കഞ്ചാവുമായി യുവാക്കൾ പിടിയിൽ

മാനന്തവാടി ടൗണിൽ എക്സൈസ് ഇൻസ്പെക്ടർ ഷറഫുദ്ദീൻ ടിയും സംഘവും
ഇന്നലെ രാത്രി നടത്തിയ വാഹനപരിശോധനയിൽ സ്കൂട്ടറിൽ കടത്തിക്കൊണ്ടു വരികയായിരുന്ന 650ഗ്രാം കഞ്ചാവുമായി രണ്ടു യുവാക്കൾ പിടിയിൽ.കുഞ്ഞോം സ്വദേശിയായ പന്നിയോടൻ വീട്ടിൽ ഷെഫീഖ് പി.സി(23), കണ്ടത്തുവയൽ സ്വദേശിയായ കൊക്കോടൻ വീട്ടിൽ സബാദ്.കെ(19) എന്നിവരെയാണ് അറസ്റ്റ് ചെയ്തത്.ഇവർ യാത്രചെയ്തിരുന്ന KL 72A 9837 സ്കൂട്ടി കസ്റ്റഡിയിലെടുത്തു. പരിശോധനയ്ക്ക് സിവിൽ എക്സൈസ് ഓഫീസർമാരായ ഷിൻ്റോ സെബാസ്റ്റ്യൻ ,അജേഷ് വിജയൻ ,വിപിൻ വിൽസൺ ,സനൂപ് എന്നിവർ പങ്കെടുത്തു.