ലയില് കോവിഡ് സ്ഥിരീകരിച്ചവരുടെ ആകെ എണ്ണം 4832 ആയി. 3695 പേര് ഇതുവരെ രോഗമുക്തരായി. ചികിത്സയിലിരിക്കെ 25 പേര് മരണപ്പെട്ടു. നിലവില് 1112 പേരാണ് ചികിത്സയിലുള്ളത്. ഇവരില് 276 പേര് വീടുകളിലാണ് ഐസൊലേഷനില് കഴിയുന്നത്. 31 പേര് ഇതര ജില്ലകളില് ചികിത്സയിലാണ്.
പുറത്തുനിന്ന് വന്ന് രോഗം സ്ഥിരീകരിച്ചവര്:
വിദേശത്ത് നിന്ന് വന്ന പാലമുക്ക് സ്വദേശി, കല്ലേരി സ്വദേശി, ഇതര സംസ്ഥാനങ്ങളില് നിന്ന് വന്ന കംബ്ലക്കാട് സ്വദേശി, പടിഞ്ഞാറത്തറ സ്വദേശി, ബീഹാറില് നിന്നു വന്ന 4 ഭഗല്പൂര് സ്വദേശികള്.
